Phek Keuna

Page : 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 | 32 | 33 | 34 | 36 | 37 | 38 | 39 | 40 | 41 | 42 | 43 | 44 | 44 | 45 | 46 | 47 | 48 | 49 | 50 | 51 | 52 | 53 | 54 | 55 | 56 | 57 | 58 | 59 | 60 | 61 | 62 | 63 | 64 | 65 | 66 | 67 | 68 | 69 | 70 | 71 | 72 | 73 | 74 | 75 | 77 | 78 | 79 | 80 | 81 | 82 | 83 | 84 | 85 | 86 | 87 | 88 | 89 | 90 | 91 | 92 | 93 | 94 | 95 | 96 | 97 | 98 | 99 | 100 |

Mobile Browser thenkhat ah Older post a hmuh theih lova, Ti hian Dah a ni e.
I comment dawnin Hming bak dah a ngailo.

Aside | Posted on by | Tagged | 3 Comments

MIZO TLANGVAL EVERESTER KAN NEIH BELH LEH TA

National Security Guard Commando mi 7 Lt. Col. Jay Prakash Kumar-a kaihhruai te chuan 16th May, 2019 zing dar 7:05 khan khawvela hmun sang ber Mount Everest an lawn chhuak. An zingah hian Mizo tlangval Johny LT Mawia (Johny Laltlanmawia S/o Zothanmawia Ramhlun North) pawh a tel ve.

National Security Guard te hi Indian Army leh Central Armed Police Forces atanga thlanchhuah sipai tha bikte an ni a, rilru leh taksa lama inrintawkna leh chhelna an neih theih nan khawvela hmun sang ber lawn tur hian tih an ni a, tuntum hi NSG ten Mount Everest an vawikhat lawnna a ni.

NSG expedition team te hi mi 12 niin Indian Army leh Central Armed Police Forces atanga thlan an ni a, April ni 1 khan Delhi chhuahsanin an zinga mi 7; Lt Col Jay Prakash Kumar, AC-I Roshan Singh, AC-II Kunzang Namgail, R-I Tsewang Morup, R-II Tashi Stanba, R-II Ramanvir Singh, R-II Johny LT Mawia te chuan kar kalta May 16 khan tluang takin tlangchhip an thleng a ni. An thian mi 5 dangte chu May ni 22, 2019-a tlang chhip thlen tumin an la awm mek bawk.

Aside | Posted on by | Leave a comment

Mizoram Quota NEE-I NEERIST Arunachal Entrance ah Chakma pakhat tel

Matric pass chiah a țanga luh theih na, Engineer leh Forestry leh a dang te mizoram quota tur a entrence exam chu ka fapa ka beih tir ve a, online in application kan han submit ve a, tichuan matric an exam zawh veleh result pawh hriat hma in entrance chu a țhianpa nen an zu test ve a.

Vanneih thlak takin an zu tling ve hlauh mai, a maherawh chu
Matric result lah kan la hre mai bawk silova, an lo fel leh khut si anga tih hlauhthawn a nasa duh ngei mai, tichuan Matric result chu kan han nghak chhuak ta ngei a, vanneih thlak takin an lo Frist ve hlauh maia an țhian dun chuan, kan van lawm teh lul em.

Ka sawi duh tak zawk chu He NEE 1 entrence hi, mizo te hian kan hre pawp țha vaklo nge ka hrelo kan Mizoram Quota kan hnawh kim thei tlat lo, Category II in chakma pakhat a lut ve, waiting list ah chakma bawk an awm.

Tichuan he Engineer emaw a dang an duhthlan tur hi, mizo te hian kan quota kan hnawh khat zolo hi pawi ka ti a, State dang te chu apply an tam lutuk a waiting list ah pawh an tlar pūt mai nia, Chakma pa in a rawn enjoy ve tur erawh ka thik pui hran lo, a fakawm ka ti, category I nilo tih inhre chungin an rawn apply ve a, mizo chuan daih ila chu an tel dawn lo chu a nia, mahse kan daihloh takah chuan a rawn tumruh ve em em na chu a hlawhtlin na a hmu a ni mai, a lawmpuiawm.

Tichuan kan naute he entrance a tling ho hian, medical lam emaw engthil dang emaw an lo apply bawk chuan, an tling a nih phei chuan he NERIST entrance hi an thlan loh zawk chuan seat a awl leh dawn, chung seat ruak chu chakma waiting list a mi te hian an hnawh khat leh ang, tichuan Chakma chu mizoram quota in engemaw zat in an zir na chhance a inhawng dawn a lo ni ang, mahse heihi kan muzo naupang chanvo chhuhsak na thil nilovin, seat luahkhat tur naupang kan neih loh vang zawk a niang.

He NEE I seat kan hnawh khat zolo hi a uiawm ka van ti em, tamtakin kan duhloh vang nilovin kan hriat loh vang niin ka ring, keini pawn kan Pi te min hrilh na a zara hre pawp ve chauh kan nia, mitin hian i bengvar tawh teh ang u, kumtin Matric exam zawh veleha test turin advertisement an chhuah țhin tih hi.

Zirlai naupang, a bik takin pawlsawm zir chauh phei chuan tum mumal an la neilo tlangpui, nu leh pa in an mahni quality a zira kan ngaihven pui hi an ngai nasa lutuk, ka fapa pawh hian eng tum dan mah a neilo, anu eng subject nge ka lak dawn a, te a ti mai mai, science i la dawn ka tia, ka van peih lo tiin min chhanga, kei chuan i peih tur a ni, arts la turin i thiam tawk lo ti in ka chhang.

Tichuan, a entrance test an tlinga, Matric result te a lo chhuak a Arunachal a kal tura rilru kan han inbuatsaih ve tak ah chuan, “a nu eng ber nge kan han zir dawn” te chu a ti vel mai mai a, kei chuan “Engineer i zir dawn, hei office a kan pute ang hi kan SDO te ang hi” tiin ka hrilhfiah a, amah lah chuan govt. a kal ka duh asin le, sport ah an chhuak dawn a te chu a ti mai mai a a nuihzat thlak duh angreng.

Ani miau si ka fapa te hi aa in ti viau mai thei, mahse anni kum rual lek leh an zir ang chen chauh la zir ah chuan ka dem hran lo, naupang fel bik riau leh sipisial riau an nih loh chuan a la awm ka ti ve tho mai, fa sipicial bik neilo keini ang fate nei ve tan chuan nu leh pa ten an kal dan tur an quality a zirin kan bengvarpui hi pawimawh ka ti em a, ka rawn ziak ve a nih hi, ka fa ang mai a naupang la mawl changpat chehchhum ang chauh a la lum tep tep fa nei ve te in nih chuan an kalna lam tur hi bengvarpui em em ang u, an hmalam hun thui tak a innghat si

Ni e ti hian naupang tamtak chuan science an la leh ngei anga, chutah BE emaw DR entrence 12 an pass hunah an bei leh vak ang, mihring thiam an tam si, luh na chhance a vang tawh lutuk țhin, mizoram nawlpuiin a kan hriat an han kalkhawm leh tak tak mai dawn a nia, thiamtgei fal nih si loh chuan seat in min daih zo seng dawn lo, hetiang tum rau rau chuan matric pass ațanga zir sa mai hi duh ve in awm in ka ring a ni,an lo zir hma deuh dawn tihna a ni mai a, an line tura kan duh zawng a nih tho si chuan a țha viau in ka hria

In ngaihdan chu engmah ka hrelo na in, kei chu țha ka tih em vangin ka rawn puangzar ve tawp mai.

BDi Pachuau

Aside | Posted on by | Leave a comment

CHAMPHAI – HEROIN NO. 4 ZUAR TU KUM 10 TANG DAWN

Heroin Hawng 30 nena man hmeichhe pakhat chu Champhai Special Court Judge-in kum 10 chhung hrehawm taka Tan Ina tang tur leh Cheng Nuai 1 chawi turin thiam loh a chantir.

Kum 2017 July ni 11-a Champhai Police-te’n Khankawn Checkgate-a Heroin nena an man Irene Siamrimawii, kum 29, Aizawl Vaivakawn veng nia inchhal hian ruihhlo hi a thiannu, Myanmar Zokhawmawi khuaa miin Cheng 92,000 hlawh tura a kentir niin a sawi a.

Hun engemaw chen thubuai hi ngaihtuah a nih hnuah Special Court Judge Pu R. Vanlalena chuan vawiin khan a thuremna puangin, Irene Siamrimawii chu thiam loh a chantir a, hrehawm taka kum 10 chhung Lung In tang tur leh Cheng Nuai 1 chawi turin a hrem a. Pawisa hi a pe thei lo a nih chuan thla khat dang a tan belh ang.

Heroin an mansak hi Gram 400-a rit, Cheng Nuai 15 man a ni.

Aside | Posted on by | Leave a comment

PIANGSUAL RUALBANLO TE LEH KOHHRAN

  • Dr C. Lalengzama
    Assistant Professor, HATIM

Introduction
‘Piangsual’ leh ‘Rualbanlo’ kan tih hi sap tawng a ‘Disabled’ tih hi an ni mai awm e. Piansualna chu taksa ah emaw rilru lam ah emaw kan nih tur ang a nih phak loh avanga kan chet velna leh kan hriatna thleng a nghawng a neih hi a ni kan ti thei ang. Person with Disability (PWD) Act 2005 chuan piangsual rualbanlo a tin chin te chu Mitdelna leh khaw hmuh fiahlohna (Blindness & Low vision), Beng chhet/tha lo te (Hearing impairment), taksa che thei lai che vel thei lo (Loco motor disability), Rilru lam a piangsual (Mental retardation and Mental illness), leh Phar vei dam leh tawh te (Leprocy cured) an ni tlangpui a ni. Piansual rualbanlohna hi pian pui a awm a, hrisel lohna leh accident vanga thleng te pawh a awm thei a ni.

India ramah hian kum 2011 census in a tarlan dan chuan mihring 26,810,557 piangsual rualbanlo an awm a, chu chu India ram mipui za zela 2.21% an lo ni reng mai. Piangsual rualbanlo zingah hian hmeichhia (40%) aiin mipa (60%) an tam zawk a, khawpuiah (31%) aiin thingtlangah (69%) an tam zawk lehnghal. Piansual rualbanlohna kan tih hian tar chaklo zawkte a huam avangin piangsual rualbanlo kan tih tam zawk te hi kum upa lam an ni lehnghal.

International Day of Persons with Disability
International Day of Persons with Disability (Khawvel rualbanlote ni) hi kum tin December ni 3 ah hman thin a ni. He Ni hi piangsual te chhawmdawlna leh an hmasawnna ngaihtuahna hun (meeting, discussion, seminar etc.) atan te hman thin a ni. Kum tin thupui hran neiin hman thin a ni. Piangsual rualbanlote hamthatna tur hi ram changkang zawk te chuan an ngaipawimawh em em a, ruahmanna pawh nasa takin an siam thin a ni. UNO General Assembly chuan kum 1981 kha International Year of Disabled Persons atan puangin kum 1983 atanga kum 1992 phei kha chu United Nations Decade of Disabled Persons ah a puang nghe nghe a ni.

PIANGSUAL RUALBANLOTE LEH SAWRKAR
Piangsual te hmakhua hi India constitution hian a ngaipawimawh em em a, heng bakah hian dan tam tak siam a ni a, India Lunacy Act 1912, Mental Health Act 1987, Rehabilitation Council of India Act 1992, Person with Disability Act 1995, National trust Act 1999, leh Right to Education Act 2010 te hi a langsar zual te an ni. tun hnai mai khan The Rights of Persons with Disabilitites Act 2016 pass a ni bawk a, he dan hian kawng hrang hrangin piangsual rualbanlote venhimna leh hmsawnna tura sawrkar hmalakna tur tamtak tarlang a, sawi vek sen phei chu a ni lovang a, a pawimawh zual te a lo thlir ta ila. Mimal ang pawhin mawhphurhna kan nei teuhin a rinawm. Sawrkar chu eng sawrkar pawh ni se rualbanlote enkawltur bik a ruat thin anga, nitin an chet velna vantlang hmunah te remchang (Barrier free environment) siam sak tur a ni. tin piansualna thlentu hi chi hrang hrang a nih avangin anmahni zawnchhuah leh a invendan tur zirtirna pek an ni bawk. Tin, anmahni enkawlnan zirna (education) pek an ni a, hna an thawh theihawm hauh sak leh zawn sak te thlengin hma lak thin a ni. Thil pawimawh em em chu anmahni dinhmun ang zirchianna (research) a nei thin a, an harsatna tawh te tikiang turin hma lak thin a ni a, mipui nawlpuiin kan enhran lohnan te hma a la thin a, sawrkar hmalakna hrang hrang te hi kan thawhpui thiam a tul hle mai.

KOHHRAN LEH PIANGSUAL RUALBANLOTE
Hetiang khawp a piangsual rualbanlo te ram inrelbawlnain an hamthatna tur a ngaihtuah lai hian kristian kan nih angin Kohhran te hian tih tur kan nei ve in kan inhria em le? Kan sawrkar ber pawhin hmasawnna tur tam taka la neih lai hian Kohhran phei hi chuan kan ngah lehzual niin a lang.

1. Biak in hmunhma (Physical barrier) siam rem: Mizorama Biak In tam zawk te hi chu piangsual rualbanlo te tan a lawiluh theih loh, a zawn a zawn ngai hial hmun te hi an ni hlawm a ni. Biak In chhung te pawh Wheel chair luh theiha siam hi a vang hle a ni. Tin Mizoram hi tlangram a nih avangin kan Biak In hmun te, inthiarna te, tui intur dahna te hi piangsual rualbanlo te tana rem chang siam a tul zual hle a, chutianga siam erawh kan tlem hle. Hei vang hian taksa lam (physical) a piangsual rualbanlo tam zawk te phei hi chu Biak In a lawilut hmuh tur an tlem fo thin. Hawh u thalaiten ngaihtuahna sengin Biak In sa thar tur te hi chuan danin min phut vang mai pawh ni lovin rualbanlote lawiluh theihna tur ngeiin ruahmanna I siam ang u.

2. Piang sual te laka kan rilru put hmang (Attitudinal barrier) siam rem a tul: Mizote hian piansualna hi kan zahpui fo thin a, puipunna leh Kohhran thiltihna ah kan chhungte pawh kan hruai ngai lem lo. Mi zawng zawng intluktlang ti a zirtirna petu Kohhran zingah pawh hian kan thil thlir dan hmang a piangsual rualbanlo te kan dah hranna (Attitudinal barrier) hmuh tur a la awm tho te hi in enfiah a tul hle a ni. Biak In len luh a remchan loh vang leh kan rilrua enhranna a awm avanga piangsual rualbanlo te Biak Inah kan hruai tlem lutuk te pawh hi ennawn a siam that dan awm se a lawmawm hle ang. Kan changkang viau tawh e ti lo chuan veng/ khua thenkhatah hi chuan chhaih nawmnah leh bawl an la tawk fo thin te hi a vanduaithlak takmeuh a ni. A chang chuan kan ram leh khawtlang tan engmah tangkaina nei lo ang te hialin kan ngai thin te hi an tangkaina zawn kan la hriat fuh loh avang pawh a ni maithei. Kan zinga thlamuang taka Pathian an fak ve theihna turin hma kan laka tul a ni.

3. Piangsual leh rualbanlo te len ve na programme siam: Kan inkhawm leh programme siam thenkhat te hi chu Piangsual rualbanlo te chhim ve theihin kan siam a pawimawh hle a ni. Chutiang a kan worship zawng zawng kan kaiher theilo a nih pawhin khawvel changkang zelah kohhran hian a hranpa a Pathian an pawl a an biak ve theih dan tur te hi ngaihtuah a buatsaih a tul tawh hle dawn niin a lang a, thlaite hian ngaihtuahna I seng tan teh ang u. An hriat thiam ve phak tawk ang a kan programme te pawh kan siam a pawimawh hle dawn a ni. Hemi bakah kan inbiakna daltu (Communication barrier) te hi kan sutkian tur leh kan dah kian tur a nih avangin an tana harsatna awm lova mitdel, mit thalo, bengngawng leh bengchhet te pawhin kan ruala Pathian an biak ve theihna tura buatsaih hi kan mawhphurhna kan kova innghat tlat a ni.

Tlangkawmna
Kan pipute khan piansualin tlai luat a nei lo tiin Piangsual rualbanlote an endawng ngai lova. Khawvel changkang zel hian dan te hial siamin piangsual rualbanlote hi chhawmdawlin a enkawl zawk ta hial a nih hi. NGO leh pawl dang tam takin hma an la a, MHIP pawhin nasa lehzualin ‘vohbik’ hming pe in hma an la thin a nih kha. Chutih laiin hma la awm ber Kohhran lah chu tawngtaipui leh anmahni khawngaih tura zirtirna ah a duhtawk mai ang tih hlauhawm khawpin a hmalakna kawngah hma kan sawn bawk si lova, khawngaih tura inzirtirna bak hi kan pel thui thei thin lo nite hian a hriat.

Heng kan sawi tlem te tal pawh hi ngaipawimawhin sawrkar leh Kohhran hian hma han la ta sela Thalaite hian Ingaihtuahna I han pe tan ang u hmiang tichuan piangsual leh rualbanlo te tan hian a va thlamuanthlak dawn em.

Aside | Posted on by | Leave a comment

LUNGLEI – DOG MEAT ISSUE

Lunglei DC-in ui talh a khap ni awma thu thang chungchangah Lunglei Addl. DC Pu Benjamin Lalzama’n, Lunglei khawpui chhunga Ui talh \hin mi 2, hrehawm taka Ui hliam tuar thlung bettute chu Uisa zuar tawh lo turin DC-in a hriattir a ni, a ti.

Lunglei Addl. DC hian vawiin khan a office-ah Lunglei Chanchinbumite kawmin thil awmdan a sawifiah a. Tlem lai deuh khan vantlang hmuh theih turin Ui talh tur, ni sensa hnuaia hrehawm taka thlun khawma phuarbeh an awm thu report dawn a ni a, heng Ui thlalak hi ram pawn thlenga nasa taka tihdarh a ni a, phai lam a\angin ran thlavang hauhtu pawlin Lunglei DC bakah DGP leh Lunglei SP hnenah thil awmdan enfiah tura ngenna an thlen angin hma lak a ni, a ti a.

DC-in hma a lak hma hian Police lam chuan hma lain Ui 20 chuang an lo chhanchhuak tawh bawk a. Hetianga puhna hi a dik em tih enfiah turin DC-in SDC a tir a, SDC hian Uite chu hrehawm taka thlun beh an nih bakah thisen chhuaka hliam na tak tuar an nih thu a va nemnghet a ni, Lunglei Addl. DC chuan a ti. Ran hliam sa ei hi mihring hrisel nan pawha pawi thei a nih vangin DC hian Vety Doctor pawh a enfiahtir a, Lunglei Dist. mai ni lo, Mizoram pum pawh ramdang mite hmuha mawi lo taka a than loh nan Ui neitu mi 2 te chu Ui talha Uisa zuar tawh lo tura hriattir nghal an ni, a ti a. Hetihrual hian Ui talh hrim hrim leh a sa zawrh chungchangah leh lirtheia phurh velah Dan leh hrai fel tak a awm a ni tih mipuiin an hriat a \ul hle, a ti bawk.

Lungleia kan Corr. Thanghmingliana sawi dan chuan, Uisa hi Lunglei Bazarah Kg 1 Cheng 400-in lei tur a awm deuh reng \hin a, a tam ber hi Tlabung lam a\anga chawkluh a ni a. Hetianga khapna a awm vang nge hriat ni chiah lo mah se tun Inrinni kha chuan Bazar-ah Uisa lei tur a awm lo a ni.

(Thanghmingliana PTC Lunglei)

Aside | Posted on by | Leave a comment

AUSTRALIA RAM INTHLAN THLIRLETNA

Nimin khan Australia ram an inthlang a. Conservative lam sorkar lai kha tla tura beisei an ni a, poll hrang hrang an han en atang phei chuan sorkar-na siam theilo tura puan deuh vek a ni. Nimin tlai dar 6 vel thleng pawh khan a lehlam Labor party in sorkar-na a siam dawnin a lang a. Mahse vote an han chhiar zel a, mak tak maiin sorkar lai party kha a rawn kang ta awk awk a. Zanlai a han hnai a, Labor in chak ngaihna a awmlo tih an hmu chiang ta tan a. An hotupa Bill Shorten-a’n Prime Minister phone-a bia-in an chakloh thu a hrilh a, a hnu lawka mipui hmaah a puang ta bawk a. Vote an la chhiar zo vek lo nain sorkar lai party chu sorkar-na siam leh thei tur khawpa chak a ni tih a chiang ta a. Prime Minister Scott Morrision-a pawh a hlim khawp. Parliament lower house seat 150 ah 76 neih a ngai a. Tunah hian sorkar lai party te hian 75 an nei tawh a, seat 3 vel la chiang lo hi chhiar zawh a nih hunah majority sorkar an siam thei mai thei. A nih loh pawhin party tenau MP, anmahni thlawp tur an awm beisei a ni.

Tun inthlan hi a reh dup angin a lang naa inthlan thupui/agenda pawimawh deuh deuh 3 vel a awm a.

Pakhatnaah chuan sakhaw zalenna. Hei hi Mizoram lam atanga rawn thlir chuan mak in ti mai thei a, mahse Australia ramah hian Kristian te rinna leh traditional values an tih mai – mipa leh hmeichhe inneihna te, mihring hi mipa leh hmeichhia-a piang kan ni tih ngaihdan te – hi hnawl duh pawl hi an thahnem khawp a. Eptu party Labor phei chuan Kristian te leh conservative lamina kan vawn ngaihdan te hi paih fai vek an tum a ni ber mai. Sorkar lai party hi term hmasa 2 chhung khan an party leadership ah an buai nasa deuhva, mipuiin an ning deuh hlek a. An hnawl phah hlauhawm hial khawp khan boruak a awm a. Mahse nizan vote tla an han chhiar chu rinloh tak maiin Prime Minister Scott Morrison-a’n a theihtawpa a campaign-na rah langin an sorkar leh dawn tih a chiang ta a. Scott Morrison-a hi Kristian tha, pasal tha, fate tana pa nih tling tha taka ngaih a ni a, result a han chhuak chu, “I have always believed in miracles” a ti nghe nghe a. News headline ah an tarlang nasa hle. Chaklo tura rin thup an han chak ta kha, a sawilang chiah lo nain, Pathian hnathawh a ni tih mi tam takin a ring a. A chhan chu a lehlam zawk hi lo chak ta se Kristian te nekchepa awm nasa tur an hmuh lawk vang a ni.

Pahnihnaah chuan gender issue an ti a. Australia ramah leh khawthlang ramah te hian Pathianin mipa leh hmeichhia min siam tih ringlo ho, unversity-a professor te hi an tam khawp a. Chu’ng ho chuan media lam nena tangkawpin sapram culture hi an chiah nasa a; mipa, hmeichhiaa inchhala medical surgery hmanga hmeichhia anga insiam te hi an awm fur a. Hmeichhia, mipaa insiam pawh. An sawidan chuan mihring hi kan lo pianin kan gender (mipa emaw hmeichhia) nilovah te kan piang thei a. Chu chu naupangin a inhriatchhuah chuan khap tur a ni lova, a nihnaa a inpawm dan kha zah sak tur a ni a, a tul dan azirin chumi zawng chuan fuiha sex reassignment surgery pawh neih sak tur tih hi an ngaihdan a ni.

Chu mai pawh chu a la ni lova, hmeichhia leh mipa chauh hi kan awm lova, hmeichhia leh mipa pawh nilo te leh gender chi hrang hrang kan awm a ni tih ngaihdan nei te pawh an la awm zel a. In lo hre tawh tho mai thei a, facebook pawh hi chulam thlawp chu a ni a. Gender pawh 71 lai a pawm a ni.

Sikul zirlai naupangin lamah pawh an hmeichhiat-mipatna (gender) hi Labor lam chuan chutiang zawnga fuihna leh puihna turin policy a nei a. Lo tling ta se chuan ram pumah an gender policy chu mipui chhiah tlingkhawmin chak taka kalpui an tum a ni. Tasmania state ah chuan birth certificate ah mipa emaw hmeichhia ziah ngei ngei thin kha optional a ni tawh a, nu leh pa ten an fapa emaw fanu pianghlim nihna kha ziahlan an duh chuan a hranpa liau liaua an fa piang hlim gender kha an ziah a ngai tawh a ni. An duhloh pawhin an ziaklo thei tihna a nih chu. He policy hi Labor hian rampuma hman a tum a, chutiang te chu Kristian te leh conservative rilru pu traditional values vawnthat duh te chuan an helh hle a. Do let duh tam takten Labor tlinlohna turin an vote an thlaka hriat a ni.

Pathumnaah chuan freedom of speech hi a ni leh a. Labor hian hetiang gender leh sakhuana chungchangah hian an ngaihdan tawm velo tena an duhzawng an sawi theih lohna turin chutianga sawi te chu dan hmanga khuahkhirh leh khap an duh a. Mi tam takin an zalenna rahbehsaknaah ngaiin an duhlo hle a ni. He video ah hian Skynews presenter Peta Credlin, Prime Minister hlui Tony Abbott-a chief of staff thinin Western University-a paediatric professor a kawm a, Labor party gender agenda an bihchiang a, Mizo te chuan a rapthlak kan tih tur a ni ang. Sap ho zingah pawh uchuak leh firfiak (radical) ti tam tak a awm . Youtube ah hian en teh.

Economy leh thil dang dang hi tun inthlanah hian pawimawh mah se he’ng inthlan thupui pathum kan sawi te hi ram mipui tam takin an lo ngaihpawimawh a ni a. A bikin Kristian te phei chuan he’ng thupui tlawhchhan hian vote an lo thlak niin a lang. Kristian ten vote an thlak huna he’ng thupui te ngaihtuah tura campaign nasa ber chu Australia Christian Lobby a ni a. An Managing Director Martyn Iles-a kaihhruaina hnuaia nasa takin campaign a ni a, an hmalakna pawhin rah a chhuah niin a sawi. https://www.acl.org.au/mr_fedelec_result

A lehlam pawl hi, sawi tawh ang khan party lamah kher lo pawh an thahnem a. Media ah ni se a lawk lawk hi a conservative lo an ni a. An mak ti, thinrim hi USA-a Donald Trump-a President atana an thlantlin tuma media leh liberal ho awm ngaihna hrelo ang deuh khan tunah pawh an rak chul a ni. https://www.heraldsun.com.au/blogs/rita-panahi/scott-morrisons-miracle-victorythe-left-reacts/news-story/42288757e2a9a031a6e459a284f008f5

Tukin chu kan kohhrana kan thian thenkhat ka kawm a. Kan pastor in a sawi dan chuan pre-election poll-a Labor lam chak tura an sawilawk dikloh chhan chu tun hmaa landline-a voter te anmahni inah ngei biaa an awmna area poll an la ang kha a ni tawh lova, chuvang chuan poll an lak hi a rintlak loh a ni tiin poll zirchiangtu pakhat sawi a sawichhawng a. Kan thianpa pakhat chuan Australia ram mipui hi a tam zawk chu kan la conservative a, kan auchhuahpui chul lo nain conservative lo ho agenda uchuak lutuk a awm te hian duhlo tu an tam a ti a. Hei hi a dik thui viauin a lang. Australian Navy officer pension pakhat, Kristian tha tak mai kan kohhran ami sawidan chuan he’ng Kristian te nekchepna leh freedom of speech rahbehna te, gender issue mak pui pui te hi mipui nawlpui hian an duhlo niin a ngai bawk a ni.

Prime Minister Scott Morrisson-a chuan sorkarna a siam leh dawn ngei a. A kaihhruai party hian a hma ai khan mipui mandate pawh a nei tha a, anmahni vote tlingtu Kristian te leh mi conservative te ngaihpawimawh zawng pawh an ngaipawimawh tura beisei an ni.

Labor lam chu, sawi ang khan a chaklo lamah an tang a. Heta an tihdan pakhat entawntlak nia ka hriat chu an hruaitu lu berin a kaihhruai party a chakloh pui hian “Ka tlinglo a ni e, kei aia tha zawkin party hi a kaihhruai a ngai e” tihna rilru in party hotu nihna atangin a bang a, party hruaitu tur an in thlang tha thin. https://www.heraldsun.com.au/news/national/federal-budget/bill-shorten-stands-down-as-labor-leader-after-election-defeat/news-story/1739575955791b373edb058ee3ce92b9

He news report ah hian an tarlang tha ang reng

Maṭana Pachuau

Aside | Posted on by | Leave a comment

MUSTER ROLL-A ZIRTIRTU 946 LAK TUM HI

M. Lalmanzuala

Kan sawrkar tharin MR-a zirtirtu 946 lâk a tum chuan sawi a hlawh hle a, han sawi belh ve pawh a ṭulin ka hria.

  1. Lâk an tum chhan hi zirtirtu indaih loh vang niin an sawi a. Kan mithiamte zirchianna-ah chuan sawrkar sikul-ah hian zirtirtu 1-in zirlai 15 vel a zirtir laiin private sikulah chuan zirtirtu 1-in zirlai 23 vel an zirtir thung a. Hei hian an lak duh chhan hi zirtirtu indaih loh vang a ni lo tih chu a tilang chiang nghal mai a. Zirtirtute zingah AIKAL la an awm fo va, an awm lohna tura awm, ATTACHED tih te hi an awm fo bawk. Thingtlang sikul result chhe tak ṭhin te hi thingtlang sikul naupang thiam theih loh vang ni lovin hetiang zirtirtu an awmna hmun thingtlanga awm lova, Aizawla an awm daih ṭhin vang hi a ni fo zawk. He tihphung corrupt tak hi kan sawrkarten beihpui an thlak pawha an tihdanglam theih loh a ni. Hei hian dan kenkawhna lama kan sawrkar chak lohzia a tilang chiang a, a mualpho thlak hle a ni. Mizoten chhia leh ṭha hriatna (moral) kan tlakchhamzia lanchianna tak a ni bawk.
  2. Sawrkar dan dinglaiah chuan Group A, B, C atan MR lak awih loh tih a ni a. Tuna zirtirtu an lak tum zingah hian Group C bakah Group B-a mi turte pawh an awm tih a ni a, chu chu a dik chuan dan kalh a ni ang. MR an lâk hian an hnathawh tur atana thiamna neih ngei ngei tur, Essential Qualifications ngaih pawimawh loh chang an nei ṭhin a. Hei hi hlo thlo tura tuthlawh nei lo rawih ang a ni a, thil pawi tak a ni. A nih dan tur taka hnathawk thei lo tur lâk tihna a ni. Thiamna hman tlak nei tura zirlaite chher chhuah nan zirtirtu ‘qualified’ ngei neih tur a ni a. Zirtirtu atana ‘qualified’ lo kan lak chuan ‘education’ ṭha neih kan tum lo va, tum dang kan nei tihna a ni ngei ang a. Chu chu ram leh hnam pawisawina khawpa thil hlauhawm a ni ang.

  3. Hetiang zozai hnathawk turte hlawh hi khawi aṭanga lo kal tur nge ni ang, tih hi zawhna pawimawh tak a ni bawk a. Hmanni lawkah SSA zirtirtu sanghnih teh meuh chu hlawh phûtin an ṭawngṭai rual a. Hlawh hmuh ṭhat loh vangin Govt Aided leh Hindi teacher-te an nuar zeuh zeuh bawk a. Hetiang kârah hian hmun dang zawng aia zirtirtu indaihna hmuna han lak belh chiam chuan chhan danglam tak a nei niin a rin theih tlat a ni. NLUP atana pawisa pawhkhawm chiam chiam te kha an entawn dawn em ni ang?

  4. Hmun dang zawng aia zirtirtu indaihna kan nih laia hna ruak hnawh khah tur a awm a nih chuan zirtirtu, an awmna tura awm lova, Aizawl leh khawpui danga ATTACHED-a an awm thluah vang a ni ngei ang. Tuna kan sawrkar tih tum dan ni-a an sawi chu heng HNA RUAK-te thawk tur hian hna ruak awmna khua-a mite ngei dah tum a ni a. Hei hi a thuphung chuan a ṭha phian mai thei. Mahse, hetiang an tihna lama ESSENTIAL QUALIFICATIONS leh dan pawimawh dang an palzût chuan a pawimawh ber EDUCATION chuan a tuar leh ngei dawn si a ni.

  5. Heng thiltena an rawn lanchiantir chu kan sawrkar neih tawhte hian thil ṭha, dik leh ṭangkai ti turin POLITICAL WILL an nei lo va, chu chuan ADMINISTRATIVE FAILURE a thlentir ṭhin a ni. Hei hi ram leh hnam aia mahni, mahni chungkhat laina/ṭhian ṭha leh mahni party dah pawimawh zawkna kalphungina a rawn awmtir a ni a. District Council hunlaia inṭanin kan sawrkar neih tawh zawng zawngten kalphung ngheta an neihzui tâk a ni.

  6. Hetiang kalphungah hian a pawimawh ber zirtirtuten an zir miau loh avangin mi hman tlak chher chhuah theih a ni lo va, chhia leh ṭha hriatna(moral) hmang thei tura insiam theihna kawng a ni hek lo. Zirtirtu fel fâl tlệm azawng leh zirlai thiam thei leh tumruh tlệm azawngte azârah mi hlawhtling tlệm azawng hi kan la nei thei hram zawk a ni e. Chuvanga hlawh la tur tawk lekfanga sawrkar hnathawk thei bak la zirtir chhuak lo hi kan ni.

  7. Zirtirtute hi kan politician-ten mahni duhzawng bâkah politics-a hman ṭangkai theih thlan khawm nana an hman ṭhin a ni a. MPSC-a kan awm laia hetiang avanga ṭum hnih hna lâk tura kan peih fel vek hnu-a sawrkarin min rawn chhuhsak rum rum khan hetiang ngaihdan hi a nemnghet thlap a ni. Hetiang tihphung hi an thlak hma chuan ‘World-class Education’ ni lovin ‘Village-class Education’ kan nei zel zawk ang.

Amartya Sen chuan, “If the poor and dispossessed section of the society demand their legitimate share of development in an organized manner, the system under a democratic set up is bound to respond. If it does not, it will do so at its own peril”(Mi chanhnuai zawkten an phû ve reng neih phûta a huhova an beih chuan, an thil phût chu sawrkarin a tihhlawhtlinsak tur a ni. Chutiang chu sawrkarin a tih loh chuan a chhiat phah ngei ang) tih thu hi a lo sawi tawh ṭhin a.

Amartya Sen thusawi hi a dik a. Mipuite hian kan duhzawng ti turin sawkar kan thlang a. An tih loh chuan kan paih ṭhin a. Chuti chinah chuan Amartya Sen thusawi hi a dik zel a. Mahse, sawrkar thar apiang an ṭha chuang lo va, ‘a zual zawpui vailen hlo’ an tih ang deuh zel an nih tâk ṭhin si-ah chuan sawi belh a ngai ta si a ni. A chhânna awm chhun chu REVOLUTION(tharum/thisen chhuah lohna) a ni tawh mai ang em?

Aside | Posted on by | Leave a comment

Ui talh khaptu open letter thawn.

OPEN LETTER

TO

Pi K. Lalrinzuali
The Deputy Commissioner
Lunglei Dist. Lunglei.

Pi Duhtak, K.Lalrinzuali Lunglei DC,
A hmasain, Chibai ka buk a che.

Vawiin, Dated 16 May 2019 a, Ui sa zuartu chungchang order i chhuahna letter kha ka lo hmu a. Eng rilru pu leh engang ngaihtuahna aṭangin nge kha order kha i chhuah chu ka hre hauh lo nain, Uisa zuar tu, Order i va pek te pahnih kha, Uisa zawrh an bansan chuan, An eizawnna tur kawng dang i dap pui turah erawh ka’n ngai ngawt a. Uisa zawrh ngaih tawh lohna tur khawp, Eng emaw kawng i kawh hmuh ngei ka beisei.

Tin, Uisa zawrh khapna dan i rawn ṭan chhan, India dan bung leh chang “Animal Welfare Board Of India Letter Number 9-2/2016 -17- PCA leh Food safety and standard Authority Of India Letter Number 1-988 PSSAI/Imports 2014 ah hian, Uisa khap a nih thu a inziak a, khawiah nge a hrem theihna bung leh chang a inziah ve min kawh hmuh turin ka ngen nghal bawk a che..

Tin, Ui hi, Ran an ni a, Ran anih angin kan duh angin kan tih a thianglo em ni? Chu chu a nih chuan, Vawk te, Bawng te, Ar te hi, Ran an ni velo nge kan duh duhin kan talhin kan ei tho a ni lo’m ni? Heng te hi khap vek law law la, chuti tak a khap tur i arbo zawn a nih ro ro te chuan….

Ran dang khap silo, Ui chu pawh miin eizawn nan a an hman ilo khap khan, I ropui phah viau lova, Mi chaw-thleng i pet buak sak zawk a ni tih i hriat thiam ka ring bawk. Miin i chung a an tih a, i duh tur ang bawkin mi chungah pawh ti ve rawh, tih te, Nangmah i inhmangaih angin i veng te pawh hmangaih rawh… tihte hi lo hre nawn ve leh ta che…

Chu bakah kan thlahtute aṭanga ui sa ei kan ni a, kan culture-ah a bet tlat. India dan hian lo khap ta pawh ni se la Indian Constitution article 371G hnuaiah khan kan culture kaihhnawih thil a inziah ngei bawk kha. Ui sa phei hi chu khua leh khuain remna thu an thlun pawhin ui hi a nghawngah an zai a, chhia an chham ṭhin. Chu ui sa chu an ei za a, mi an tam tham chuan ui hi a hming putu lekah hmangin ran dang an talh tel ṭhin. Chu vang chuan kan culture-ah pawh ui sa hi a tel. Mi thil ei turah leh eizawnna tih chhiat sak zawng a i hmalakna hi en nawn leh turin ka ngen a che..

I rintlak,
Uisa ei duhlo,
Mahse ui talh khap do tlat tu,
Lalpekhlua pa Rawite.

Aside | Posted on by | Leave a comment

ZNP chhungkua an buai em

ZNP National Council Meeting
Resolution
(Dt.15.5.2019)

Vawiin (dt.15.5.2019) Nilaini hian Zoram Nationalist Party (ZNP) National Council Meeting chu ZNP General Headquarters Office Aizawl-ah neih a ni a. Hetiang hian lungrual taka Resolution pass a niin, meeting hi ZNP President Lalduhoma’n a kaihruai a ni.

  1. ZPM-a tel Party leh Pawl hrang hrangte hi a rang thei ang bera Party pakhata inchhunfin tha kan tih thu hi, ZNP National Council Meetingt Ni 14.12.2017-a neih chuan a lo pass daih tawh a. Amaherawh chu tun thlenga tihpuitlin a la ni thei lo hi pawi kan ti.
  2. Vawiin Ni 15.5.2019-a ZNP National Council Meeting chuan he thu hi ngun takin a ngaihtuah nawn leh a. ZPM-a tel Pawl dangte hian lungrual tak leh hun khawhral zui tawh lova a rang thei ang bera Party khata inchhunfin an rel tlu ve thei a nih chuan, ZNP chu a dinna ngaiah a la ding reng a ni.

(ROTHUAMA SAILO)
Secretary
Info. & Publicity Deptt.
Zoram Nationalist Party
Gen. Hqrs. Aizawl : Mizoram.

Aside | Posted on by | Leave a comment

MIZORAMAH NAUPANG KUM TLINGLO KHUAIKHEM HRIAT TUR A AWM DEUH RENG MAI

14th May, 2019 (MSR) : Mizoramah naupang kumtlinglo khuaikhem leh pawngsual thu hriat tur a awm reng a, Police te pawhin naupang khuaikhem chungchangah hian kum tin thubuai engemawzat an ziak lut thin.

Aizawl District Special Court (POCSO Act) pawhin kum 2014 atanga kumin April thla thleng khan naupang kumtlinglo khuaikhem leh pawngsual thubuai hi 465 zet an ngaihtuah a ni.

Special Court (POCSO Act)-a thawktute sawi danin, he court-in kum 2014 atanga kumin April thla thlenga naupang kumtlinglo khuaikhem leh pawngsualte hremna dan, ‘Protection of Children from Sexual Offences (POCSO) Act thubuai an khawih zat chu 465 niin, heng thubuai an khawih zinga a tam zawk chu chinfel tawh niin, hemi hun chhunga POCSO Act hmanga thiam loh chantir chu 114 an ni.

Aizawl District Special Court (POCSO Act) hian Aizawl, Koalsib, Mamit, Serchhip leh Champhai huam chhunga thubuai te a ngaihtuah thin a, kum 2014 atanga kumin April thla thlenga heng district huam chhunga thubuai 465 a ngaihtuahah hian pawikhawihtua puh mi 44 te chu hnamdang an ni a, a bak dang zawng chu Mizo an ni a, hnamdang 44 zingah hian chakma 4 awmin a bak dang 40 te chu vai an ni.

Special Court (POCSO Act) ah hian district 5 huam chhung atangin thla tin mai naupang kumtlinglo khuaikhem leh pawngsual thubuai ngaihtuah tur a awm ziah a, kum 2014 atanga kumin April thla thleng khan POCSO Act ngaihtuah tur a awm loh thla a awm lo a, heng hun chhung hian thla tin thubuai pakhat aia tam khawih tur he court-ah hian a lut ziah thin.

Kum 2014 khan Special Court hian POCSO Act kaihhnawih thubuai 26 an khawih a, a kum lehah a let aia tamin a pungin thubuai 107 an khawih thung a. Kum 2016 ah a kum hmasa aiin thubuai an khawih hi 7 in a tlem zawk a, thubuai 100 an khawih a. 2017-ah rawn pung leh deuhin thubuai 109 an khawih thung a, 2018-ah erawh thubuai hi a tlem deuh a 88 an khawih thung a, kumin bikah January atanga April thleng khan thubuai 35 an ngaihtuah tawh.

POCSO Act buaipui thin advocate te chuan, POCSO Act hian a bik takin naupang, kum tling lote chunga mipat hmeichhiatna kaihhnawih a thlurbing tih THE ZOZAM TIMES hrilhin, pawngsual ni chiah lo, hmeichhe chhaih te, an hnute khawihsak te, mi dang tihluihtir te, hmanraw dang hmanga tihte pawh a huam vek tih an sawi a. A hremna pawh POCSO Act awm hmaa hmeichhe pawngsual leh khuaikhem chungchanga dan awm tawhte aiin a na zawk tih an sawi rualin thubuai ngaihtuah chhung pawh a rei lo zawk tih an sawi.

Aside | Posted on by | Leave a comment