Mizo Parallel Bible hi

Tunlai mizo English Parallel Bible chhuak thar chungchangah sawiselna neuh neuh a tam hle a, mi tam takin tha an tih em em laiin mi thenkhatin a letlingtu Upa Dr Pc Biaksiama nasa takin an sawisel thung. Chung zingah chuan Revd Chuauthuama, RE Ralte. Rev Robawia leh midang tute emaw chuan vanglaini chanchinbuah an sawisel nasa hle.

An sawisel dan tlangpuiah chuan parallel Bible lehlin dik leh dik loh lam ni lovin, “Pu Biaksiama hian kan bible hman lai hi lehlin dik loh a tam avangin a sawisel a, RV 1885 chu archuktuilo khawpin a sawisel a. mizo Bible hmanlai a sawisel avangin Bible society of india sawiselna lian tak a ni” tiin vanglaini ah an sawisel deuh tlangpui. Tunge dik zawk a,tunge dik lo zawk tih chu kan ram mipuiten kan hriat chak tak chu a ni awm e.

Hemi chungchangah chuan kei pawhin BSI Bible lehlin thar leh Parallel Bible (thuthungthar bu) ka chhiar chhuak ve ve tawh a. Kan Bible hman lai BSI Bible kha paih leh kaihlek, lehlin dik tawk lo a tam hle mai. Pu Biaksiama pawhin a lo sawi dik khawp mai. Tuna kan Bible hman lai leh lehlin thar hi sawisel tham tak niin ka hria.

Thupuan 8 13 saptawngin “and i heard an angel flying through the midst of heaven” = “Vantirhkoh van laizawla thlawk… Tih tur a nih laiin kan bible ah mupui vanlaizawla thlawk a ti daih.
Vantirhkoh tih inziak kha kan Bible hman laiah MUPUI a ti daih a, vantirhkoh hi engti kawng mahin mupui ani ngai lo. Angel leh Eagle chu a hrang daih,

Mathaia 13:36 sap tawngin then Jesus sent the multitude…Isuan mipuite chu a kalsan a,tih tur a nih laiin kan bibleah “chumi lai chuan mipuite chu a kalsan a”. Isua hi paih a ni.
Bung 18:2 ah sap tawngin then Jesus called a little child to him = Isuan maupangte a kova tih tur a nih laiin “tin ani chuan naupangte a kova” tiin Isua hming hi paih a ni.

Mat 3 :13 ah saptawngin then jesus came from galili… “Chunglai chuan isua chu galili atangin..” tih tur anih laiin kan bibleah “chumi lai chuan a hnenah..” ( Isua hming telh a ni lo).
Mathaia vek 19:17 ah saptawngin No one is good but one, that is, God. = “tha chu pakhat chauh a awm, chu chu pathian a ni” tih tur a nih laiin “Pathian” tih hi paih a ni bawk.
English bible a Isua hming chuanna ngei pawh Isua hming hi an paih nasa em em a. Pathian hming paihna pawh a tam.
Tin Tirh. 25:6 – “Ni sawm aia tam…” tih pawh “Ni sawm emaw lo liam…” a ti daih. Tin hmaih pawh a tam em em a, hmaih chu sawi loh a dal em em bawk. Kan mizo zinga Mi chhuanawm tak Upa Dr Pc Biaksiama’n huaisen tak mai a a rawn sawisel ngam hi kei chuan tha ka tiin entawn tlak ka ti hle, ka pawm zawng tak a ni. Lehlinthar hi a lo rothap em a nih hi. Pu Biaksiama hian Kan bible hman lai AV leh BSI hi a pawng a takin a sawisel in a lang lo. An lehlin dik loh nasat avang leh paih then a tam avanga sawisel niin a lang. Engpawhnise Bible hi tute pawhin an letling sual palh thei tih erawh theihnghilh lo ila, chutih rual chuan paih leh belh awm lova,Original taka lehin hi a pawimawh hle a ni. Tuna Mizo English Parallel Bible hi a lo tha khawp mai. Pathian thu lama tuimi leh Rawngbwltu tan chuan lei ve ngei chi niin ka hria.

Advertisements

About Mizo Archive

I'm the one who collect the best writings of Mizos
Aside | This entry was posted in Fifth Column, Pathian Thu and tagged , , , . Bookmark the permalink.

3 Responses to Mizo Parallel Bible hi

  1. Anonymous says:

    Dwon load theih a la ni lo a mi?

    Like

  2. LALRINSANGA says:

    A lehlin hi a diklo ka ti miah lo.. Mahse, Khilaia i tarlan, Isua hming paih tivel khian Isua thusawi a nihna a ti bo chuangin ka hre lo. Tin, kan Bible letling tute hian KJV chauh an en lemlova, KJV lo English version dang a tam lutuk tlat. An ziah dan leh an sawi dan pawh a in anglo nawk ve bawk a nia. Word construction lama buai lo hian, Pathian thu hian enge sawi a tum tih lam chik i zir zawk teh ang u. Tin, Pu. pC Biaksiama hi pa tha tak a ni ang. A taimakna hi ka ngaisangin a ropui bawk. Chutih lai chuan Bible, English version 1 a lehlin tak avang maia Miin thi leh thau pawlh a an lo beih ve, Vawin thlenga kohhran chhawngnunga Pathian pawlna kan dawnna hmanrua khati tak maia a rawn maisam ta mai erawh a puitling lo ka ti ve.

    English version hrang hrang, thumal remkhawm dan leh sawi dan in anglo tak tak te hi en kual rawh u. Tuman an in sawi chhe tawn ve lem lovang. Kan ti duah teh ang. Chu pawh chu in zirna tham a niin ka hria..

    Like

  3. Anonymous says:

    Pu PC Biaksiama parallel Bible hi mihring mihrinna ringawt chuan tih puitlin theih ah ka ngailo hrim hrim, a thahnem ngaih zia leh Bible ropuina arawn humhim zawk niin ka ngai tlat

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s