AIZAWL LEH LUNGLEI ‘MIZO HNAM RÛN’ AH LAWMLUH RUNPUI A THLENG : Press Realese : Mnf

May 9, 2016 (Thawhtanni) hian MNF President Pu Zoramthanga chuan Mizo Hnam Run Aizawl ah ZNP General Hqrs. Secretary, Stephen Lalremruata, State Orgainiser Pu Chalhmingliana leh an thawhpui mi 8 bakah, Congress party Worker mi 6 MNF ah a lawmlut. Hetih hun lai vek hian Lunglei Mizo Hnam Runah pawh MNF Sr. Vice President, Pu Tawnluia chuan ZNP Sub. Hqrs, Lunglei Vice President, Pu R. Lalramzauva leh an Secretary rual mi engemaw zat MNF ah a lawmlut bawk.

MNF President Pu Zoramthanga chuan Congress leh MNF chu kum 2018-a inel leh tur ber a nih thu sawiin, “Congress Party dinhmun en chian hian a lungchhiat thlak a, Ram pum 2014 MP (LS) inthlanah India mipui te’n thal țhruai khawpin an paih a. State inthlan apiangah pathumna an hauh pha emaw a ni chauh tawh, an Headquarters Delhi atangin an mawih siai siai a ni,” a ti. Mizoram State Capital, Aizawl Municipal Corporation inthlanah Congress chuan MPC an thawhpui chungin MNF mal din chu an hneh lo a, Kum 2018-ah Congress thlang nawn duh tur khawpin Mizo mipuite an ât loh thu leh, Zoram malsawmna thuthlung hailut turin MNF-in Sorkarna a siam ngei a ngaih thu a sawi.

Pu Zoramthanga chuan, “MNF-in Economic Policy leh Vision felfai tak kan nei sa a. Chaw-a intodelhna tur leh Rua leh Rubber te pawh a chhinna tur bik, ‘Compact Area’ neiin lei chung hausakna kan haichhuak dawn a. Kan tih tur leh hmalakna tur bakah, kan sorkar laia hmachhawp awmte chhunzawm turin a chhiarkawp nen kan chhut vek tawh. Delhi Buhzêm tel lo vin, Zoram Buhzêm hmanga intodelh kan tum,” a ti bawk.

MNF Sr. Vice President Pu Tawnluia chuan Lunglei MNF Office-ah ZNP Sub. Hqrs.hruaitu rual; an Vice President Pu R. Lalramzauva hovin mi 114 a lawmlut a. Pu Tawnluia chuan tunhnaia Chief Minister Pu Lal Thanhawla’n ‘NLUP a hlawhtling lo, titute hian zalenna an sual hlawhtling bik em? tia a sawi chhângin, “Hnam pasaltha tam takin an nunna hlu tak an hlan a, chutih laia hnam hruaitu intiin hetiang thu an sawi leh thin hi a pawi takzet a. Kan hnamin chhantu, hmangaihtu tak tak a mamawhzia a tilang chiang hle. Thih huama ram tana beitute ‘inbe rawh u, remna kan neih theih nan chuan ka lalthutthleng engtik lai pawhin ka kian thei’ tia inzuar te hian remna a duh lo thar ta em ni,” a ti.

“Zoram mipui kohhran leh Tlawmngai pawl, Political Party zawng zawngin inremna a awm theih nan lo haw turin min ngen a, mipui ngenna avangin remna hlu tak hi kan nei. Hetianga a diriam zawnga Pu Lal Thanhawla a tawng fo mai hi remna duhtu Kohhran leh NGO te tham lohna anih bakah zah lohna a tling takzet a ni,” Pu Tawnluia chuan a ti bawk.

Lunglei ZNP Sub. Hqrs. atang hian an Vice President Pu R. lalramzauva bakah Pu Saihmingthanga Secretary, Pu T. Laltholeha Secretary, Pu Malsawmkima Jt Secy, Pi Lalduhkimi Nursing Superintendent, Faith Hospital Lunglei bakah, Lunglei, Pangzawl, Thuampui, Buarpui, Serte, Lungdai, Bunghmun leh Hauruang atang tein Congress leh ZNP an vaiin 114 a lawmlut a ni.

Aizawl Mizo Hnam Run inkhawm hi Pu D. Thangliana MNF National Core Committee Memberin a kaihruai a. Lunglei Mizo Hnam Run inkhawm hi Pu KT. Nghawra MNF Treasurer, Sub. Hqrs. Lunglei in a kaihruai.

Advertisements

About Mizo Archive

I'm the one who collect the best writings of Mizos
Aside | This entry was posted in Uncategorized and tagged , , . Bookmark the permalink.

2 Responses to AIZAWL LEH LUNGLEI ‘MIZO HNAM RÛN’ AH LAWMLUH RUNPUI A THLENG : Press Realese : Mnf

  1. Lta. Hmar says:

    Ralvengtu tun hi eng hun nge ni tawh zing ani dawn ta e. Zan pawh ? Ni a chhuak dawn ta kawl a eng ta e.

    Like

  2. Lta. Hmar says:

    PATHIAN leh kan ram tan ti tu zawng zawng te LALPA tihna leh kristian nun takin ikal zel ang aw

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s