MSU-IN TUICHAWNGCHHUAH TLAWH; AN CHHUAHSAN LOH CHUAN KHUA HALAH VAU

May ni 31, 2016 khan dan lova Mizorama Chakmain khua an din chungchanga MSU hmalakna kal zelah, MSU hruaitute chuan Tuichawngchhuahan tlawh a, heta kalte hi MSU Regional Headquarters, Lunglei ațangin mi 9; MSU Headquarters, Tlabung ațangin mi 5 leh MSU Sub-Headquarters, Lungsen ațangin mi 1 an ni.

MSU hruaitute hi dan lova khaw din Tuichawngchhuaha chengte chhuahtir tura kal an ni a, nimahsela, Tlabung SDPO hova police an lo awm avangin engmah tih theih an nei ta lo. February ni 25, 2016-a Tuichawngchhuah PS a kan ațang khan sawrkarin vengtu MAP a la dah reng a ni. MSU hruaitute hian, Tuichawngchhuah mipuite hnenah sipaiin an ven loh hun hunah an khua hi hal an tum thu an hrilh.

Tuichawngchhuah hi dan lova khaw din nia hriat a nih avangin November ni 21, 2015 khan MSU hruaitute’n a hmunah an enfiah a, dan lova din ngei a nih avangin December ni 1, 2015 khan a hmunah tlawh lehin December thla chhung ngeia chhuahsan turin an hriattir a. An chhuahsan mai loh avangin February ni 25, 2016 khan a hmunah tlawh lehin in sak thar an țhiahtir nghe nghe. Hemi țum hian Primary School kang avangin MSU hruaitu mi 8-in man an tawk a ni.

Tuichawngchhuah hi Belpei V/C ram chhunga awm a ni a, kum 2014-a LAD-in Lunglei district-a sub-village a tihchhuah 23 zingah a tel lo va. Kum 2011 chhiarpuia a landanin, chhungkaw 44 awmin, mipa 115 leh hmeichhia 96 an cheng a; tunah hian an pung fe tawhin a rinawm.

Advertisements
Aside | This entry was posted in Uncategorized and tagged , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s