ISIS HOVIN GOOD FRIDAY-AH CATHOLIC PUITHIAM AN HREN LAI KHENBEH AN TUM

  • Islamic State mi firfiak hovin tun thlatira Yemen a rapthlak taka an rukbo, Catholic Puithiam an hren lai chu Good Friday-ah hian Khenbeh an tum tih thuthang, Franciscan Sisters of Siessen report (unconfirmed) a awm avangin tunah hian khawvel pum Kristian te chu hlauthawng takin an thaw dep dep a ni.

    Father Tom Uzhunnalil hi tun, March 4-a Aden, Yemen-a Missiknaries of Charity te home enkawl lai an beih tum khan rukbo nia rin a ni a, kha inbeihnaah khan firfiak ho hian hmeichhe puithiam (nun) 4 telin mi 16 an that a ni.

    Inbeih zawh hnu khan Uzhunnalil hi an hmu zo ta mai lova, mahse an thenawmte chua firfiak ho hian Puithiam hi car-ah phurin an tlanbopui niin an sawi.

    Social media sites hrang hrang, Twitter leh Facebook lamah te IS ho hian Uzhunnalil hi nasa takin an sawisa mai ni lovin Lal Isua, Kross a khenbeh hriatrengna hun, Good Friday-ah hian khenbeh ve an tum niin a darh nasa hle a ni.

    He thuthang hi confirm la ni chahlo mahse tun Pathianni-a South African-based, Franciscan Sisters of Siessen-in Facebook-a an thu post hian social media lamah he thu hi a ti darh nasa lehzual a ni.

    “Was informed that the Salesian priest, Fr.Tom who was kidnapped by ISIS from the Missionaries of Charity Home in Yemen is being tortured and is going to be crucified on Good Friday,” tiin an ni hian an post a, hemi avang hian Fr. Tom-a tana tawngtaipui turin an ngen a ni.

    Uzhunnalil hi India mi, Kerala lam chhuak a ni a, kum 4 kalta atang khan Yemen-ah hian rawngbawlna alo nei tawh a, Bengalore-a Salesian province thupuangtu chuan he thu-ah hian information engmah an dawnloh thu a sawi.

    About Mizo Archive

    I'm the one who collect the best writings of Mizos
    Aside | This entry was posted in Uncategorized and tagged , , . Bookmark the permalink.

    Leave a Reply

    Fill in your details below or click an icon to log in:

    WordPress.com Logo

    You are commenting using your WordPress.com account. Log Out /  Change )

    Google photo

    You are commenting using your Google account. Log Out /  Change )

    Twitter picture

    You are commenting using your Twitter account. Log Out /  Change )

    Facebook photo

    You are commenting using your Facebook account. Log Out /  Change )

    Connecting to %s