Weekly Roundup Jan. 31-Feb 6

Author:

31.01.2016(Sunday)
■■ Zíng dar 2 leh dar 3 inkar vel khan Thingdawl thlang KM 1 vela hlaah Lalremtluanga, Kawnpui tripper leh K. Vanlalhruaia (28) C.P. Road Kolasib khalh, Tripper intai palhin K.Vanlalhruaia Tripper hi kawng thlang lamah a tlãn liam a, Hruaia hi a hmunah a boral.

■■ 5:00AM vel khan Pu Lalrammawia, Aizawl Luangmual chu an birthroom-ah chesualin a boral.

■■ Tlai lam dar 4 vel khan Pi Lalhmingchhuangi, Lawngtlai Bazar motor Bolero Camper chu Lower Saikah bulah a
accident a, a hmunah kă pawh chhâwn lovin Bronson K.Lalruatpuia (3), Lawngtlai Bazar veng a boral.

■■ Bru hel păwl nia rinte’na an rùk bo, Taj Uddin chu a rutute’n an rawn chhuah.

■■ Mizoram Baptist Kohhran chuan Phăr Pual Pathianni atán an hmang.

■■ Zân dar 10 bawr vel khan Reiek thlang lawk W. Lungdăr khuaah Rindika (25) s/o Lalchhunga chuan tualchher ulhbun silaiin V.L. Hruaia (35) s/o Lalkailiana chu a kaphlum.

01.02.2016(Monday):

■■ Lunglei khawpui chhúnga lîrthei hrang hrang parking fee chu läk tan a ni.

■■ Champhai Excise & Narcotics Dept. leh Central
Custom Champhai Division-te tangkawp chuan zan dar 8:30 vel khan Zokhawthar Sumo-atangin Rangkachak Kg 5.817 leh a neitu Dalkhankham(40) s/o Tualzado (L) Tahan, Tawngzalat, Myanmar nia insawi an man a,
Rangkachak hi Mandalay atanga an läk niin Aizawl panpui an tum mék laiin Mualkâwi- ah man an ni. Rangkachak hi Rs. Nuai 143 leh Sãng 4 man hu véla chhüt a ni. Tin, he mi zân vék hian Champhai Excise & Narcotics
Department-te chuan, Heroin No. 4 Gram 56 leh a neitu, Lallianvunga(25) s/o Lalthianghlima, Letpanchaung, Myanmar leh Lalpanliani(42), d/o Lalnunmawia (L) Zokhawthar te an man. Heroin an man hlutzăwng hi tualchhung rate-a chhútin chěng Nuai 1 leh Síng 2 man hu vel a ni.

02.02.2016(Tuesday):

■■ Mipuite khawsak phung leh dinhmun te belchiang turin Mizoram Governor Lt.Gen(Rtd.) Nirbhay Sharma chuan Mamit-ah a kal a. Niléngin khawpui chhungah khawtlăng hruaitute leh sawrkar hnathawkte nên inkawmna hun neiin vântlăng hmun pawimawhte a tlawh.

■■ Lalrinmuani (33) Lunglei Salem veng, a bo avanga hun engemaw chen zawn tawh chu Lunglei Falkawn khâm hnuaiah a ruang hmuh a ni.

■■ MZP hruaitute chuan zirlai Scholarship chungchangah Pu JH. Zoremthanga, Secretary Mizoram Scholarship Board an bia a. Pu JH. Zoremthanga chuan Tribal Scholarship chu tûn kar chhung hian sem chhuah theih tura an inpeih hman a rin thu a sawi a, kar leh lam (tûn kâr lo thleng tûrah) hi chuan scholarship hi sem chhuah hman an inrin thu a sawi bawk.

03.02.2016(Wednesday):

■■ Congress Party chuan Mizoram chhung khaw hrang hranga rin tur buhfai February thla quota pekchhuah mek a ni a, mipui tan engmah hlauhthawn tur a awm lo niin a sawi. Food, Civil Supplies & Consumer Affairs Minister Pu John Rotluangliana chuan “Kudamah buhfai chhekkhawl nghek nghuk tha in a hre lova. A that lohna langsar zualte chu buhfai chhekkhawl a nih in sazu tam tak chawm an nih vangin buhfai riral a tam a, mamawh aia tam buhfai chhekkhawl a nih in hnathawkte’n thlemna an do zo lo fo va, eirukna a thlen thei bawk a ni” a ti.

■■ Chhûn dar 12:00 – 1:00 inkar vel khan Muallungthu daiah Karizma Bike leh 407 Truck insuin Bike khalhtu Pu Lalbiakkima(32), (Pi Endawli Falkawn Refferal Hospital-a Staff Nurse thawk lai pasal) hi a lu leh a ke-ah hliam a tuar a, tlai lam dăr 2:10 vël khan a hliam tuar lovin a thi.

■■ Kumin January ni 13 zana misual 3 te kuttuar HS. Lalmuankima (kum 24) Lunglei Ramthar veng chu thawhtanni khan a hliam tuar lova a thih avangin, pawikhawihtu te demna leh na taka hrem an nih theih nan Ramthar veng Joint Action Committee chuan AOC Square atangin kawng an zawh a, DC Office tual a tihtawp an tum chu thuneitu te lam ngenna angin Venglai-a MIZOFED tualah a tawpna hun hman a ni.

■■ Mamit district huam chhunga Lallen khaw daiah mi sualte’n vai sumdawng lambunin an pawisa neih zawng zawng an laksak a, hëng mi sualte hi Lallen YMA-te’n manin police kutah an hlan chhawng leh a ni.

■■ Amity University in Pu C Lalrosanga hnenah Media Excellence Award an hlan a ni.

■■ Lawngtlai khawpui chawmtu tur tuilak hna kalpui mek ah hlawhtling takin tui pump chhin a ni. Greater Lawngtlai Water Supply Scheme hnuai ah hian Chhimtuipui kama Treatment Plan atangin Metre 760 a sang Chawnhu a Litre Nuai 5 dawng tuizem lian ah tui hi hlawhtling taka a pump chhoh a ni

04.02.2016(Thursday):

■■ Mizoram Baptist Kohhran Hmeichhe Pawl (MBKHP) Rorel vawi 66-na chu Feb. 4 khan Mizoram Baptist Kohhran Biak In, Tlabung-ah neih a ni a. Rorel palai 458 kalin Inkhawmpui loh kuma Rorel palai kal that ber a ni. An rorel thu passed langsar zual zingah – Ram tana chawnghei tawngtai te, Mizoram Sorkarin zu zawrh phalna a pek chu sut leh tura ngen te, Kristian Chhungkaw pawimawhna inzirtir te a ni.

■■ MBKHP hi Mizoram pum-ah member 29135 awmin Pastor Bial 80-ah Unit 429 an awm mek a ni.

■■ Khawvel pum huap Cancer natna dona ni WORLD CANCER DAY a ni a, Mizoramah pawh he ni hi hman a ni.

■■ BJP Mizoram Pradesh chuan Mizoram BJP hruaitu 8-te BJP member an nihna atangin a bân a. An ban chhan hi Party duhdan kalha an awm vang niin an sawi.

05.02.2016(Friday):

■■ BJP Mizoram Pradesh, an party President Pu JV Hluna kaihhruai chuan vawiin khan hruaitu thar an ruat an lawmlut a, party inkhawm an nei nghal a ni. Hetihlai hian, BJP atanga ban takte hi vawiin vek khan State Executive Member Pu Lalrokima Lianhna chenna in ah an inhmukhawm a, an chungchang ngaihtuah lai mek a nih avangin media lam hmuh an tum lo.

■■ Tlai dar 2:30 vel khăn Sairâng Zero point bulah Bolero a che sual a, thi leh
hliam na lutuk an awm lo.

■■ Food, Civil Supplies and Consumer affairs Minister Pu John Rotluangliana hova an dept hotute meeting-ah hemi chungchang hi rel a ni a, Food Security Act chu tun thla ni 25 khian hawn a ni anga, March ni 1 atangin a taka hman tan a ni ang.

06.02.2016(Saturday):

■■ Zaithiam Liandailova Chhangte(57), Chaltlang Dawrkawnchu zing lam 4:30 khan cancer natna avangin a boral.

■■ Nikum December ni 2-a Lengpui Airport kawng-a Tlawng Lei (Bailey Bridge) Truck-in a zawh chim chungchang chhuitu Aizawl DC, Dr. Franklin Laltinkhuma chuan, lei chim chhan chu a zawh loh phur chunga zawhtu driver-te vang a ni a ti.

■■ zan dar 1 vel khan Pu H.Lalchungnunga, zawlpui veng Tlabung In chu bungrua engmah chuh hman loh in a kangral vek. In kan chhan hi electric short vang ni a hriat a ni. Pu Lalchungnunga fapa Lalhmingsanga’n hliam a tuar.

Advertisements

About Mizo Archive

I'm the one who collect the best writings of Mizos
Aside | This entry was posted in Weekly roundup and tagged . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s