Congress Hotupain a Policy kallai mek a sawi chhia : Zoramthanga

Author:
  • MNF President Pu Zoramthanga chuan 29 April Inrinni zing khan Phainuam Community Hall-ah Public Meeting a nei a. NLUP chu a Policy siamtu leh hotu pa berin a tuipui tawh loh thu a lo sawi tawh a. Tunah ‘New Economics Development Policy’ an siam a, chu chu NLUP anga sum sem ve hum hum tur a ni lo, tih a sawi hi mahni policy kalpui mek hnualsuatna a ni a. Hotupa ber hi a thil tumah a chiang chiah thin lo a ni,” a ti. Pu Zoramthanga chuan khaw 31 a Village Council inthlan lo awm turah MNF candidate te thlangtling vek turin kalkhawm mipuite a chah a. “Congress sorkar-in an duh duh khawtlang roreltua dah an duh avangin VC inthlan an buatsaih duh lawk lova, HPC(D) te’n inthlan tih buai an tum tawh loh thu an sawi chungin, Sorkarin inthlan an buatsaih duh lo va. Congress Unit kutah khawtlang inrelbawlna rei tak a dah lui reng chu democracy lungphum palzutna  a tling a ni,” a ti.

    Mizoram hmar lam chu rambuai (Disturb Area)-ah Congress sorkar chuan dah a, central atanga sum châwkluhna  remchangah hman an lo tum tawh thu; MNF President hian a sawi a. “Sipai thuneihna hnuaia kun  tir cheu an tum a, chu chu keini’n a rapthlak lutuk, tiin, theih tawpin kan nawr a. Rambuaiah an puang lo chauh che u a ni, chuvangin Mizoram hmar lam bial mipui te tan Congress hi thlan chi a ni lo,” a ti. MNF President chuan, “Vai ho tel lova kan intodelh theih dan tur hi MNF chuan a ngai pawimawh ber a. Chaw-a Mizoram kan intodelh theih nan Leilet-a siam theih; ram zau tak laih zau hna kan thawk leh dawn a, kuthnathawktutetan cheng nuai 3 aia tlem lo sorkarin tanpuina sum leh pai a pe dawn a. Heng sum te hi NLUP sum anga ‘kal pah sem’ vel mai mai tur a ni ve lo. Kut hnathawktute puihna, an hlawhtlin ngeina tura ‘financial support’ a ni dawn,” a ti.Mizoram development kalpui turin Item thenkhatah insawrbing a tum thu, MNF President hian a sawi a. “Pu berin ama Policy ngei pawh ka tuipui tawh lo a ti te, an term kallai mek a kum 8 na ah, ‘New Economics Development Policy’ kan duang thar’ a tih te hi inbumna a ni. India ram state hrang hrangte tana sum pe chhuaktu leh thuneitu sang, Cabinet Committee on Economics Affairs-in State Plan Fund atanga NLUP sum tur chheh hran phalna, ‘Bang chhak sat thla a, bang thlanga bel phalna’ ang kha; an phalsak dawn tawh lo tih an inhriatchian vangin, ‘New Economics Development Policy kan siam’ an ti ta ringawt a ni,” a ti.

    Phainuam khuaah hian Mihring, Voters 700 vel an khawsa a, mi 200 chuangin Inrinni zinga MNF President Pu Zoramthanga thusawi hi an ngaithla a. President hian MNF ah mi thar 26 a lawmlut a, Zirtawpni khan Vairengte Community Hall ah mithar 325 a lo lawm tawh bawk a ni. Phainuam Public Meeting hi Pu H Lalthianghlima,MNF Group President, Phainuamin a kaihruai a ni.

    About Mizo Archive

    I'm the one who collect the best writings of Mizos
    This entry was posted in Zoram Politic and tagged , , . Bookmark the permalink.

    Leave a Reply

    Fill in your details below or click an icon to log in:

    WordPress.com Logo

    You are commenting using your WordPress.com account. Log Out /  Change )

    Google photo

    You are commenting using your Google account. Log Out /  Change )

    Twitter picture

    You are commenting using your Twitter account. Log Out /  Change )

    Facebook photo

    You are commenting using your Facebook account. Log Out /  Change )

    Connecting to %s