Advertisement tichhuak loa PHE department-a civil engineer post khat hnawhkhah tum chu High Court-a khin a nih hnu ah post hnawhkhah hi sut a, advertisement kaltlanga la tha leh tura tih niin thu dawn a ni.
Mizoram Civil Engineers’ Association (MCEA) chuan civil engineer graduate-te tana sawrkar hna lak khat tawh tak karah Mizoram Public Service Commission (MPSC) in civil engineering post (junior grade) 4, Public Health Engineering Department-a thawk tur advertisement hmanga a la chu lawmawm an tih hle laiin, kum 2015 tir lama post ngai leh department ngai tan bawk post 3 lak phalna sawrkarin a pe leh a, MPSC-in advertisement-ah post 2 chauh dil theih tura a tlangzarh ta niin an sawi. Post khat dang hi dan dikloa hnawhkhah a ni an ti.
He thil hi MCEA chuan MPSC hotute pawh an sawipui tawh thin a ni tiin, awmzia a awm loh avangin High Court-ah an zualko a. High Court hian May 4, 2016 khan an thu thlen hi chinfelsakin sut leh a, advertisement kaltlanga la leh turin a ti niin an sawi.
High Court rorel ang ngei hian PHE Department hnuaia AE/SDO post pakhat a ruka hnawhkhah hi sut leh a, dik leh fel taka advertisement pawh chhuah thuai turin MCEA chuan MPSC a phut thu an sawi. Nikum lama post hnih exam result pawh tichhuak thuai turin MPSC an ngen tih an sawi bawk.
Courtesy : Aizawl post
Mizo Archive 