US AIRCRAFT TURU CHU !

(Kum 2030-2039 inkarah an tuk peih chauh ang !)

“Mu angin sang takah thlawk chho mah la, i bu chu arsi zingah chheh pawh ni mah sela, chuta ta chu ka la thla ang che “, tia Pathian Zawlnei Obadia (1:4) thupuan hun kha, thlawhna hmuh chhuah hma daih, kum 750-760 BC hun lai vel a ni a; khatih hun lai khan mihringte hi boruakah thlawhnain “MU ANGIN…” kan la thlawkin, Thla leh Sikeisenah te hian an la inkap kai ang tih tumahin an ring pha awm lo ve! Bible chuan khawvel-mihringlo awm tan dan tur leh tawp leh dan tur min lo hrilh dim diam a nih hi. Aw Bible, ka va ngaina che em!

Kum 100 zet chu Wilber Wright te unauvin thlawhna hmuh/siam chhuah hnuah “Kum Rangkachak” (golden age of flight experience) tih tur kan lo pal tlang ta. Tunah hian khawvela thlawhna siamtu-Military Factory ah thlawhna tuk mek 12 a awm a; chung zingah India ramin a siam thenkhat pawh a tel.

US chuan Cold War vanglaia a thlawhna chhuan tawlawl, tunah erawh a chawlh (retire) tir tawh thlak nan thlawhna chi hrang hrang a tuk thar leh ta. Kum 2030-2039 chho khian service tir thei tura ngaih a ni. Tunlaiah chuan pilot khalh ngai lova lei lam atanga computer hmanga thunun mai tur an siam chhuak ta zel a, raldo nana pilot nunna chan pawh a tlemchho telh telh. US Air Forces tana ralthuam tam tak siam chhuaktu Lockheed Martin chuan unmanned flight Lockheed SR-72 a siam mek a, hei hi SR-71 thlaktu tur a ni. Lockheed SR-71 chu “SR-71 Blackbird” tia kohvin, Dec 23, 1964 daih tawh khan alo piang a, a puitlin meuh chu 1966 ah a ni. 1998 ah a putar ta tiin, US Air Force atanga chawlh tir a ni. He Blackbird hi Cold War hun lai khan a tluk pha reng reng (most feared the Cold War era) khawvelah a awm lo, an ti thin a ni.

Tuna Lockheed-in SR-72 a tih mai hi “Son of the Blackbird” tia koh a ni a, SR-71 ang duan a ni a, mahse, pilot khalh a ngai ve dawnlo a ni. He SR-72 hi Hypersonic Unmanned Reconnaissane Aircraft a ni anga; Blackbird ang chiahin super high speed, high attitude a ni ang. DARPA Falcon HTV-2 program leh data a hmang dawn a ni. DARPA Falcon Hypersonic Technology Vihicle 2 hmang tur anih avangin, Aviation Weekly Magazine chuan kum 2013 khan a chanchin a sawinaah “Son of the Blackbird” tih a vuah sak a ni.
Lockheed SR-72 hi pilot khalh ngai lovin, ri aiin let 6 zet (6 mach) in a thlawk chak dawn a, lei atanga vansang boruak 85,000ft ah khian darkar 1 a mel 13,000 a chakin a thlawk thei dawn a, a boruak tawn sat zawng 3,500 Farenheit degrees ah pawh a che buai chhin eih dawn lova, lei lam hmanrua atanga kah fuh a harsa hle dawn a ni. SR-71 kha vansang 85,000ft ah a thlawk thei bawk. SR-72 hi SR-71 ang thovin a awm anga, mahse, tunlai thiamna sang ber bera thuam anih avangin, cho rual loh tih mai tur a ni ang. A engine hi Aerojet Rocketdyne siam a ni.

Phase 3 ah tha bik nihna neiin- aerodynamics leh areothermal (high speed/ air temperature) ah thlawhna dang aiin chungnunna a nei dawn a ni. He SR-72 hian conventional air defenses ati buai thei hle anga; amah chu hmelmaten an hmuh leh hriat chhuah hma in a thiltih tum a tihman anga. Sang takah chak zetin a thlawk ziai ziai anga, khawi ram pawh chu dakar reiloteah a thleng zung zung mai dawn a ni. Hmelmate barakhaih phut zuk nana tangkai thlawhna a ni ang. He SR-72 siamna hmun hi SR-71 siamna ang thovin, a ruktea duan leh siam “Skunk work” a ni. SR-71 siamna hmun tlangzarh a ni lo. SR-72 Powerplant hi 1X Aerojet Roketdyne a ni.

RUSSIA PAWHIN KUT A KUANGKUAH BIK LO

Russia pawhin US vansang thuneihna leh chungnunna el tang tangin, ralthuam a tuk thar ve reng bawk a, chung zinga pakhat kum 2025 vela peih tura 2013 atanga a buatsaih nek chu Tupolev PAK (Perspective Aviation Complex) DA 5th Geberation Strategic Stealth Bomber a siam mek chu a ni. He Tupolev PAK DA hi US Bomber chhuan tawlawl, mi ram airport ah pawh a tum tir mai mai ngai loh B-2 bomber “Spirit” tih an koh ang tura duan a ni ( B-2 bomber hi US chuan North Korea leh South Korea boruak that loh vangin Aug 24 khan Guam-ah pathum a rawn chhawp chhuak, SR-ah post a nih tawh kha-CT) B-2 Spirit bomber hi Northtop Gruman company siam a ni.

Russia chuan tuna a bomber chhuan vawr, Cold War hun laia mi TU-95 Bear bomber leh TU-169 Blackjack bomber te thlak tumin a siam mek a, Tupolev PAKDA chu kum 2014 khan United Aircraft Corporation, Kazan ah siam mek a ni. A engine chu Kuznetsov NK-32 turbofan a ni ang. Tupolev PAK-DA rual hian Russia Air Force chuan Sukhoi T-50 fighter jet pawh siam a tum bawk.

Tupolev PAK-DA chu 36 meter a sei, a vang 31.60meter, a san zawng 7meter, 70,000kg a rit a ni anga, a ralthuam phur nen 150,000kg a rit a ni ang. Powerplant-ah 4xKutnetsov turbofan engine, maximum speed-900kmp. Range-11,700km,meter 15,300 vela sangah thlawk thei tura ngaih. Crew 2 awmin, internal munitions, nuclear bomb, cruise missile, precision guided, free full drop bomb pai tura siam a ni ang.

Advertisements

About Mizo Archive

I'm the one who collect the best writings of Mizos
Aside | This entry was posted in Uncategorized and tagged , , , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s