Blink (Mizo love Story)

Author:

“Puii ka nia” Zawi sap chuan a ti a, A hmel chu tha uchuak tak chu a ni lemlo,, En tawh chuan en nawn chakawm tak an tih ang type hi a ni awm e, Sawifiah dan awlsam ber chu a taksa bung hrang hrang inremkhawm chu a fuh vel vek a ni tih hi a ni mai. ” G-a ka nia” ka ti let ve a, nui hak hak pah chuan, ” G-a maw? a va tawi teh tawrh ve?” a ti a, ka sen deuh ap ap a, ” Ni biklo e, German Rallian Tawna ka ni teh duah a, ka. Chhungte leh ka thiante chuan G-a min ti mai thin a” ka ti a., Nui hak hak pah chuan Hming nalh tak a nih chu” a ti then a, ” Aizawlah maw i haw dawn?” a ti leh a, ” aw a ni mai” tiin ka chhang a, ” enge ni mai awmzia chu?” a ti a, ” Ka nu leh pa hi hmun dangah hnathawkin an awm daih a, chutah chuan ka tlang zawk ka rin vang mai mai mawle” ka ti awlsam leh mai a.
” i ril a tam ve em”
” aw tam ve lek lek tawh”
” Coffee in ang hmiang, a vawt lutuk tur pawh a ti lum deuh ang chu mawle” a tih zawm nghal zat a. ” Nia mawle” tiin ka chhang a, kan piah lawka coffee dawr ah chuan kan phei dun ta a.

Darkar 3 zet weather problem vanga flight delay chu kan nghak tawh a, khaw vawt vin tuk mai chuan min hmetna vek tawh bawk a, Kan hostela kir leh turin hostel khar a nih tawh avangin a theih tawh bawk siloh flight lah an cancel duh mai bawk silo a, ninawm duh kher mai, Puii chu Mumbai hnathawk inti a ni a, Delhi ah a rawn peng zawk chauh a, tihian keimah ang bawkin a tangkhang ve mek tho a ni. Kan coffee in chuan min ti ziaawm sawt chuan ka hria, Mahse duhthusam chu a ni chuanglo. Chhum lah chu khawlai a kal pawh inhmuh harsa khawpin a zing phui mup mai bawk si a, a hrehawm dan a thuah hnih kher mai. Hetiang hi nilo se Darkar 2 liamta khan Mizoram ah kan hawi veuh veuh tawh ngei ang.

” Passenger ten lo ngaithla ula, Khua hian a zir miau loh avangin thlawhna chhuak tur zawng zawng cancel vek a ni a, Boruak tha a awm hunah hawn a ni leh chauh ang, Zan nuam taka hmang turin duhsakna kan hlan a che u” tiin information an rawn puang ta dap dap a.

” ka van haw tak, ka lo peng khanglang a ni” a ti hlak hlak a, a phone a phawrh a, a chhungte bulah flight cancel a nih dan te a sawi nghal zung zung a. A chezia chu ka en reng a, duhawmna famkima thuam, ni berin ka hria, a nui lai hmelte chu en kham har tak a ni. A heh sen chek mai chu a mawi danglam em em mai a, a heh hnuailam chu a chhah deuh tap bik a, chu chuan a ti lang sexy em em bawk a, a hnar ngul invuah dan chu “hei aia duhthusam hi a awm dawn chuang em ni le” tih tur khawp a ni. A ir no chu midangte irno aiin a no nalh zawk tih a chiang reng, a khabe chuan a hmel mawina chu chhuang takin a ti lang fiah nimai hian a hriat. A beng kawm nalh leh parh deuh lek lek chuan mipa mit la thei ang ber turin a hmel nen zuk inhmeh em em thei a. Heng zawng zawng tifamkimtu chu a pian zen nalh zaih mai ni silo, mawng bawr nalh leih lawih khan sang uchuak ni bawk silo chu a ni. A taksa bung hrang engkim mai chu amah mai pawn a nalh em em vek tawh nak alaiin, hetia awmze nei tak leh inchawih mawi tak maia remkhawm a ni lehzel hi zawng “thlir nin awmloh Lal Isu” tia tap hluam hluam chunga en dauh dauh chakawm tak a ni.

” G, engtia awm nge i tum, Hostel lamah i let leh mai dawn em ni?” a rawn ti a, ” ka hrethiam chiah lo, Hostel lamah chuan a let theih tawhloh hrim hrim a, Ka hmelhriat Hotel pakhat ah room book lawk sa ka nei tawh a” ka ti a.

” a nih tak chu” a ti sap a. A mitmengah chuan buai deuh nak awmin ka hria a. ” Mizoram House lam i be tawh em?” ka ti vat a, A zin bag siam mawlh mawlh chung chuan ” o nichin khan ka va bia a, Full house an lo ti a” a ti sap a, Hotel dang ka zawng mai ang, Mahse” a ti chuai raih a.
” englo hotela i thlen dawn tho chuan Hotel International ah i awm ve duh mai a ngem?” ka ti a.
” duh loh theih pawh a nilo, Mahse harsatna ka nei a?” a ti chuai raih a, ” Eng thilah maw?” ka ti zui nghal zat a. ” balance ka nei tawhlo a, hotel thlenna tur khawp” a ti ta nge nge a. Ka nui mai a, ” Hotelah chuan phei phawt ang, an Manager saw ka cousin a lawm” ka ti a. A nui sak a. Tichuan pawn boruak hik tak maiah chuan chhuakin Taxi kan la a, ka hotel bookna lam chu kan pan dun ta a.

§§§§§§§§§§§§§§§§§§§

” En teh ka thiani hian room pakhat a mamawh ve a, min pe thei a ngem?” tiin Reception counter a thu ka lo biak fo tawh Anjali chu ka zawt a, ” wow G i nula em ni?” tiin mei nei deuh in min en a, a nui ker ker a, ” hey ti vat mai teh” ka tih lai chuan ka unaupa Martina chu a rawn lang hlawl bawk a. ” Sir, en teh saw saw a rawn hawn a nih saw?” a lo ti zui zat a, Lobby boy vai tleirawl Dalipa chu a nui kek kek bawk a.

“Anjali ka lungawi lo tep a nia, Zawlaidi ka rawn hawnlo mai ang che” tiin ka vo fiam a. ” Bro, eng thil awmzia, mizoram lam ah i awm heuh heuh tawh ang chu tih naklai chuan” Martin chuan a lo ti a. Kan harsatna tawh te ka sawi nghal zung zung a, ” Golden chance” Dalip chuan a lo ti zauh a, kan nui ham ham a,.

“G a pawi ka ti kher mai, Single room pakhat reserve tura i tih bak kan nei tawhlo, book vek a ni tawh, i room sir chiaha awm Punjabi pa kha vawiin meeting an nei zawhna tur a ni dawn a, naktukah a chhuak mai ang, i room turah lo awm dun lawk mai teh u” thu tak zet chuan a ti a. ” i uang lo maw?” ka ti vat a, a lu a thle na na a, ” ka ti tak tak hei chart hi en rawh” tih pah chuan a computer monitor chu ka en theih turin a rawn kuai her a. ” a van ho tak” ka ti tak nangin ka rilru tak chuan ka hlim veng veng thung, hetiang nula hmeltha nena room khata han awm dawn chu a tluka chakawm a awm thei dawn em ni le.

” englo, hei room a lo khat vek tawh a, reserve tura ka tih bak a lo awm tawhlo a, i luah rih mai dawn nia” tiin a bulah chuan ka va sawi a,
“aw ho…a va zia awmlo ve, chutia i room luahlan ngawt che chu ka duh bik hleinem, Tihdan dang a awm nang siloh chuan kan 2 in kan awm dun mai thei lo em ni”
“single room a nia” a nui hak a.. ” lehzel chuan” a ti hlak a.

Rei ngial ka hnawn hnuah kan 2 a single rooma awm tur chuan thu tlukna kan siam thei ta hram a. Kan in nawr rei chhan pawh, chutia ka room luah ngawt chu a duh silo a, a tlawmngai ve tlat bawk si a. Chuvang chu a ni ber. Room chabi chu lain Dalipa ho chuan lift in ka room tur awmna Room 69 lam chu panin kan kal ta a.

Zan dar 12 a ri tep tawh a, Laptop khawih in coffee sa tha deuh mai ka dawt khalh khalh a, ka thutna chu Sofa mi 2 thut theihna chauh ang chi hi a ni a, a bak chu awm heklo tahchuan zan riah mai ka tum ta a. Puii chu tui takin a hnar sak sak a,ka en leh dauh dauh thin a. A muhil hmel te hlei hlei chu a duhawm in hmuh a nuam a. Ka en kham theilo a ni ber mai.

A tuk zing ka harh chu room a lo ruak huai tawh a, ka tho vat a, ka sana ka en a, zing dar 10 a lo pel vung tawh a, dawhkan ah chuan lehkha themah ” ka lawm lutuk, hei ka chhuak lawk dawn a, Breakfast ka ei tawh a, Lunch ei turin ka rawn hawng ang, min lo nghak thei a nih chuan ka lawm khawp ang Love P..” tiin ka nui ver ver a, Love tih lai chu ka hmu duh em em a, ka keng a, ka bih a, ka nui ru tet tet a, a tak tak ni se zawng ka van lawm dawn tak em.

Lunch ei a hun tep tawh a, chutih lai chuan room kawngka chu a ri rak rak a, sofa a thatchhe deuha thu chung chuan ka lo en kar a, kawngka chu inhawngin hmeichhe 2 hruai chungin Puii chu a rawn nui lur var var a, ” i lo tho tawh maw? I mu tui lutuk a, ka kaitho duhlo che a nih kha, Hruaii i tih kha tunge?” tiin min fiam nghal bawrh bawrh a. “Tu hruaii maw?” ka ti hu a, ” awww i tawngvaiin i sawi sek kha mawle, e taka he mite 2 hi ka thiante an nih hi, anmahni vanga hetia tangkhang hi ka nia lawm, min ko peng khanglang a, Hei hi Nano-i a ni a, hei hi Chhepawngi ( Remkimi) a nih hi Rk kan ti thin, hei hi ka thianpa duhawm tak G-a ka tih chu a nih hi” tiin min nuih sen sen a, ‘ Duhawm tak’ lai chu ka lo la vung leh hman pek a. Kan inchibai nak nak a, khumah an thu a, kei sofa ah ka thu thung a. An ti ti ngaithla chung chuan Laptopah FiFa ka khel mawlh mawlh a.

” Lunch chu Rki te hian an show dawn a, Toco Bell ah kal an rawt a lo kal ve la” inthlahrun hmel deuh chuan a ti a. ” khai a, a va zahthlak duh awm ve, keiman ka show zawk dawn nia” ka ti ve nangin an lo remtilo nasa mai a. Heng a thiante 2 hi Law college a kal mek Master Degree neih tuma bei mek an ni a, Hostelah an awm tlat avangin hetia inhmu hi kan ni. An tan nasat em avangin ka amen ve ta nge nge a.

” a nih chuan kan in tuai fai ve a nge, min zahpui lutuk ang” tiin bathroom ah ka luhsan ta rih a.
” awii kha ka rin aiin a chhelo daih, i tawng vannei tawp”
” kei chu ka duh aiin a palian, a hang ka ti bawk”
” kei chu ka duh chi, a mitmeng kha a nelawm loh nangin a pa khawp mai, engmaw a tih a Delhi ah ka van hmu ngailo ve”
” ka hrelo zirlai chu a ni a niang, Hostelah ka awm a ti a”
” a zei hmel teh hawrh bawk si, Mizoramah i hmu thei tawh dawn silo, am deuhin hun hmang dun ringawt ula a ni mai”
” mahse thiannu i dinhmun kha hre reng la aw”
” in va ho mai mai tak, Hepa chiah hi a lawm ka sawi kha, thla hmasa ka mumang rapthlak deuh tuma min lachuak tupa ka tih kha”
” a ni maw? I mumang i chhawr bik e, nuam awm”
An ti ti chu hriat a nuam ham ham hle mai, Ka hriat loh an ring niin ka hria, mahse enge min sawi dan tur ti rilru chunga ngaithla ru ka ni reng bawk a. ( Hmeichhe ho zia hi chu, an inlengte haw hnuah rel zek an ching reng bawk a..) He Bathroom hi kawngka neilo room pakhat kut leh hmai vel silna tur darthlalang lian deuh awmna hmun mahse bangin a pindan ve deuh si a ni a, chumi chhungah chuan Toilet leh bathroom hran ve ve a awm leh thung a ni. Tui lum vat vat chuan ka hmai chu ka phih thuak thuak a, ha nawt fai lehin ka chhuak phei leh ta a. Ka laptop an lo khawih a, min hmuh rual chuan ” i laptop kan lo khawih a, pawi i ti em? ” Rki chuan a lo ti nghal vat a. Ka nui mai a, ” in bomb darh a nih loh chuan phal tuk e” ka ti a.

§ § § § § § § § § §

Khua chu vawt tak a ni, hetiang hun hi Delhi ah chuan a thla, a thla dawn te a awm thin a ka ning thei hle, Toco Bell ah kan thu thap a, Ka bulah Puii a thu a, kan hma zawnah a thiante pahnih chu an thu thung a. kan order lo thlen hma chu chanchinbu ka lo bih a, anni ho an titi siam siam a. Hmeichhia tak hi chu darkar khat lek inhmulo pawh nise sawi tur an ngah hman viau zel reng a ni.

Kan duhtawk kan ei hnuah an phallo chung ka pawisa ka thawh ve a, Chawhnu lamah class an neih avangin chumi hmun atang chuan kan inthen ta rih a. Khawlai vawt takah chuan a thiante taxi chhunga an lut kak kak chu kan thlir a, an rawn vai lap lap a, ” huis ka van ngai dawn tak chhebani te 2 chu ” a ti a, min en a, a nui sak a. ” kan haw nghal mai dawn em ni?” a ti zui zat a. ” Ngawi lawk teh, hetah hian lo kal teh” tiin a kut vawt thlar mai chu dawm sakin zebra crossing bulah chuan ka dinpui a, red ligh a en rual chuan kawng kan cross vat a.
” Khawnge kan kal dawn a?” a ti ha a.
” Cinema kan en ang chu” ka ti awlsam et a, a nui hak hak a, “a nuam zek tak ang chu” a ti a.

Cinema hall chu a lum nuam ham ham khawp mai, entu pawh an tam vei phian a, “Vai ho hawkdak lutuk hi chu aw” ka ti phawng mai a, ” hei keini pawh kan hawkdak tho alawm?” a lo ti ve mai a. Ka nui ringawt a. Show time a ni a, eng a thim mup a, Screen a rawn eng ve thung a, Music a ri ruai ruai a. Ka flim en nin theihloh ‘ Soldier of Fortune” tih chu kan thlir dun ta dauh dauh a. Minute 20 dawn kan thut hnu chuan a zakah a kut rawn zen lutin ka dar ah a lu nghat ngain a awm dar dar a, min en chuanglo hmuhnawm ti takin chu flim chu a en reng bawk a. A hnuah a in hnit ri hreih ka hria a, ka zuk en nak chuan a mittui a lo hru mawlh mawlh a. Ka nui sak a.
” i tap vel a”
” ka insum zo thlawt lo a lawm, a van hmuhnawm tak” a ti a,

Kawngpui a motor tlan zut zut lam ngaihsak map lo chuan ka kut chu nghet taka kuahin kan thlenna hotel lam pan chuan kan kal dun sauh sauh a. A ruk tak chuan nuam ka ti veng veng a ni ber. A titi pah zel bawk a, a thiante 2 chu a ngai takzet a ni tih a hriat a sawi deuh reng a. A phone a rawn ri ral ral a, ” Hallo, aww hei khua a la nuam chuanglo, nia, a tha ve mai ang… Aw nia, min ngaihtuah duh suh ka tha e… Aih Hotel International ah nia…awle awle..bye”
” tunge i biak mawlh mawlh a” ka ti ve ngawt a, ” ka chhungte mawle, min ngaihtuah deuh a niang” a ti sap a, chu phone call a dawn vang chu nge ka hrelo ka ban a kuahna pawh a thlah tawh a, a hmel chu a danglam daih bawk a. A hma lawka tawng siam siam kha a tawp hmak tawh bawk a. Engvang ni maw tiin ngawi rengin ka kalpui ve ngawt ngawt a.
” Zanin pawh a la riak dawn a nih hmel” a rawn ti chuai raih a, ” tumaw?” ka lo ti vat a.
” Ee Panjab pa kha, kan room piah a mi kha” a ti a, khumah chuan a zangthal zawngin a tlu tap a. Lukham chuan a hmai a hup a, Ngawi rengin ka en a, ” Ka bula awm a ning ta deuh a niang” ka ti rilru a. ” Zanin chiah chu min mikhual leh hram a ngai dawn a nih hi, a hrehawm e…He boruak hnawng lutuk hi ka van ning tak” a ti hlak a, a rawn thu chhuak a. Min en kar bawk a. ” nizan kha a hrehawm em?” a rawn ti phawng mai a.
” Hrehawm lo e…ka tihdan fo a lawm”
” ka van awihlo tak” a nui sen sen a, ” Naktuk-ah Khua hi kiam deuh tawhse awww, kan haw theilo tak ngial dawn” a ti bal bal a.
” Tawngtai lamah tan la phawt mai teh” tiin ka games khelh lai chu ka khelh chhunzawm san leh nghal daih a.
“ninawm games min khelh san daih zel a” tih leh ka laptop rawn lak chu a rual nghal a.
“heh penalty kan pet mek a, ka zo tep tawh”
” i chak leh chuanglo ang”
” ka chak awm e min pe rawh”
Khuma ding chung chuan,
“Rawn la la” a hmel chu a tha uchhuak tak zet a ni,
” rawn la mai rawh”
” nangman rawn la zawk rawh”
” vawikhat” ” vawi hnih” a lo ti a, a nui hak hak bawk a. Ka tho thut a, a te vak a khum atang chuan a zuang thla a, a nui har har bawk a, ka hual a, khumah bawk ka va nang ching a, ka pawm bet a, khumah chuan kan let dun ta tawp a.

A chunglamah a awm a, kei a hnuai lamah a kut hnung lamah ka laptop a keng thung a, a thaw lum ham ham chu ka hre phak a, kan nui zuih tial tial a, kan in bih hnai set sawt tawh hle. Ka insum thei ta ngang lo a, a lu ah ka dawm a,a hmui ang deuh hiau chu duhthawh takin ka fawp ta bawrh bawrh a. Min hnial eihlo, a kut a chet tir a, Laptop chu khumah a dah a. Min kuah a, min chhang let ve nghal bawrh bawrh a. Thawchham tep khawpa kan inkeih hnuah kan thlawn dun hlawl mai a. A tho vat a, Bathroom lamah a tlan lut nghal vat a, kawngka in hawng a in khar ri dat ka hria a. Reh zui nghal vang vang a.

Minute 30 dawn ka nghah hnuah pawh thawm engmah ka la hriat loh avangin ka ngaih a tha ta chiah lo a, ka va pan hnai a, a reh thap a, kawngka ka va pawt a, a inkalh vek bawk a ” Pui…puii” tiin ka kik kauh kauh a.
” ka tha e” aw tham tiak chung chuan a rawn ti a, ngawi rengin ka inher a, a khawsa zia chuan min ti nuam chiahlo a, ka inhalum sawk sawk a, ka leng chhuak ta nal nal a.

Ka duh aiin ka in hnem tawh niin ka hria, Zu hi kum 1-ah vawi 2 emaw bak ka in ngai meuh lo, zu ka in hian chhan a nei chawk thin. Ka thil tihna ah ka hlawhtlin chang leh ka rilru a nawm loh changte hian ka in ve zauh thin a, chutiang a nih loh chuan engemaw thian ho a party etc velah ka in ve leh zauh thin bawk. Chubak zu ka in ngailo hrim hrim thin. Zanin pawh vawiin chawhnu lam boruak avang khan zu ka in ve ta ngawt a ni. No 6 zet ka in zo der tawh a, ka rilru a kal bing ngat ngat hle mai, Min nel lutuk vangin a duh aia thui ka kal zawk em ni ang? A thin ka tirim niin ka hria. Mahse, ka fawh lai khan a tang eih bawk silo? a, min hnar tumin tan a khawh hauh bawk silo? khatia kan awmhnuah khan tinge bathroom ah a tawm tak tlat le? Ka ti rilru nauh nauh a, ka no la tlak zawhloh chu ka la a, ka tlak pawp a, Bar nghaktupa chu ka hmelhriat vawi tam ka lo lenluh ve tawhna- Sandu a ni a, no rawn lak pah chuan ” Bro i lem leh dawn a nih chuan ka hrilh ang che, zanin hi i lem hnem tawh viau a nia, mahse i thu thu le” tiin min siai suk a. Ka nui ve mai a, ka wallet ka phawrh a, zu man chu ka pe ta a.

Taxi a min thun zawh chuan Sandu nau Triloka chuan ” Bro, Hotel International ah aw, kan unaupa a nih hi, fare pawh hetah lo lam mai rawh” tiin taxi driver chu a bia a.
” Hey, Bro a ngailo ka nei ve chuan ka hria” bah nuai chuan ka lo ti a.
” min ba ni mai rawhse, i rawn kal leh hunah no khat i chawi a ngai a ni mai” a ti a, taxi pawh chu a kal nghal a.

Ka room kawngka bulah chuan Dalipa chuan min kuah chungin ” E dosati ham nahi” tiin a zai rat rat a, ka nui huk huk a, ” Zaithiam lo” ka lo ti a, a uar zual sauh a, Kawngka a inhawng a, Puii mak ti hmel zeta lo ding chu fiahlo ruaiin ka hmu a, ” Hello, min hrethiam dawn nia” tiin Hindi in ka be vel a. ( Mizote hi mak ve deuh kan ni, Zu kan ruih deuh hian English leh Hindi hman hi kan awlsam thei viau zel, kei pawh hi ngaiah ka nei roh a, ka lo hmang leh thin”)
” awi ngatinge?” a lo ti chul a,
” a party pek a lawm le, he unaupa hian kum khatah Zu vawi 2/3 bak a in ngailo, chhan neilo chuan” Dalipa chuan khuma min mut tir nawk nawk pah chuan a ti a, “enge chhan neilo chu a awmzia?”

“Bhabhi, hepa hian a vanneih ni lawmnan leh a thinlung hliam ni bakin zu a in ngailo ka tihna mawle, nangmah i awm a, a hlim lutuk in zu a in a nih dawn hi” ti pahin a chhuak zui nghal a, kei chuan pawr zet hian ” Fuck You” ka ti a, nui hak hak pah chuan “Phak khiu” a rawn ti let ve a, kawngka inkhar ri dat ka hre zui nghal a.

Ka mit chu ka meng diar diar a, Puii mak ti hmel deuha min en reng tu chu ka han hmu a, ka meng fiah kawk a, thei leh theilo chuan ka in beng kang a, ” ka tih palh, khua a vawt lutuk a ” tiin ka tho tuih tuih a, Toilet lam panin ka phei hnuang hnuang a. Bual tleng chhunga tuilum awm purh chu daiin ka thuamhnaw zawng zawng nen ka lut ta rup a.
” i va rei ve” tia kawngka kik dawt dawt thawm chuan min ti harh zawk a, vawt ka ti kher mai, chutah kawngka a in hawng rawk a, “e khai awww” a ti chul a, ka tho tuah tuah a, ka ding dir nghal tluk tluk a.
“i van ho tak, i huh vek a lawm” nui hak hak pah chuan a ti a, min dawm a tum chu duhlo in, “ka inthlak dawn” ka ti sup a, min kian a, ka thuamhnaw chu ka hlip nawk nawk a, rang takin a tlan chhuak a, bathrobe chu min rawn bah tir a, room lamah ka kal duan duan a ” eng vanga heti taka zu rui nge i nih a” nuihza insum tih hriat tak hian a ti a, khumah chuan ka thu hnawk a. nui huk huk chung chuan ” a vawt em a lawm” ka ti et a. “vawt tisi tui i va cheng bawk sia” a nui nghal hawk hawk a. “min nuih zat reng ang chu” ka ti a, a nui lai chu a tawp a, min sir thlek ha pah chuan ” Engmaw a awmzia, ka nuih zat reng che maw?” a ti ha a.
” aw..ka tihpalh a nih kha, ka insum zolo a ni” ka ti a, a ngawi reng a, towel huh hnuang chu a thlep niap niap a, “ka insum zo ve thin khawp a sin, mipa tupawh i lakah chuan khatiang khan an awm ngei ang” ka rui a reh deuh tawh bawk a, ka aw pawh a ziaawm ve viau tawh a.
” keima thiamloh a nih zawk kha, khatia awmlo tur kha ka nia sin mawle” a ti dul raih a.
” keimah kha a lawm”
” nilo ka duh luatah che ka dinhmun hrelo lekin ka awm vang zawk a lawm”
” engmaw i sawi a, min duh ve vang maw?” a ngawi reng a, a khap fak fak a, “aw” a ti sap a.
” Ka awihlo, min duh ve ni la khatiangin min biruk san lo ang” tiin ka tho a, dawhkan a zu um lem 2 vel lek awm chu ka thli a, ka thawk khat leh ta pawp a.
” i hrethiamlo zawk a ni” a ti a, ka pan hnai a, a hma zawnah chiah chuan ka ding a, ka chhuk en a, min rawn melh chho kar thung a.
“Ka duh lutuk che tih i hria a, chuvangin min tih nat i hlauh vangin min duhder ve mai mai a ni maw? ” ka ti a.
“Ni lo” tiin a rawn ding a.

Ka lakah chuan a te nal nal hle mai, ka khabe zawnah a chhip a thleng awrh a ni ber, a ban ah ve ve ka man sak a, min si deuh thawh in ka pawt hnai a, a khur der der tih ka hre thei a. “Min duh ve tak tak maw ?” ka ti a, a zawi reih rawih viau nangin a chiang fekfawk hle bawk a, zawi muangin a rawn dak chho a, ka awm hle hle thei ta nganglo a, a hmui nalh zet mai, mipa tupawhin fawh atan an it ngawih ngawih tur chu duhthawh takin ka fawp ka nge nge a.

A tawlh hnung a, khum tlangin a dan avangin a thu hnak a, ka fawhna chu ka titawp phallo, ka nawr zui zel avangin a tlu riai riai a, min fawp chhunzawm ve zel bawk a, a tawp ah chuan a tlu ta nge nge a.

Khum chu a nghet tha cherhchawrh bawk a, engmah thawm emaw pawh a chhuah chuanglo, ka kut a awm hle hle theilo a, hmun tinah ka fawp kual a, ka kut in a tihtur a ti kual ve zel bawk a. A ni pawh a awm hle hle thei bik lo a niang a kut vawt tlar mai chuan ka bathrobe hnuaiah zen lutin ka taksa chu a hmer ve nawk nawk a. Engtiang nge ka kal thlen ka hrelo ka duhthawh tulh tulh a, ka kal ngaiin ka kal malh malh zel bawk a.

” Tawk, hei bak chu” tiin a phun sep a, ka chawl det a, mahse amah zawk chuan min fawp zui nghal zat a, duhthawh takin kan che dun malh malh zel a, “i ti dawn tak tak a mi?” a ti tham leh tiak a, ka rum nghut a, ka kal ngaiin ka kal mawp mawp zel a. Tunah chuan engkim saruak leh inhnawngsa vekin a awm a ni deuh ber tawh. “A theih lo, min hrethiam rawh” a ti zawi leh sap a, a lu a hawi sawn nghal bawk a. Ka ngawi reng a, a irno chek mai leh a beng kawm fai var sar maite chu ka fawp dan dan zel a.
” Enge thil awmzia, i duh ve turah ka ngai a”
” ka vawi khatna a nia” a ti a.
Ka chawl det a, a mit ah tak chuan ka en kal a, ka dar a nem deuh tang chung chuan ” i awihlo em ni?” a ti tham chhal a.
“awih e, kei pawh ka vawi khatna a lawm” ka ti a, a hmela hlimna parchhuak chuan a mitmeng a ti nung sar sar niberin ka hria “ka ring lo, mahse i sawi miau si chuan ka awihlo ngam biklo” a ti a, a hmui ang deuh pham mai chu ka zuk dek leh da da a, “ka ti tak tak a niaa, ka thei lo a nia” a ti thawp leh sap a.
” oh ka tihpalh” ti chungin a sirah chuan ka let thla nghal tap a, “min hrethiam dawn nia” ti chungin ka darah chuan a rawn bei hla hla a.

Khawvawt tak ni mah se ac kan on avangin boruak chu a nuam tawk viau tho, Mahse blanket chu a pawt hlim a, a hnute bu nalh tak mai leh a hmeichhiatna khuh dawr dawrtu puan them thehlep taka siam tanpui turin blanket chu a pun a ni ber.
” G hrethiam rawh aw” tiin ka beng kawm ah chuan a seh nep nep a, ka inlet a, chu single khumah chuan hnai tawkin kan in en ta reng a,
“ka hrethiam a lawm, a vawikhatna ve ve kan ni a, kan zam dun ve ve a ni ber” ka ti a. A nihna rawtah chuan kei pawhin ka tilui ngam lutuk biklo, ka zam ve deuh hlekin ka hria. “i van fel tak” tih pahin min rawn delh bet a min fawp leh nghal ngang ngang a.

Phone a ri ral ral a, a tho thar a, dawhkan a, phone awm bal chu a la a, ka en dauh dauh a, a taksa khawilai mai pawh chu a nalh em em vek mai niin ka hria, a mawng bawr vawng nalh mai chu a mal sei lutuk silo mar nalh zaih mai chu inhmeh tak a ni, ka bathrobe chhuata tla nuaih chu a chhar sawk sawk a, a ha nghal mawlh mawlh a, ” Hallo, ka lo dah hla deuh a, nia room ah ka dah a, ka inthiar daih a lawm le” tiin dawt var chu sawi pahin bathroom lamah chuan a lut bo ta daih a.

Rei tawk an inbiak hnuah hmel dul raih leh hrehawm ti hmel takin a rawn chhuak hnak hnak a, banga Sana in khai chu a lo vir kual hnem tawh hle, “tunge ni a,? Eng thil nge thleng a, i hmel a danglam tak daih ni?” ka lo ti a, Kei pawh ka inthlak fel vek tawh a, ka paijama hain mut kawr ka lo ha leh at tawh a, ” eng nilo e, i lo mu ve dawn lo a mi?” tiin a mut thuam a inbel ve nghal mawlh mawlh a. “i phal chuan chu aia chak leh duhthusam tur dang a awm hleinem” ka lo ti a, tichuan khumah chuan kan mu dun leh ta rial a. Zawi te te in kan inbe sep sep a, tawngkam aiin chetzia leh hmui in chuktuah in hna kan induhna kan tilang nasa zawk awm e. Minute 20 vel a ni tawh awm e, a muhil sak sak tawh a, a hmel tha uchuak tak chu ka en a, duhawmna hlira khat hmeichhia ka bula mu chu ka mumang ni hialin ka ngai hman tawh a. A phone a lu bula a dah chu a rawn vibrate dat a, a harh chuanglo.

Engahmah ka ngai duhlo nangin vawi 2 lai a rawn vibrate leh tak ah chuan ka en sak ta nge nge a, Msg hi a lo nia, ka open thei mai bawk a, ka en chu ka phu zawk a.
” i rawn thlen hun nghakin ka lo phur em em a, nanglah kha lamah nuam ti takin i awm bawk si a” tih te,
” Inneih kawr tur chu Melody’n a en vek tawh a, i lo thlen hunah in en dun leh mai dawn nia” tih te leh msg tam tham tak a lo awm dul mai a, ka bing mum mum tawh ni berin ka hria, chupa nena an inbiakna zawng zawng chu uluk takin ka en chhuak vek tawh a, a rawn thawntu lamin a duhthawh tehlul nen a mah lam erawh chuan ‘nia’ ‘ aih kallo’ etc vel bak chhanna a nei lemlo. Ka duhtawk ka ensak hnuah ka dah fel a, ka bula tui taka muhil sek sek nula hmeltha leh nalh chungchuang pasal nei mai tur a ni tih ka hriat loh avanga ka lo ngaihzawn em em mai chu thikna hlirin ka khat a ni ber.
Ngaihzawng an tih ang hi chu kei akarah ka van bik vaklo, ka hmu zut tawh, mahse ka lerh loh em avangin ka ngaihsak zui vak ngailo, min duhtu chuan min pan mai turah ka dah deuh bur thin a. Chubakah ngaihzawng neih hi hun heksakna mai mai ah ka dah deuh tlat thin. Lehkhazir mi ka ni a, khawi hmunah pawh kal ila zirlai chauh ngaihsak mi ka ni. Physics subject ah Phd ka hmuhna tur final exam ka nei zo chiah a ni a, hetiang bawr vel ka nih avangin nula lam ka buaipui hman meuhlo a ni ber. Chuvang chuan tumah ka vei zui ngailo a, tumah ka ti renrun ngai heklo, ‘a duh lutuk che’ tia min kawh hmuh thenkhat pawh keimah bawhzui aiin ka thiante bawhzui a tam zawk. Min duhtu tam takin min bansan zel nachhan nia ka rin pawh ” ka ngaihsak’ hman thinlo tlat a ni.

Khua a en det det tawh hnuah pawh ka la meng fiah kak mai a, khawvawt lutuk chuan min hmet khawng zo vek dawn niin ka hre thei hial a, Hetiang khawpa vawt ah hian mithi an awm thluah thin pawh awm ka tiin ka khawngaih thei reng a ni. Ka bula mu chu a zi talh talh a, a meng siar siar a, ka lo en reng tih a hriat chuan fiah takin a rawn meng a, “i van harh hma ve dar engzat nge ni tawh a?” a ti phak chiap a, “a la hma lutuk muhil lehrawh” ka lo ti a, a rawn tawlh phei sat sat a, min kuah chial chung chuan a muhil leh ta sak sak a. Chu nu chu theihnghilh ka duh vat dawn, pasal nei mai tur ka lo ngaizawng a ni a, a va mak ve mawle, Hmeichhe laka buai ngailo, duh em em la tawng miahlo chu ka vawikhat tawnna ah mi nupui tur ka tawng ve mauh mai bawk si. Hrilh a hai duh lek lek zawk a ni.

” i dinhmun hre reng rawh” tia a thian nu in a hrilh ka hrechhuak zawk a, hei vang hi a ni maw? Khatia bathroom a a tlan luh daih chhan pawh kha hetih vang bawk hi a ni maw? Ka van a chhah tak em” ti rilru chungin mutchhuak in min zem mekna ah chuan ka tlu lut ta riai riai a.

Dar 10 pelh hretah ka harh a, ka lo muhil tui nek a nih ka ring, ka bula hmeltha muhil pawh ka hmu tawhlo, ka tho a, dawhkan bula lehkha them leh coffee leh a hmeh inhung chu ka hmu a, lehkha chu ka la a, ” ka chhuak lawk Lunch kan ei dun dawn nia” tih zawng a lo inziak leh a,” he nu len heh zia hi chu aw” tiin ka tho chhuak a, coffee dai duk tawh chu ka paih a, ka insilfai hnuah lobby ah ka chhuk thla a. Dalipa, Anoop leh Dipmala chu an lo ti ti bawrh bawrh a, Anjali erawh ka hmulo thung, ” Good morning bro” tiin Dalip chuan minlo nuih var var a, ka chhang let a, “tukthuan hi ka la eilo niin ka hria” ka ti a, Dalip chu a phe vat a, ” Sertui i duh zawk em” a ti khauh a, an 3 chuan an then tha a, ka hau zui deuh lang lang a, “Kha nula kha a nalh lutuk, hmeichhia i kawl ve ta nge nge maw?” Anoop chuan a lo ti a, ka nuih mai a, ” Mizoram ah Inneih lawm tura kal a ngai dawn a nih hmel a, engtia inthuam chi nge ni ang?” Dipmala chuan a lo ti ve vat bawk a, “in ninawm e mai, ngawi mai mai teh u, Punjab pa in hnawtchhuak thei bawk silo a lawm” ka ti ve bai bai a.

Chutia fiamthu a kan inkawm mawlh mawlh lai chuan Puii chu a rawn haw ve chiah a, “i lo tho tawh a ni maw?” a rawn ti a, ka lo nuih var var a, “Khawnge maw i chhuah dawk dawk thin le, i hahthlak ru riau” ka lo tifiam hlut a, Rei pawh awmlo chuan room ah kan inzui chho ta hnak hnak a.

Lunch kan ei dun mawlh mawlh a, kan eikham hnuah chuan ” Nizan kha i mutui bawk maw?” ka ti a, a thil ei lai chu chawl dat in ” tui khawp mai, khatiang ang a ka muttui kha ka hre ngailo” a ti a, a nui seih bawk a. “Lawi that zanah phei chuan i muhil tui ngawt ang, oh nilo i muhil hmalo zawk ang a?” ka ti el ta sak a, a thil eilai chu a tawp hmak a, fork chu thlengah a nghat tha te te a, a hmui a hru fai a, tui a in khalh khalh a, chumi hmuah chiang fekfawk taka min en chung chuan ” nia, a hun thleng phawt se engtin nge ka awm tih chu kan la hre mai ang” a ti a. A hmel a buai maplo, a nuih a za heklo, a meng fiah em em thung. “Nang pawhin Lawi that zanah muhil map loin i la che ve bawk ang chu” tiin a tho tharh a, Hawi pawh rawn hawi let tawhlo chuan min kalsan ta nal nal a.

Nilengin kan inbe lo, kei ka chhuak a, Lenna tur hre heklo Cinema te ka en kual vel mai mai a, a ninawm duh kher mai, Hmeichhe pian nalh te lam pang ka hmuh apiangin amah ka mitthla hman ziah a, ka hawina lam apiangah chutiang hmel chu ka hmuh zel avang in, ka ning lek lek zawk. Ka theihnghilh mai thei dawnlo tih chu ka hria, theihnghilh thei tumin ka bei sauh sauh reng a. “Kei hi eng ka ti nge mawni hetia hmeichhe tereuhte vang a ka buai em em mai chu ni” ka ti rilru hial a, cinema ka en chhung zawng chuan ka rilruah a awm tut tut zel bawk si, Kebab dawrah ka kala ka inthun puar a, dart ka khel a, ka ti fuh hleithei bawk silo. Ka rilruah amah lo chu a lang map silo. A tawp a tawpah chuan ka thiante pub ah bawk chuan ka kal leh ta nge nge a.
” wow nang hi engtizia nge i danglam zo ta em ni” an lo ti a, ka nui mai a, Beer ka lam a, seh hmeh tui tak nen muangchangin ka in a, bar nghaktupa nen kan ti ti pah zel bawk a, Ni a tla a, khua a thim chho tan leh tak avangin ka thlenna hotel lamah bawk chuan ka haw leh ta hnak hnak a.

Room ah ka thlen chuan a zin bag leh a thil dang reng reng a lo awm tawhlo a, Phone chu la vatin Reception office lam ka be pawp nghal vat a, “Khawnge a awm a, engtik hun velah nge a chhuah” ka ti nghal pawp pawp a.”Tu maw? Nula kha maw?” Anjali chuan a rawn ti a, “ni e, khami kha khawnge?” ka ti leh a. “Ni lo, 68 ah a indahlut ta a nih kha, i chelh zo lo a ni maw? ” nui hak hak pah chuan a rawn ti a, ka fiam let zauh a, “ka lawm e aw” tiin phone chu ka khup zui nghal a.

§ § § § § § § § § §

“Ka lo leng lut lawk thei a ngem?” tiin kawngka bianga min melh kartu chu ka bia a. “eng vangin nge i theihloh tehlul ang?” a lo ti let a, kan nui dun hak hak a, kawngka min hawnzau sak hnuah ka lut zui ta nghal a, a room chu ka room luah aiin a lo lian deuh zawk nangin ka ngainat loh zawng tak a ni thung, khumah chuan Laptop, Tablet leh lehkhabu a lo let hnawk nuaih a, a khawm rawp rawp a, ” i va leng nasa awm ve? ” min ti a, sofa a thut pah chuan cinema ka en a lawm le, a hmuhnawm tawhlo em mai pawh a, hun khawhral nan chuan a tha duh viau” ka ti ve mai bawk a.
Kan ti ti dun viau tawh hnuah ka room ah ka phei san ta a, Dinner ei hun hma tlem mut lawk ka duh a, laptop ka bih a, ka hawn huna ka project atana ka tih ruk sa deuh chu buaipui ka tum deuh a. Ka room kawngka chu a ri kauh kauh a, ka tho a, Room service an nih ka ring deuh a, kawngka chu ka va hawn sak a.
” ka lo leng lut dawn a i phal em?” zang vah hian a ti a, a hmel chu a phelh phang a, Paijama suit vutbuak rawng a ha a, a mitmeng chu a de sar sar a, a rim chu ka hre thei nghal a, “Zu i in em ni?” ka ti a, “In chiang e mawle, khawnge kawng min kian teh” a ti khar khar a.
Min nam kian pahin ka room ah chuan a rawn lut zui nghal a. A kut dinglamah chuan Whisky bottle tlem inphai tawh chu a khai lut bawk a, ” If i said all alone, tiu..riu..riu..riu…na..na…na” a ti lut ve khanglang zui a, Khum bula Sofa chungah chuan a va thu hnawk a, dawhkan ah zu dah pah chuan ” German ralkap…oops…LalGerman” min ti a, chutianga a awm hmel chu nuihzatthlak tak a ni, ka nuih tet tet a, amah pan phei chung chuan “i va ho ve mawle, tinge hetia i awm vel a” ka ti a. Min lo pawt thu a, ” min fawp leh teh, mawh? Min fawp leh teh” a ti a, min kuah chung chung bawk a.

“Hei insum teh insum teh” tiin ka tang ngan ngan a, ” min fawp duh tawhlo maw? a tha a lawm, mi phone en ching si” a ti tau bar bar a, din tumin a tho uaih uaih thin a, a tho tha thei mai lo a, a thu leh hnawk zel a. “khawnge i kal dawn” ka tih chuan ” ka room ah, heta ka mut ve hi i phal tawh silo a” a ti a, ka nui mai a. “min nuih suh aw” a lo ti ve khar khar a. Ka khumah chuan zangthal zawngin a mu nghal tap a.

” En teh….hmaaaan zanah ka mumangah tui lian ah ka lo tla a, Thing bung tawp zet mai pakhat hi ka lo vuan a, mahse a pial zel si, ka tla dawn takngial in ka hria, ka au vak vak a, ka nu leh pa bakah Lalhruaia te hi vaukamah an lo awm daih si a, ka aw an hre thei bawk silo, chutia ka mangan em em lai chuan ” nula ka kutah hian dawm rawh” tih ri ka hria a, ka dawm vat a, ka thlamuang ta huai huai a, chuveleh chuan khawmual fai nuam em em ah hian kan lo ding dun ta reng a, chu min kaichhuak tupa hmel chu i hmel ang chiah nangmah chiah chiah hi i lo ni a,… Ka mitthla ah i cham reng thin a…hmanni airport ah ka hmuh che khan ka phu zawk mawle” a ti a, khumah chuan a zal ar ar a.

” Lalhruaia chu emni amah chu” ka lo ti a, “ni reuh e, hmelchhe lutuk mai” a ti a, a nui leh kar kar a. “inneih intum bawk si a?” ka ti khauh a. A rawn hawi ha ha a, ka kawrah chuan a pawt a.
” G ka hmangaih lutuk che, nang aia hmangaih ka neilo, ka duh hluah hluah che” tiin a mittui a hnam ta tiam tiam a. “Min hrethiam lo bawk si” a ti thawp leh sap a, ka inbeng kang a, min melh kar mai bawk a. “Tinge tun aia hma deuh khan kan intawn loh le, khapa khan ( kutze en thiam khan ) ‘ i pasal tur chu i mumanga chhan chhuaktu che kha a nih kha’ min ti vek si a, kha vai putar ha bal kha, ka mumang pakhat pawh ka hrilh silo” a ti niap niap a, a maimitchhing diar diar a. “Thla 2 lek pawh intawng hma ni ila, hetiang hi kan ni hauhlo tur” a ti a, a inhnit ta hlawp hlawp a.
Tap hrim hrim hi ka thlem thiamlo, naupang tap pawh ka thlem thiam loh laiin puitlingah pawh hmeichhia lehnghal, ka thlem thiamlo kher mai, ka en reng a, a khabe ah kuai in “Engkim hi kan tana tha tur vekin Pathian In a rel a lawm” tiin ka hnem ve khang lang a, a nui hak a. “Nia, kan thatna tur emaw kan tih hi kan thatna tur a ni lo ve thei tho a nia aw,” a ti a. A mit sen ram mai leh a mittui tlak vanga a mit hnawih na dum kawi niaih mai chu ka en reng a, ani pawh chuan min en reng bawk a.

Ka insum thei ta nganglo, ka kun hniam a, chu nula hmeltha keimah ve mai mai vanga tap par mai, hmui sen chek mai chu ka dawt leh ta nge nge a ” Ka pu zawngte a tui a ni a, i dawt ngam leh dawt rawh” an tih ang maiin mi nupui ni mai tur chu ka hnuaiah meng phalloin a awm a, keiin duhtawk in ka fawp tak hawih hlawih mai si a.
Engkim a kal dan pangngai thlapin a kal leh a, a hmasa zawk ang bawk in.
“ka kal zel dawn em ni?” ka ti sap a, ” hmm” a ti thawp sap a. “i phal tak tak maw?” ka ti leh a, “hmmm” tiin a kut no tak chuan ka Paijama kekawr chu a nawr tawlh ta tial tial a, engkim chu a nihdan tur ang chiah chuan a kal nghal zung zung ni berin ka hria, kan tih tur chu kan ti dun malh malh a, kan chet dan chu sawisel leh tur awm tawh chuang map loin kan chet tir mawp mawp a.

Kan vawi 1-na ve ve chu chu Delhi khaw vawt tak hnuaiah chuan duhthawh takin kan chen dun ta a, kan zei em em lemlo nangin, kan theih tawp kan chhuah dun a, kan thinlung chhung rilber atanga rawn irh chhuak so bulh bulh ah chuan kan inhnim lut ta riai riai a. Zing dar 2 a rik pawhin kan la chawl meuhlo.
“Tlai mah var ila kan in ning chuang hlei lawng e” tih ang deuh kha ni berin ka inhria.

“I mu tui hle a ni maw? I harh eih lo hrim hrim” tiin ka awma bei hle hle chung chuan a ti a, “nangpawh” ka ti a.
” naktuk hian khua a that an beisei tawh si a, kan tan zan hnuhnung ber a ni dawn tihna a nih chu” a ti a.
“engtikah nge a hun a thlen dawn a?”
“March ni 20” … Ka sana ka bih zauh a, January Ni 30 tih chu ka zuk hmu a.

* * * * * * * *


20th MARCH,….11:30am

Zarkawt kawnah taxi lak tumin ka nau nula keimah ang maia sang leh pian nalh bawk si chu a kal bawk a, a nui hak hak reng a, ” Mam enteh khapa khan mak chu a ti ve khawp chuan ka hria” a ti a.
” Taxi” ka ti lauh a, kan piah lawka taxi tlan chhuak tur chiah chu a ding nghal chat a, “in hmang duh em ni?” a rawn ti a. “awww Kulikawnah” tiin a back seat ah chuan kan thu lut zui nghal a. ” Kulikawn ah khawi lai hmunah nge?” tiin min zawt leh a, “Biak In kal theihna lamah a ni mai” ka ti liam puat a. “awle tiin a tlan chhuak zui nghal a.

“Mam i hai a nilo maw? Hei inkhawm tur kal pawh an awm loh hi?” ka nau chuan a ti ha a. A ni reng tak a, inkhawm kal pawh tumah an awm silo a, mak ka ti deuh reng a, Mahse March ni 20 ang khan a sawi vek bawk si a, ka hai chuan ka ringlo a ni. ” vawiin ni ngei hi chu a ni mawle” ka ti bai bai a. Kan lam pana rawn kal mek mipakhat chu ka lo ti ding a.
” ka pu vawiin hi a ni lawm ni Hruaia te inneihni kha?” ka lo ti a.
“tute inneih maw i sawi a?” a ti hu a.
“errh englo, Nursery veng nula nei tur kha mawle” ka tih chuan ” aww Dr. Hruaia maw?.. Ngawi teh ka van hre mai lo ve, an thulh tih thawm ka hre deuh tlat mai” a ti bai bai a.
“An thulh a?”
“aw an thulh an tiin ka hria, Ngawiteh Pi Zawni khuan a hria ang” tiin pitar lo kal bauh bauh chu min kawh hmuh a, kan bul a lo thlen chuan ” Pi Zawn Dr. Hruaia Upa Darhnuna fapa te inneih kha vawiin hi a ni tirawh kha?” putar chuan a lo ti a, Pitar chu a ding a, min en he haw pah chuan, “niang chu mawle, Zochhuana fanu khan vai ramah a zuk awmlai khan ngaihzawng a zuk nei pek a niang a rai ta mauh mai si a, an thulh ta der a nih kha, kan Minister Fanu meuh pawh chutiang vel chu an ni tak si a, engvanga min zawt nge maw i nih leh?” a ti let he haw a.
” hei kan naute nupa hian inneih inkhawm hmang turin an rawn kal pek a, chu vang chu mawle” tiin an kal dun ta ral ral a.

“nupa, an tive ziah” ka nau chuan a ti a, “a hrim hrimah i thian nu pawh chu a ngeiawm reuh e, mipa chu ka khawngaih e” a tih zawm zat a. “ngawi mai mai rawh hawng vang vang ang” ka ti a. Ka thinlung chu lawmna in a khat liam a ni ber, ka zuang vak vak lo chauh a ni.
“chu nula chu ka ngei eee Mam i thiannu chu a hir ve hle a niang maw?” a ti leh a. Ding meuh chuan ” Naute i mi hriatchian loh chutiangin lo ti nghal ngawt lo la, mi harsatna kan hriatpui lo ve fo a nia” chang khal chuan ka ti a, ka mitmeng a hmuh rual rual chuan ka ti mai mai lo tih a hria ni ngei tur a ni, “ka tih palh” a ti sap a. Ka khawngaih leh roh si a, “nang pawh, A chal a chuar si a hnar a lawk si, a ke zungpui pawh a lian ngawt ang” an ti mai tur che a sin, Ka nupui” ka ti zui nghal zat a, za em em chuan a rawn nui chhuak a, “Kha putar pawh khan min hai leh nasa kher chuan ka hria” tiin hlim takin a titi zui leh nghal siam siam a.

Taxi a kan chuan lai chuan ka rilruah khami zan kha a rawn lang nghal zut zut a, a hming pum pawh ka hriat loh Nursery veng nula a ni tih chiah ka hriat, a pa minister hial lo ni bawk si chu ka ngaihtuah neuh neuh a. “Dawt a sawi chiang mai” ka ti chhuak hluai a, mak ti zet chuan ” tuin maw?” Ka nau chuan a lo ti hu a. “eh englo kan naupang mawle” ka ti ta daih a..( ka result nghah chhungin Synod higher secondary school ah mi ai ka thawk hlawh lawk a) ” hmmm va vei awm ve mawle, Mam kan kalna tur a flop bawk si a, bazarah kan kual dawn lawm ni, ka nu pheikhawk tur en sak ka duh a, naktuk ah Mawimawii a chho dawn a thawn nghal ka duh deuh a” a ti zawm nghal zat a. “awle” ka ti liam puat a. Ka rilruah engmah dang a lut mawlh lo a ni e.

§ § § § § § § §

Zanriah kan ei mek lai chuan ka thian kawm ngaih em em Pro Pastor ni mek Lalfakmawia chu a rawn lut a, “Wow u Faka chu va nalh zaih zaih tawh ve, khawnge in len dawn a?” Ka nau chuan a lo ti nghal vat a. “eh in monu tur kan rim dawn” tiin thuthleng pawt chhuakin kan inkarah chuan a rawn thu a. “Ha ha ha Mama hian hmeichhia zuk hlau a” a ti a, “Mam len intum tak tak a mi?” a ti zui nghal bawk a. “niang chu lenna tur pawh hrelo min ti ziah a ni lawm ni?” ka ti a, ka thleng chu tui hmunah dahin ka insil nghal bawk a.
” iau van tha ve” a ti a, a kham zui ve nghal bawk a.
“Thianpa enge vawiin lam i thawh a? Zanah programme i neilo tak tak maw?” tiin Fakmawia chu ka be zui daih a, ka room lamah kan inzui chho a, ( Ka nu leh pa hi College lectural niin Champhai lamah an awm daih a, Keini unau 2 bak hi fa an nei lo, Aizawlah kan In pangngaiah kan unau bakah ka nu nau tawng theilo mahse engkim hrethiam in vawng fel zet mai chu a awm bawk a, eirel insuk engkim a thiam vek a kan tangkai pui khawp nghe nghe. Kan In hi awih tlan deuhah chhawng 6 lai a inkhawh thla ve zui a, kan luah tak chu a kawngpui an leh a chung chiah chu a ni a, kawngpui an chu choka, sitting room comon room, tawngtaina room ka nu leh pa room bakah Mikhual room a awm a, a chhawng chung ber chu kan unau leh ka nutei room chu a ni thung).
“Ka awl zan tak a nia lawm, i sawi a lo nih tak tak chuan engtin nge kan tih ang?” a ti a.
“ka hrethiam chiahlo, tlaiah khan ka nu leh pa ka bia a, min nuih zat em em mai lehnghal” ka ti a, a nui kur kur a. “keipawh ka nuih a za rap mawle” a ti a. Ka insiam zo ta bawk a, leng tur chuan kan chhuak dun ta a. “Mam Mawimawii te in ah ka nu pheikhawk chu kan zuk thawn lawk a nge aw?” ka nauin a rawn ti lang lang chu ka lu ka buk khum zauh a.

“Hemi piah kawi ah sawn a ni mai, in sang deuh saw in hmu em, saw saw a nih saw” tiin Pu Zochhuanawma Minister I/C Health etc in kan zawhna chu min chhang pahin a kawk va va a, ” Kan lawm e, ka pu” tiin Fakmawia chuan a ti a, tichuan chu Minister in lam pan chuan a motor chu a kal tir leh ta a.
An In kawt chu a zau lai tak niin a lo eng deuh pup bik a, kawng chhak lama Parking sign kan hmuhna lamah chuan motor kan hung fel phawt a, Sipai duty chuan minlo thlir dauh dauh a, an veranda a mi 3 thu chuan titi pahin min lo en ha ha bawk a. Anmahni lam chu pan thla in.
” A len luh theih a ngem?” tiin Fakmawia chuan a ti a.
“aww Pro. Pastor lah ni reng a, enge he lam lam ah i rawn tih dawn a?” mi 3 thu zinga a thlang ta ber chuan a lo ti hlut a. “A khai a, Pu Para ni rengin, hei kan lenglut ve lawk duh a, a remchang a ngem le?” a ti zung zung a, ” Sanga tumah inleng a nei lemlo tiraw?” chupa chuan Duty hnenah chuan a ti a. “Pu Par hetah hian em ni i duty a?” Fakmawia chuan a ti a, ” Ni e mawle, kar 2 vel chu ka awm ve tawh e” tiin a ding a, “Tikhan lut nghal mai rawh u” tiin kawngka chu min pawh hawn sak ta a.

“Lo leng rawh u,” tiin nu pakhat hmeltha fai ver, thau ni silo, khal alh mai chuan min lo ti a, inchhungah chuan Mipa 2 leh Minister chu an lo ti ti mawlh mawlh a, an ti ti phungah politic lam pawh an sawi lemlo a, TV a Inkhel chu an sawi a ni ber. Minister chu ka hmuh tum ang a ni hauhlo mai, pa upa lam hrisel hmel deuh si. Bawrhsawm hmel taka lan tum awm tak ni turah ka ngai a, a ni awzawng lo. Pa upa lemlo tih hriat tak, Kum 50 emaw a ai a upa hret emaw ni tur a ni a, Kekawr bul var ( Tennis Kekawrbul var ang hi ) ha in T-Shirt ban bul lian lam deuh a lo ha a, en mai pawn pa lian over chu nilo mahse pa tawk ve tak chu niin a hriat theih a, hmel hlim surh chuan min lo en a.
“ee lo leng thu rawh u, hei nizan inkhel kan en ve thei silo a, ti hian live in kan replay leh mai a nih hi” a lo ti fiamthu nghal bawrh bawrh a, sofa dup nuam tak mai awl laiah chuan kan thu ve ta a.
” eng thlichhia in nge rawn len lut teh nawlh che u a?” tiin min hmachhawn zawng chuan a rawn ti a. A hmel chu a nelawmin a ngainatawm hliah hliah a, hrisel tih hriat takin a biang vel chu a sen suah bawk a, “Ngawi teh kan inhre tawh in ka hria, Puii Nu a dik em?” tiin Fakmawia chibai nan a kut a phar chhuak a.
“Aaa Pro Pastor Fakmawia a nih hi, tehreng chuan, Hman ni a Vanapa Hall a Health Mission campagin a hunserh hmangtu kha a nih hi” a nupui chuan a ti ta chul a, an inchibai nak nak a.. Kei chu za lo deuh in ka lo kiai suk suk a.
“Enge in rawn rih ve dawn teh tlat a?” Pu Zoa chuan a ti zui nghal zat a, inkhel sound ri nuaih nuaih chu a volume a ti hniam deuh a,” Min hrethiam lawk mai teh u Remi Pa” tiin. inlengte chu a han be leh rih a. Fakmawia chuan a aw thian kharh kharh pah chuan, “aaa englo a nia, Puii kawm tumin kan rawn lenglut mawle” a ti thei ta hram a.

“aww a nih chu, tunlai chhan ah minister in ah lenglut ve chu duh in nei turah ka ngai ngawt mawle, Minister kan ni ve mauh mai si a, tihian ka lo ti leh hluai thin” tiin a nui huk huk a, “kan nu kawm tumte hi ka lo be ve chiam a,kan nu be tura ka ngaihte hi min be tur an lo ni leh thin a, “induh” min ti leh thin” a ti zui a, an 3 chuan an sawi chhunzawm nak nak a.
” A nih tak chu Raju… mambawihi han ko teh, hei Inleng a nei pek a nih hi” a nu chuan a ti lang lang a. Choka atang chuan Vai emaw lo chhuak dawn ka tih laiin Mizo tlangval la upa hmello deuh mai hi a rawn chhuak a, a nui var var a, “Pi min tive ziah suh” a rawn ti a. “I thianpa khan min hrilh vek alawm” nu chuan a ti zui a, an nui ho leh dar dar a.
“Mambawihi te nen chuan In inhria em ni Pu Fakmawi?” Nu chuan a ti zui nghal a.

Chu nu hmel chuan min ti thar sawng sawng ni berin ka hria. A hmel chu ka hmeltha-i ang mai kha a ni a, a thau deuh a, a hmai a bial deuh e tih mai loh chu, a nu leh pa ang chiah a ni. “Hei ka thianpa nen hian an inhre zawk a” tiin a hrilh a. Pa ho ti ti lai pawh chu a tawp nghal hmak a, an vai chuan min en thap a.
“Germana i ni em?” dam thlap chuan nu chuan min ti a, a hmel ka en ngamlo tep a, ka sa hut hut ni berin ka hria, ka aw a chhuak zo lo lek lek hman a, “aww ni e” ka ti thei hram a.
“I va rawn lang har ve? mami lahin i address a chiang derlo lehnghal a, a buai teh mai kha” nui vur vur chung chuan a nu chuan a ti ta a.

Ka thaw huaiin ka hria, “Nia.. Kan inang chiah a nih chu, kei pawh…in” ka tih mek lai chuan inchung chhohna step ah chuan Ka hmeltha i ngei mai chu a rawn lang ta heu mai le, a hmel chu a that ngaiin a la tha reng a, a duhawmna pawh a la kiam chuang heklo, a mitmeng chu a nalh ngaiin a la nalh reng a, a tap nasa tih a hriat deuh mai pawh a. A hmui fawh nuam tak chu fawh chakawm takin a la awm reng bawk a. Kailawn ah chuan a ding a, a nui ver ver a.
“Engtin nge min zawn chhuah theih zawk a?” tiin kan bulah a rawn thleng phei nghal a. Ka ding vat a, ka khur der der ni berin ka hria, “ah ih nia.. Vawiin hi a ni kha a ni a, englo” ka ti dawn chiah a, ” kan thulh leh daih a lawm…i va kal ami..i kal maw?” a ze ngai reng a la ni, danglamna a neihna chu a cool deuh tih mai loh chu.
“aww ka nau nen kan kal a, titawp turin” ka ti a, za em em in a nui hak hak a, “i van zamlo tak” tiin ka kutah rawn dawm chungin, “ka nu ka pa hei hi a nih hi Hitler-a ram ropui hming putu chu” tiin a nu leh pa lam hawi chuan kan ding dun ta ran a.

” Ka beisei aiin i tha daih mai, Dr.Hruaia kha i lo nei hman ang tih ka hlau ta deuh, tu ka nei mum nel nel dawn em asin” a pa pui roh chuan a rawn ti chhuak phawng mai a. Kan nui ho dar dar a, min ngaihsak vaklo a thu inlengte chuan min chibai ta liam liam a, chhuanlam siamin an haw ta daih a. Kan 5 chuan kan thu thap a, “Mambawih thingpui i lum dawn na nge?” a pa chuan a ti a. Puii chu a tho vat a, choka lamah chuan min luhsan ta nghal a.

” Zozikpuii hi kan fa neihchhun kan duat em em a ni a, Lehkha a thiam thei em em bawk a, kan chhuang ve viau bawk, a duh zawng kan tihsak thin chu ani pawhin hriain kan duh zawngah min hnial ngailo, chuvangin Dr.Hruaia’n a ngaihzawn lai pawhin kan hnial hranlo, amah hian Doctor a zirzo tawh nghe nghe a, Mumbai ah Private Hospital ah a thawk mek a, Hruaia chuan a duh em em a, an inzui nasa ve hman viau. Mizoram ah a awm tlem avangin miin an hre tam lemlo. Chutia inzui ta reng chu inleng kan nei ta ngei mai a, amah a awm bawk silo a, kan zuk rawn a, a lo amen ve mai bawk si a. Tichuan amah tel chuanglo chuan a hun leh ni kan fix ve ta ngawt a. Kan tisual chhiava der a lo ni a. January thla a rawn haw tura kan tih angin a rawn hawng a, a thiante a tlawh kawina lamah nang nen in intawng ta si a,heti hi a lo nita a nih hi, I fa a pai takah chuan kan thulh lo thei talo a ni. Hmingchhiatna hi kan nihna a nih chuan zah reng reng loh tur, kan nihna tak a nih loh phei chuan engahmah ngaih loh tur, Tunah thla a tling ve awrh chauh a ni a, Duh ni ila, kan titla emaw kan zep ral ve daih emaw thei, mahse kan rilru a nuam dawn chuang silo.

Kan hnen a rawn thlen takah chuan a rilru diktak kan hre ta a, kan thu hnial a hreh luat vanga lo amen ve mai a lo ni a, kan lainat ta viau a. Tichuan chhuanlam tur ting kan neih leh takah chuan engkim kan nihna kan puan a lo tul ta a ni. Vawiin nilengin a in khung a, chaw pawh ala eilo hialin ka hria” a pa chuan a ti dap dap a.
Ka ngaisang kher mai.
“a hang ka rawn ti mai, G pawi em” a rawn ti a, a nui var var bawk a, “tunge i thianpa hi” tiin min en ha a.
“Oh Fakmawia a nih hi best friend a nih hi” ka ti a. Kan nui ho dar dar a…. Ka lo hamhaih nasa mai a lo ni a.

” Engpawh nise i duh ve tak tak a nih chuan i chhungte nen sawi ho phawt ula, dan ang thlap in ti thei dik diak lo mah ula in neih vat a tha mai ang” a pa chuan a ti leh a.
“Deuh ngawt chuan an duhlo mai thei a, G-a ( i hming lam a buaithlak mange a ti zat a, kan nui leh rih a) Phd i zir mek em ni?” a nu chuan. lo ti a.
“aw result ka nghak mek a ni?” ka ti a,
“chu zirzawm a duh maithei asin” a nu chuan. ti leh nghal a.
“Aih duhlo, ka zir zawmlo mai ang, inneih chu ka duh…” ka ti ta vut vut a, an ngawi thap a. Puii chu a lo nui dir char char a, chutah ka harh zawk a, “nia.. Ka hrelo le” ka tiliam ta vel mai mai a, an vai chuan an nui ham ham a, ka sen ap ap in ka hria…kan boruak ang hi khawvel pawisa zawng zawng in lei min dil mahse ka phal map lo ang.

§ § § § § § § § §

Ka zing tho chu ka faifuk rat rat a, ka nau chuan rawng a lo bawl malh malh a, ka nutei chuan chhuat a lo phiat fai hlarh hlarh a, ” Naute enge kan hmeh dawn?” ka ti lang lang a, a ngawi reng a, min en duh hauhlo bawk a, “hey beng tulul nu” ka ti chiah a. “I van chhaw chhah tak, nimin khan inneih kha thulh lo tase min tihzah tur zia chu” a lo ti vin hlur a, a hmel chu ka nuih a ti za kher mai… ” khaih an thulh daih kha…” ka ti a…a nui ve ta nge nge a.. A eisiamna bulah chuan ka thu sauh sauh a, Puii nen kan intawn dan chu ka hrilh ta vek a.
“Hmeichhe huaisen tak a ni, Pawisa neilo anga inchhalin ka bula awm a duh vang maiin tikhan lem alo chang lek hi a lo ni a” tiin ka thusawi tihtawp nan Pawisa nei tawhlo anga a insawi chu ka sawi lang a.
“Mam ka chhuang lutuk che, mi tamtak nise an tlanchhe daih ngei ngei ang” tiin min en kar a, ka phone a ri tleng a.. Ka bih vat a.
” Hey, Zing lam chibai, ka ngai lutuk che, vawiin ah lo leng ang che” tih hi a lo ni a, ka nui var var a.
” Ka hmanlo” tih ringawt ka thawn let a, phone call a rawn kal nghal a.
“Hallo”..
“Enge i hmanlohna?”
“Ka mu dawn a”
“I van sual tak, In in ah ka rawn kal mai ang”
“I hre hauhlo ang”
“Ka hria nge hrelo aw”
“Awle”
bib…bib…bib.

A TAWP TA

About Mizo Archive

I'm the one who collect the best writings of Mizos
Aside | This entry was posted in Uncategorized and tagged , , , , . Bookmark the permalink.

4 Responses to Blink (Mizo love Story)

  1. Awmpuia tochhawng says:

    Ngaihnawm ka ti lutuk, amaherawh a tawp dan hi a bul lutuk deuh ka ti ve mai mai.

    Like

  2. Anonymous says:

    Ngaihnawm lutuk, kachhiar tui lutuka, an zinga awmve angmai lawm kanihle!

    Like

  3. Anonymous says:

    A van ngaihnawm turu buru tak em

    Like

  4. zautea says:

    ka chhiar cuak be a,, ka ciar toh ah cuan a la ngaihnom Ber a ni

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s