PAKISTANA KRISTIAN NUPA A HMEICHHE CHHUNGTEN NGHAISA IN SILAIIN KAP

Pakistana Kristian nupa pakhat chu, a hmeichhe chhungten an inneih an dodalna lantirin an nupa in nasa taka sawisa in silaiin an kap bawk a, an chatthla fel tawh a ngaiin an kalsan zui ta a ni.

He Pakistani Kristian nupa Aleem leh Nadia Masih-i te hi nikum khan an innei a, Aleem-a hi Kristian ni sa niin Nadia Masih-i erawh Muslim a ni a, a pasal sakhua vuanin Kristianah a inlet zui ta a ni.

Nadia-i chhungte hi Muslim kulmuk tak mai anni a, an fanu in Kristian mipa pasal atana a nei leh Muslim sakhua hnuchhawna Kristiana a la inlet zui bawk chu an ngaithiam lo hle a, an thinurna a sosang takzet a ni.
Aleem-a leh Nadia-i te hian, Nadia-i chhungte atanga vauna na tak tak an dawn tak fo avangin an sahimna zawngin an chenna Lahore atanga mel 37 vela hla Narang Mandi lama tlanbo an tum ta a, an thil tum chu Nadia chhungten engtin tin maw lo hriaiin a pa leh a nutate hovin motorin an um zui ta a. Kawng lakah nangchingin an pahnih chuan farm pakhatah an hruai ta a, tahchuan rawng taka an nghaisak hnuin, silaiin an kap zui ta a ni.

Aleem-a chu vawithum ngawt mai kah niin, a ngal, nak leh hmaiah te an kap a , Nadia-i erawh a pumah vawikhat an kap thung a. An chatthla fel ve ve tawh ah ngaiin an kalsan zui ta a ni. An pawikhawih zawhah hian Nadia-i nutapa Azhar-a chuan a farnu leh an makpa a thah thu inpuangin police hnenah a inpe zui nghal a, police ten chhui chiang tura pawikhawihna hmun an va thlen chuan Nadia-i chu nungdamin an va hmu ta hlauh mai a, Aleem-a erawh a hliam a nat em avangin chhan tlak a lo awm tawh lo. Nadia-i hi damdawiin panpui nghal niin, doctorten a nunna chhan tumin theihtawp an chhuah mek a ni.

He pawikhawihnaa inhnamhnawih, Nadia-i pa leh nuta dang te ho hi an laka Aleem-a chhungten police a FIR an thehluh hnu pawhin man an la ni ta lo cheu a ni.

Advertisements

About Mizo Archive

I'm the one who collect the best writings of Mizos
Aside | This entry was posted in Uncategorized and tagged , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s