2015 WORLD ATHLETIC CHAMPIONSHIP-A THIL CHHINCHHIAHTLAK 7

1. BOLT MIRACLE; Usain Bolt chu inhliam avangin rei tak a chawl a, Justin Gatlin erawh intlansiak vawi 26-ah hnehtu nei ngai lo a ni a. Beijingah an han intlaksiak ta tak tak a le,Gatlin hian Bolt chu a lo la khan lo deuh hlek a ni. Mizo upa-in ţek aia rang an tih ang deuh khan Usian Bolt hi a tlanchak a, 100m,200m leh 4×100 relay team-ah gold a la vek.

2. GREAT BRITAIN CHE THA;
Britain hian World Championship-ah gold 4 a la pha ve tlat a, an chet that ţum tak a ni. Ngal ria leh hang em em Mo Farah a che bon hle.

3. RUSSIA LEH US CHE CHHIA;
World Championship hmasa Moscow-a neih tum khan Russia khan gold 7 tiamin medal 17 lai la-in 1-na nihna an hauh a, tun tumah erawh 9-na an ni ta thung a, medal 4 chiah an la a, gold 2 an la thung. World Championship vawi 14 neih tawhah US hian vawi 10 chu 1-na nihna an hauh pha a.Tun tum erawh eng teh ual an ang bik lo va, gold 6 tiamin medal 18 an la. Super power ram 2 an tlahniam a ni.

4. CHINA AN ROPUI BIK LEM LO.
A thlengtu ramte hi an che tha thin a ni ngai a, tun tum erawh China an ropui teh ual lo va, 20km walk-ah chiah Liu Hongi’n gold a la a, an medal lak zawng zawng chu 9 a ni.

5. DAFNE SCHIPPERS A ROPUI;
Dutch nula a tlan chak fia fia hle a, 200m hi seconds 21.63-ah a tlan thleng hman!

6. RUI LUNGPUAM THIL PHAL MAH MAH;
Poland mi hammer gold medallist Pawel Fajdek chuan hammer a vawm thui namen lo bawk a, a medal lawm nan night club lamah a lo khulh hnem deuh nge? A tuk penţawng tawka a han tho chu…a medal a hmu zo ta reng reng lo mai a, a mangang chuan police a hriattir ta a, police chuan an han chhui ta a le…nightclub atanga a chuanhawna taxi man pek tur a neih loh avangin a gold medal chu taxi fare ai-ah taxi driver hnenah a lo pe chu niin! Police te zarah a medal chu a nei leh thei ta hram a ni.

7. KENYA 1-NA;
Ram rethei leh pachhia Kenya an vanglaini an hmang a ni ber a, table-ah an chungnung ber. Gold 7, silver 6 leh bronze 3 an la a, Jamaica 2-na an ni a, 3-na chu USA a ni.

Advertisements

About Mizo Archive

I'm the one who collect the best writings of Mizos
Aside | This entry was posted in Uncategorized and tagged , , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s