CHHINGCHHIP VENGHLUNAH UNAU HMEICHHE NAUPANG PA 2 RAWNG TAKA THAH AN NI.

Ni 28~8~15 khan Maria Vanlalhmangaihi (3) leh a u Merry Lalremruati (6) d/o Kawldingliana chhingchhip venghlun, te chu rawng taka thah an ni.

Chhingchhip venghlun khawtlang hruaitute hnen atanga kan thu dawn danin, Chhungkaw pa ber pu Kawldingliana leh a nupui Vanlalmawii te chu August 24, Thawhtanni khan Tuikum lei bul-a an lo ah an riah luh avangin an upa ber dawttu Tleipuii hoin in lamah an awm a. August ni 28 khan Tleipuii hi Lo lama a nu leh pa pui tura a kal duh avangin, nidanga an dah thinna a pu Zosiama(L) te In lamah an unaua lo zu chhuk leh mai turin a kalsan a. A hmute sawi danin an awmna tur A pute in thleng loin an In lamah an let chho leh niin sawi a ni. Hei hi an damlai a hmuh an nih hnuhnun ber a ni ta a ni.

Tlailam dar 5:00 vela a u Tleipuii feh hawin A pu-te ina an awm lam haw a tum chuan an kal loh thu an lo hrilh a, in lamah an awm a nih ringin a tlang chho a. In ah pawh an lo awm chuan loh avangin laina hnai inpun khawmin an zawng a, an hmuh mai loh avangin zan dar 7:30 vel ah khawtlang hruaitute hriattirin khawtlang huap a zawng turin tlangau an au tir a. Zawn tuma chhuakte zinga a chhuak hnuhnunglam ten innghahkhawmna hmun pawh an la thleng lo ang tih awm vel ah an kawmthlangah an ruang chu hmuh a ni ta a ni.

Hmuh an nih hian Merry-i chu thawmhnaw pakhatmah inbel lo in a lo awm a, a awmna atanga feet 50 vela hlaah a nau zawk Maria-i chu bedsheet-a tuam chungin cement bag chhungah a lo awm bawk a ni.

Serchhip police-te thleng pheiin, forensic mi thiamte chu Aizawl atangin zan dar 2:00 vel khan an thleng chho bawk. A titu a rinhlelh deuh neiin an chhui zui mek a ni.

An unau hi unau pasarih niin, an ni hi a naupang lam an ni a, an unau zinga upa ber Gilbert Malsawmtluanga chu Indian Navy-ah tangin vairam lamah a awm mek a ni.

Advertisements

About Mizo Archive

I'm the one who collect the best writings of Mizos
Aside | This entry was posted in Zoram Crimes and Accidents and tagged , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s