LAWNGTLAI DISTRICT HOSPITAL-A NAU CHUNGA THIHNA CHUNGCHANG INQUIRY REPORT THEHLUT TAWH

  • Lawngtlai civil hospital a thihna
  • raicheh a thi chungchang chhui zo

: Lawngtlai College veng nu pakhat, Lalhmunliani Lawngtlai District Hospitala tun thla ni 1 a nau chunga a thih chungchangah Mizoram sorkar thuchhuak anga Magisterial Inquiry din Lawngtlai DC Dr A Muthamma chuan Mizoram sorkarah report a thehlut tawh a, Inquiry report hi zir chiangin Health Department chuan a tul angin hma a la dawn a ni.

He Inquiry Report hi tlangzarh a la ni rih lova, sorkarin a zirchian hunah leh thutlukna a siam hunah mipui vantlang tan hriat theih a ni chauh dawn niin Health Secretary Pu Lalrinliana Fanai chuan a sawi.

Tarlan thin tawh angin Pu Lalhmunliani hian nau nei turin April ni 30 khan Lawngtlai District Hospital hi a pan a, Damdawiina thawk ten an lo en hnuah nau a la nei hnai lo tih hrilhin an haw tir a, a pumna a reh theihloh avangin Damdawiin dangah a kala, chutah chuan hmanrua an neih that loh avangin District hospital bawk pan turin thurawn an pe a, Lawngtlai District Hospital a pan leh chaun nau a vei tawha, damdawiinah hian a nei zuia, a nau hrin chu thiin a hring a, hemi hnu hian a thiput vangin Pi Lalhmunliani hi a boral zui ve leh ta niin a chhungte chaun an sawi.

Damdawiin lam thawktu ten an enkawlna that loh vanga vanduaina hi thleng ta a ngaiin a pasal, Lallianmawia chaun Lawngtlai Police Station-ah FIR a thehlut a, hei hi Police ten an bawhzui bakah Mizoram sorkar chuan he thilah hian thil thlen dan dik tak chhui chhuak turin Magisterial inguiry a dina, a chhui turin Lawngtlai DC a ruat a, chawlhkar khat chhunga report thehlut turin a ti a, DC chuan tun thla ni 24 khan a report hi Health Secretary PuLalrinliana Fanai hnenah a thehlut ta a ni.

About Mizo Archive

I'm the one who collect the best writings of Mizos
Aside | This entry was posted in Zoram Crimes and Accidents and tagged , , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s