A NU LEH PA HMUSIT TAKA HMELCHHIA TITUTE ZENDAYA-IN A HNEH BAN.

African-American tleirawl tawih, nalh leh zei tak hi Disney star ni thin an ti a, ka hre ngai lem lo! Actress a ni a, singer a ni bawk awm e. Kum 18 chauh a ni a, hman ni lawka graduate a ni. Sap vun ngo hoten tluk lohna tam tak an nei chu a ni phawt mai.

Academy Award an semnaa a sam zial ving vet ilo te chu an sawi peih hle a, Kid’s Choice Award-ah a sam nalh tak chu Mizo sam phiarin a rawn phiar leh a, an kah rawn leh hrep a, mahse ani chuan hetianga ka sam ka phiar chingchingvet hian a Eng zawnga kan rilru sukthlek a hruai ka duh, vun rawng vanga mit timim thinte hian sam rawng chi hrang leh pianzia chi hrang, sam dum, sam buang, sam kir kan neihah hian duhtawk thin se ka duh a ni tiin Zendaya Coleman hian a sawi.

Hetia a sam style vanga mite an lo buai mai mai lai hian 2016 Miss America Competiton, September 13, 2015-a neih turah mi senior pui puite leh judging lama tawnhriat ngah tawh takte zinga Judge ni tura thlan fel a lo ni der mai. Tluk rual a lo ni lo reng e! Miss America 2016 thlanna hi Boardwalk Hall, Atlantic City, New Jersey-a neih tur a ni a, contestant 52 te inelna tur a ni.

Hetih mek lai hian a nu leh pate lakah an tuan veleh thung a, Twitter lamah a nu leh pate (Claire Stoermer and Kazembe Ajamu) nena an thlalak phochhuakin hnehsawh tak takin hmuhsitna tawngkam an chhak chhuak leh ta sup sup mai a, a nu leh pa chu an hmelchhia, anmahni ang tak fanu hmelchhia hi hring ta se an hmu ngam kher lovang, an tap nasa ngawt ang tih te, mi phut khat leh chhawih tak fanu hringtute, ti tein uchuak tak takin an comment hlawm a, mahse; Zendaya-i hian chutianga inhmuhsitna tawngkam uchuak takte chu thu vekin a hnehban thei a ni.

Heti hian a ti a ‘Ka nu leh pate hmel hmang inbuaipui viau lai hian hei hi hre tel ula ka duh hle mai, an ni pahnih hi he khawvel mihring zinga mahni hmasial lo berte zinga mi an ni asin. Hmelhmang landan atanga mite hmuhsitna leh deusawhna tawngkam laka fihlim an ni a, mite landan ringawt atanga buk lung khaitu, thu lau pui pui chhakchhuak thinte tan hian zirtirtu tha nih an tling a, chung mite tan chuan an nun an hlan ngam a ni. Anmahni nihnaa lungawi taka an damchhung hun hmang tura huaisenna nei an ni e, chuvangin, khawngaih takin Twitter atang khan log out ula, sikul-ah va kalin in zirtirtute chibai bukin va pawmin va kuah ula, inzirlaibute chhiarin zir ula, chung chu in tih zawhah darthlalangah inen ula nang ngei pawh kha i nalhzia leh i hmelthatzia i hmu dawn nia. Chu chuan midangte pawnlam lan dan atanga tawngpawng huatna leh hmuhsitna hi kan chhungril nun tihreawmtu mai a ni tih a lo hriattir che u ka beisei, Bless you’ tiin.

Advertisements

About Mizo Archive

I'm the one who collect the best writings of Mizos
Aside | This entry was posted in Uncategorized and tagged , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s