PHILIPPINES PRESIDENT THAR-IN MI TIHHLUM THEIHNA DAN TIHNUN LEH A NIH TUR THU A SAWI

  • Philippines president thar
  • mi tihhlum theihna dan

Philippines President thar tur, Rodrigo Duterte-an kum 2006-a lo hlih tawh, mi tihhlum theihna dan chu tihnun leh a nih tur thu a sawi a, inthlan result puan a nih hnua thuthar la khawmtute a kawmna hmasa berah he thu hi nimin khan a sawi a, ram mipuiin dan leh sawrkar thupek chu an pawisak theih nankhauh taka dan ken kawh a nih tur thu leh, buaina a thlen loh nan dan zawm ngei tura mipuite pawh phut an nih tur thu te, ruihhlo dona-ah sawrkarin tan a lak zual tur thu leh, dan bawhchhiate chu hremhmunah thawn zel an nih tur thute leh, President Gloria Arroyo-i hun laia lo sut tawh, mi tihhlum theihna dan pawh tihnun leh a nih tur thu a sawi a ni.

Kum 71 mi, Duterte hian mi tihhlum theihna dan hi tun hma zawng aia huam zauhtir a duh thu pawh a sawi a, ruihhlo-a sumdawngte leh thubuai nei-te bakah pawngsual, tualthah leh mi rawk chingte pawh tihhlum theihna dan siam a duh thu a sawi bawk.

Duterte hi June ni 30 khian President atan lak luh a ni dawn a, thuthar la khawmtute a kawmnaah hian sawrkar thupek leh dan lova thil tite chu en liam mai an nih loh tur thu te, thil sual tih avanga tlanchhiate pawh kah hlum an nih theih nan sipaite pawh thuneihna pek a, a tul chuan silai kah thiam bik rawih an nih tur thu a sawi bawk.

Duterte hian naupang, mahni-a pawn chhuak lo tura tihte pawh man nawn a nih chuan tan inah khung an nih tur thu a sawi a, Muslim firfiak pawl, Abu Sayyaf ho pawh ram sum dinhmun leh ram hmel tichhetu an nih avangin, an pawi khawih an bansan loh chuan chuan an thil hmachhawn tur chu a nep lo hle dawn niin a sawi.

Duterte hian kum 20 chuang Davao Mayor a nih chhungin hel pawla tel thinte leh police-te bakah ralthuam hmang thiam bik awmna pawl dinin, dan lova thil ti nia a hriat mi 1,000 chuang a tihlum hman nia hriat a ni a, hei vang hian tun hmaa khawpui tawp leh pawi khawih tamna hmun, Davao hi ram puma hmun thianghlim leh zalen ber-ah a siam tawh a, he khuaa a rorel dan hi mipuiin an duh avangin President atan pawh thlan nia ngaih a ni.

About Mizo Archive

I'm the one who collect the best writings of Mizos
Aside | This entry was posted in Uncategorized and tagged , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s