Kan Sorkar leh dawn tih a chiang tawlh tawlh : Lalthanhawla

Author:
  • Congress president Lal Thanhawla chuan inthlanpui a hnai tulh  tulh a, Congress party a sawrkar leh dawn tih a chiang tawlh tawlh niin a sawi.

    29 April Zirtawpni  Congress Bhavan-a political session neihah MPCC president leh chief minister ni bawk Lal Thanhawla chuan, inthlanpui neih leh turah Congress a sawrkar leh dawn avangin tun sawrkar tihmualpho tuma theihtawp chhuah an awm niin a sawi a. “Tute’n emaw Congress manifesto chu an tuipuiin a chhe lai zawngin an chinglet an chinglet  a, chuti chung chuan sawisel tur tak tak an la hmu chuang lo a, min lepse  zin tawh nen a rimchhe lai hnim tur an la hmu lo,” a ti.

    An party manifesto buaipuinaah Congress party aiawh an tel ve thin thu leh, manifesto tihhlawhtlin dan leh tihlawhtling tura hma an lak dan an sawi zawng zawngte an tarlan that sak leh duh thin loh avangin an tel duh ta lo niin MPCC president hian a sawi. “Congress sawrkar hian kan manifesto tihlawhtling  turin theihtawp a chhuah a, thalaite  khawvel thar kan siam ang kan tihte pawh theihtawp chhuahin kan ti chho a ni,” a ti.

    NLUP hun a tawp titih  tawh avangin central atanga sum tam tak hmuh beisei tur a awm tawh lo niin chief minister hian a sawi a. Finance minister hoin hmalakna thar tur ‘New Economic Development Policy’ duan a nih thu te, NLUP anga sem hum hum tur ni lovin he policy hian mipuiin NLUP avanga an thil thar chhuah leh siam chhuah te tha zawk leh hlawk zawka sum leh paia an chantirna tur duan a nih thu a sawi.

    Japan mithiam te nen Mizoram sawrkar chu thawhho an tum thu chief minister hian a sawi a. Nagasaki-a an university mithiam te chuan Mizo thalai te tawng leh thil dang pawimawh zirtir turin Aizawl an rawn chamchilh ang a, thla thum vel training an neih hnu ah Japan rama hna thawk turin an tir dawn tih a sawi. Mizoram University-a Japan tawng zirtir theih dan tur te pawh sawiho a ni, a ti.

    Japan ramah sawhthing an ngaisangin an ngaipawimawh hle niin Japan mithiam te hian an sawi a. Mizoram-a sawhthing thar te engtin nge insumdawn tawn nan an hman theih ang tih te, food processing lama hma lak dun theih dan tur te, health care lama hma lak ho theihna tur te pawh an sawiho niin Lal Thanhawla hian a sawi bawk.

    About Mizo Archive

    I'm the one who collect the best writings of Mizos
    This entry was posted in Zoram Politic and tagged , , . Bookmark the permalink.

    Leave a Reply

    Fill in your details below or click an icon to log in:

    WordPress.com Logo

    You are commenting using your WordPress.com account. Log Out /  Change )

    Google photo

    You are commenting using your Google account. Log Out /  Change )

    Twitter picture

    You are commenting using your Twitter account. Log Out /  Change )

    Facebook photo

    You are commenting using your Facebook account. Log Out /  Change )

    Connecting to %s