ZNP POLICY ‘MADE IN MIZORAM’ Press Release : Znp

znp in mithar lawmlut .
znp in Bairabi rel leh ilp an thlir reng.
znp in bawnghnute hralhna awmlo an ngaimawh.

ZNP President Lalduhawma chuan, “ZNP Policy ‘Made in Mizoram’ tih hi Zoram hriatah kan puangthar leh a ni”a ti a, “Chumi tihlawhtling tur chuan policy FOSEP (Family Oriented Sustainable Economic Policy) kan nei a. Kan per-capital income tipung tura kan ram chhunga Industry dintute a pung awm lo a, NLUP sum atanga pawisa puktir anni pawh hi kan lawmpui a. Hei hi ZNP policy tihhlawhtlinna zel a ni a, hetiangmi tihpun zel hi kan policy a ni” a ti. He thu hi ZNP mithar lawmluh inkhawm party Office-a neihah vawiin hian a sawi a ni.

ZNP President chuan, “Thalai lehkhathiam mahnia eizawn tumte tan sorkar quarantor-a a tan theih lohna dan,”The Mizoram Ceiling on Government Garantees Act 2011 Sec 4(2) chu ennawna siamthat a nih tur thu ZNP President chuan a sawi a. “Kan fate indang tur puih theihloh tih hi thil dik a ni thei lo. Keimahni mite ngei tanpui duh si lo sorkar kan hrawn mek a. Chutih laiin vai sumdawng company ISPAT-ah sorkar chu Quarantor-ah a tang thung si. Hmuhphiah chingtute hnen atangin chhiah a la duh a, Grape leh Wine siamtute hnen atangin chhiah ala duh, fate tana quarantor-a tang thei lo, vai sumdawng tana quarantor-a tang thei thung si. Hetiang sorkar hi kan hrawn mek chu a ni” a ti bawk.

Passenger phur Rel Bairabi thleng a service tur chungchangah ZNP President Lalduhawma chuan, “Hlauhthawnna nen he hmasawnna lo thleng mek hi ZNP chuan kan hmachhawn a, ILP hi Mizoram sorkar hian engtiangin nge kalpui a tum tih hi mipuite hriatah puangzar turin kan ngen a, ruahmanna an lo nei lo anih pawhin siam nghal turin ka ngen a ni” a ti.

Champhai leh a chhehvela bawngvulhtu chhungkaw engemawzat harsatna tawh mek chungchangah Lalduhawma chuan, “Champhai leh a chhehvelah hian Bawngvulhtu chhungkua thahnem tak an awm a, Champhai Dist. Milk Producers’ Co-operative Union indinin nitin Bawnghnute 800 Lit. an tharchhuak thin a, nikum December thla atang khan Bawnghnute man hi sorkar hian a bat sak a. Bawnghnute man a batsak tling khawm hi Nuai 40 vel a tling tawh a ni” a ti a. “Chu mai nilovin May 25, 2016 atangin Bawnghnute lei an ti tawp leh a, Bawngvulhtute lungawi lo khan khawlaiah an bawnghnute an leih baw nghe nghe a ni” tiin, “Vawk hrilengin Champhai leh a chhehvel a tuam mek laia Bawngvulhtute’n harsatna an tawk leh zel hi ZNP chuan kan tawrhpui tak zet zet a, an harsatna chingfel thuai turinsorkar kan phut a ni” a ti bawk.

Lalduhawma chuan, “Beidawn a la hun lo a ni” tiin, “Kum 30 kalta chhung khan kan ram hi mi pahnih chauhin an la enkawl a, heng mi pahnihte aia chak hi kan ram hian a mamawh a. Rorel leh zel tlak anni lo tih hi anmahni pawh hian aninhriat a hun tawh a ni” a ti a. ZNP zawmthar, Lalchharliana BA (Bethlehem Vengthlang)leh Vanlalthakima BA (Bairabi) leh an thiante lawmluh inkhawmah hian ZNP President chuan “Kan rin phak piah lamah, kan beisei loh lamah malsawmna kan dawng mek a, tun laiah Thawhtanni a pianga mithar lawmlut thei awm chhun party kan ni” a ti a.

ZNP mithar lawmluh inkhawm hi P.B.Lalsawmliana, Gen. Secretary chuan a kaihruai a ni.

About Mizo Archive

I'm the one who collect the best writings of Mizos
Aside | This entry was posted in Uncategorized and tagged , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s