INDIA RALTHUAM DAHKHAWMNA LIANBER-AH KANGMEI CHHUAK, SIPAI 17 THI

India ralthuam dahna lian ber.

Kangmei chhuak ah sipai thi

Nizan (tukin zinglam) dar 1:30 leh dar 2:00 inkar vel kham Pulgaon bul Wardha, Maharastra-a Central Ammunition Depot (CAD)-ah kangmei nasa tak a chhuak a, officer 2 telin sipai 17 in nunna an chan a, CAD Pulgaon hi Idia ram ralthuam dahkhawmna (ammunition depot) lianber a ni.

He kangmei chhuakah hian officer 2 leh Defence Security Corps (DSC) sipai 15 in nunna an chan tih Army lam chuan an confirm a, DSC sipai dang 17 in hlia an tuar bawk.

Kangmei chhuah chhan hi hriat ala nilo a, reports atang chuan kangmei hi tukin zing hmalam dar 1:30-2:00 bawr vel khan thil engemaw puah hnu-a chhuak ni a tarlan a ni.

Reports dangah thung chuan he thilpuak hi in (shed) atanga kangmei chhuakin ralthuam dahna (a.munition dump) a kankai hnu a puak niin tarlan a ni bawk.

Kangmei hi thelhmih a ni tawh a, fimkhur thilah a bul khuaa chengte chu thiarchhuah vek an ni a, Pulgaon hi Nagpur atanga 110 kms vel a hla a awm a ni.

Hliam tuar te hi Pulgaon atanga 40 kms a hla, Wardha hospital-ah hruai nghal an ni.Sipai lam thuneitu lu chuan he chhiatna thleng hi chhuichiang nghal turin thu a pe a; Defence minister Manohar Parrikar leh Army Chief Dalbir Singh Suhag te chuan vawiin chawhnu lam hian Pulgaon hi an tlawh nghal ang.

Prime Minister Narendra Modi chuan, “Central Ammunition Depot, Pulgaon, Maharastra-a kangmei chhuak avanga nunna chante ka tawrhpui a, lusun chhungte pawh ka tawrhpui takzet a ni. Hliamtuarte pawh an thatchhuah leh vat theuhnan ka tawngtaipui a, RM Manohar Parrikar pawh chhiatna thlenna hmun tlawh tur leh thilawmdan a tul anga en turin ka ngen a ni,” tiin he thil thlenga nunna chante a tawrhpui thu a sawi.

Maharashtra CM Devendra Fadnavis chuan, “Thilthleng lungchhiatthla tak a ni. Nunna leh bungrua nasa tak kan chan a, district officials te hnenah tanpuina awm thei ang ang ti turin kan hriattir tawh a ni,” a ti a, kangmei chu thelhmih fel a nih tawh thu a sawi bawk.

About Mizo Archive

I'm the one who collect the best writings of Mizos
Aside | This entry was posted in Uncategorized and tagged , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s