I SIM DAWN ALAWM!

Author: Toni Ralte

I khur a, i thak neuh neuh a, i mit i khap sek sek a. I dang lah a ro hul mai bawk. I lu a rit bûr a. I chechang peih thlawt lo, chutihrualin uite vawihkhum ang maiin i phî sek bawk a! i awmdan chu i hne ngawih ngawih a. I taksa leh tihrawl za chuai chuai chu tireh turin kawng khat i nei a, ni e, RUIHHLO I MAMAWH A NIH KHA!

Rilru fim kûr siin i nu phút lawi a! I thisen fanchhuak turin Ruihhlo chu vawikhat lek han ti nila, i dam hmak ang. Mahse, i ti dawn lo. A chhan chu nang tluka ruihhlo bawiha tan leh hlau i mihringpuite theihna leh chakna angkha i nei ve a. An paltlang thei a nih chuan, i paltlang ve thei tih beiseina i nei tlat a lawm. Ruihhloin i taksa a rûn chhiat tawh zia te, i nih tur ang ni pha lova a hnuh hniam tawh zia che te, i chhungkua leh nangmah hmangaihtute hremhmun i tem lawk tir tawh zia te i hria a. Tluk nawn leh chu thih hlauhin i hlau tawh a. Kha bak baka beiseina leh tumruhna??

Zan mutthilh theih loh piahlamah, maimizial leh ramhuaiin i thlan chhia an luantir thin te, hlauhna hmanga beih i ni thin te, khawharna namen lo leh engkim hne leh ninna,chauh leh zawi ngawih ngawihna ten an buan thin lai che khan..hei hi ngaihtuah la ka va duh emm.

” Ka la nung țék țêk a, ka chakna vawrtawp hmanga ka hmachhawn a nih phawt chuan, chunglam khian ka tumna leh chakna beitham tak te chu mal a sawmem em ang” tih hi.

I pianthar vanga sim tum i nih loh chuan, țawngțai ngawt mai te kha i tan thil awlsam a ni lo. Mahse,i sim duhna thinlung ngenngawl tak kan Pathian ngeng a chhun dawn tih hi pawm tlat rawh. I chakna leh theihna te hmangzo tawh anga i inhriat hunah, nangmah kaltlangin a rawn che mai ang. Engkimtithei anih vang ngawtin Ruihhlo tihi chakna te kha a tihbo sak ngawt dawn lo che a. I châkna khan a la buan fô dawn che. Chumi vang erawh chuan, i tluin i tlawm ta tihna a nilo. Fiahna anih kha. Vawi 2 i hneh hnuah chuan paltlang a harsa tawh lovang.

Kir leh châkna rilru i put apiangin, angai anga nun hman leh hrehawm leh hneawm zia ngaihtuah lui tlat la,beiseina nung reng chu i thinlungah bu khuar tir ang che. I ţhian hluite chu haw chuang lovin hlat tum la. Lehkhabu chhiarin, ruihhlo i tih laia i tuipui thilte kha harhfim kâka tuipui han tum teh. I ipik changin i chhungril nun chu ziak chhuak la, a tawpna erawh ” Ka bei zel ang” tih thu hmangin khar thin ang che.

Hunawl insiam lo la,i theih tawk chin tal hna thawh tum rawh. Ruihhlo i tih laia hmusit taka diriamtu che ho laka phuba lak nan suangtuahna hmangin boruakah insang sa la. I ngaihtuahna chu i ke in penpui che rawh se. I paltlang hnuah erawh phuba lak leh chuan a ngai tawh lo tih i hria ang.

Ruihhlo tih chakna i neih tawh loh hunah emaw, chaw eitui leh tui taka i mutthilh theih vang te khan hnehna i chang emaw ti ngai suh.
FIAH NGAIA MITEN AN NGAIHLOH HUN CHE LEH RUIHHLO BÂWIHA TÂNG TE CHHANCHHUAH HNA I THAWH HUNAH CHAUH” KA HNEH TA” I TI ZAWK DAWN NIA.

Advertisements

About Mizo Archive

I'm the one who collect the best writings of Mizos
Aside | This entry was posted in Uncategorized and tagged , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s