A NUPUIIN PAWNGSUAL A A PUH Lalramvela’n Chaw La Nghei Reng.

Author:

Lalramvela 43yrs H/o S.Nungo Sihtlangpui khua chuan vawiin Ni 25/1/2016 thleng hian chaw a langhei zel a, vawiin hi Ni 23 chhung chaw a ngheina a ni ta.

Lalramvela te nupa hi Phura khua-ah chengin,fa 2 an nei a,(an nu fa bik 1 leh an nupa fa 1) tunah hian a nupui S.Nungo hi an in leh lo Phura ah chuan an fate nen an khawsa mek a, Lalramvela hi Lunglei Civil Hospital Medicine Ward Bed No-10 ah admit a ni.

Lalramvela sawi dan han ngaithla i la.

“Kum 2000 khan Mizoram Police Lal te pahnih Pu Herman S.Khuma leh Pu Varchungnunga te chuan Lawngtlai Bank rawk tute chhui a, an chanchin zir chiang turin CID ah min dah a, chutianga a ruk deuhva thil ka chhui lai chuan ka thiante Rochhinga Lawngtlai,Tlungchina Sihtlangpui leh Rochhinga thiante pahnih-Aizawl chanmari a mite nen kum 2013 August thla khan Burma ramah Rubber chi hralh in kan kal a, hetia Burma rama kan han kal hian, Lawngtlai Bank rawk tu ni a rinhlelh, a hmaa Mizorama ka lo report tawh te chuan Burma sipaite hnenah ‘he pa hian Mizoramah dawt a min puhin police min mantir a,misual a ni’ tiin min lo report let ve a, tichuan Burma siapite chuan min man a, min tan tir ta a ni.
Burma atang chuan Kum 2015 khan Mizoram ah ka lo let a, ka lo let hian mi thenkhat in thin tih min lo hrilh a, ka rilru a na hle a ni.
Tichuan, Aizawl atangin ka nupui chu sms in ka bia a,ka nupui min chhan let dan chu mak ka tiin ka hrilhhai hle a, Ka nupui lah chuan Police ho hnenah chuan, Lalramvela nen hian Kum 2012 ahkan inthen daih tawh a,kan inthen hnuah min pawngsual a, chu mi hnu-ah a tlan bo daih a ni,” tiin case a lo file zui bawk a,chu mai bakah 10.October 2015 zanah ka duh lo chung min pawngsual leh a ni tiin min hek leh a. Tichuan 11.October 2015 ah Saiha ah Police ten min man ta a ni.

October 10.2015 zanah ka pawngsual loh zia ka sawi chuan, ” Kum 2012 a i pawngsual avangin man i ngai min ti leh tlat. Kum 2012 ah hian ka pawngsual lo, kan nupa kan la awm dun reng. Kum 2013 ah Burma ah Rubber chi supply inkan kal a,tah chuan Burma sipaiin min man ta kha a ni zawk.Rubber chi supply tura kan kal dawnah pawh ka nupui nen chuan hlim takin kan in thlah. Ka thiam thu sawi tur hian sawrkar hian vawi khatmah chance min pe ve lova. Lunglei ah hian tum hnih Court ah min hruai tawh a, Magistrate phei chu ka hmu ve lo va, eng zawhna mah zawh ka ni lo bawk. Hetianga Dawt a puh ka nih avang leh misual ber ang maia mahni thiamthu pawh sawina hun siam sak ka nih loh reng avang hian ka rilru a na hle a. Ni 18.Dec.2015 pawh khan Magistrate hnenah lehkha ka pe a, Ka dikna hlen chhuak tur hian ka bei dawn a, hunger strike ka neih tur thu pawh ka hrilh a,vawiin thleng hian ka chung changah hianeng mah hmalakna a awm lo niin ka hria. Chuvangin,ka dikna hmu chhuak tur hian a tul a nih chuan ka nunna ka hlan ang,rilru ka siam fel vek tawh.” a ti.

Advertisements

About Mizo Archive

I'm the one who collect the best writings of Mizos
Aside | This entry was posted in Uncategorized and tagged , , , , . Bookmark the permalink.

One Response to A NUPUIIN PAWNGSUAL A A PUH Lalramvela’n Chaw La Nghei Reng.

  1. Anonymous says:

    Hminga chhangte

    Liked by 1 person

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s