Boxing miropui Mohamed Ali a boral

Author: Repost

😢Kuttum hmang thiam hmingthang, țum thum ngawt World Heavyweight Boxing champion ni thei Mohammad Ali chu kum 74 mi niin a thi ta.

Pu Ali-a hi kum 1970 chho ațangin thazâm lamah harsatna eng emaw a nei țan a. Kum 1984 khan Parkinson disease a nei tih hriat chhuah a ni a. Kum 30 chuang zet he natna nen an inbeih hnuah June 2, 2016 khan damdawi inah thâwk lama a harsatna a zual avangin admit a ni a. Tukin June 4, 2016 zing lam khan Phoenix, Arizona ah thih thu hi nemngheh a ni.
An khua Louisville, Kentucky, USA ah
June 8 ah vui liam a ni ang.

A lâiah hming Cassius Marcellus Clay, Pu Ali-a hi Pawlkut Thla ni 17, 1942 khan Louisville, Kentucky, USA ah alo piang a. Ni khat chu, mipa naupang harh leh lu zo tak Cassius Clay-a chu a pain a leisak thirsakawr, a lawm em em chu miin an lo ruk bo sak daih mai a. A thirsakawr hmu lêt leh tura beih saktu Police Officer chuan Boxing zir a, amah leh a thil neihte venhim tum turin thurawn a pe a. Chu thurawn chu a zawm țha hle mai. Kum 12 mi lek a nihin an khuaa Boxing Ring ah nunchan zir țanin. A chem kalna lam tak alo ni bawk nen a kuttum hmangin kum zabi 20-na chhunga Boxer Ropui ber leh Infiammi Ropui bera thlan a ni ta hial a ni.

Muhammad Ali, (right) in Alex Mitoff a attack @ sixth round. Argentinean hi a knockout, Oct. 7, 1961 in Louisville,

Kum 1960 Rome Olympics khan USA Boxing team ah telinLight-heavyweight category ah gold a la a. Professional huangah zuang lutin kum 1964 khan kum 22 mi lek niin Sonny Liston hnehin a World Title hmasa ber a la a. Khawvela category hrang pathum a World Heavyweight title la thei hmasa ber a ni.

“The Greatest” tia an koh mai țhin Ali-a hian arpa chhaia a inhnek puite a chhai vel țhin te, a taksa che vel, a kechheh leh kuttum vai rang em em mai te hmangin mipui a chawk hlim thei hle a. Mihangte dikna leh chanvo sualtu hmingthang tak ‘Malcolm X’ hnathawhin a thinlung a hneh vang leh amah ngei pawhin mihang a nih avanga hmuhsitna a tawrh avangin Mingote sakhua nia a hriat~ a Kristian nihna bansanin Islam sakhua a zawm a, a hming pawh Muhammad Ali tiin kum 1964 khan a thlak a ni.

conference in Chicago on Sept. 25, 1970.

USA khua leh tui te’n an tih ngei țhin US Army zawm tura kohna chu sakhuana thil avangin kum 1967 khan a zawm duh lo va. Vietnam War lai alo ni bawk nen sawisel pawh a hlawh hle a. A thu awih loh vang hian kum 1967 khan a heavyweight title kawl lai chu chhuhsak a nih mai bakah$10,000 chawitir niin kum 5 chhung Lung In tang tura thiam loh chantir a ni a. Jail bang te a’n zut ve hruah hruah hnu kum 1971 khan U.S. Supreme Court chuan a tan hun a tih tawp sak leh ta a ni.

Muhammad Ali chu suffered Joe Walcott an a dang, Sonny Liston chu first round ah a knock out @ Lewiston, Maine on May 25, 1965.

Sports Illustrated magazine in “Sportsman of the Century” a a thlan leh BBC in “Sports Personality of the Century” a a puan, Pu Ali-a hian amateur fights țum 108 zet a hmachhawn ațanga țum 100 teh meuh hnehna a chan hnuah kum 1960 Rome khawpuia Summer Olympics ah khan gold medal a la a. He a Olympic medal lak hi Louisville khuaa Soda Fointain restaurant nghaktunuin mihang a nih avanga ei leh in a pek duh loh avang leh an hmuhsitna chu na a tih em avangin Ohio luiah a paih daih nghe nghe a ni. Kum 22 mi lek a niha heavyweight title Kâwnghren hrêng thei Pu Ali-a hian professional fight 61a hmachhawn ațanga țum 56 hnehna a chan hnuah kum 1981 khan a boxing glove a khai hil ve ta a ni.

Muhammad Ali chu Trevor Berbick an a hnek , first round of their 10-round bout in Nassau, Bahamas, Dec. 11, 1981

A vanglai hun a hman chhungin chanchin hlimawm leh mak tak tak a nei fo a. A sakhua leh a hming te a thlak a, sorkar thupêk te zawm duh lovin jail bang te a’n zût renrawn bawk a. A hun chawhnu lam erawh midang tan leh sorkar tan a hmang nasa hle thung.United Nations tan “Messenger of Peace” niin miretheih lehrilțâmte tan nasa takin a thawk a. A natnain a tihbuai chhoh hnu thlengin a theih tawkin miharsate tan a inhmang a ni.

Muhammad Ali attends the Sports For Peace Fundraising Ball at The V&A, July 25, 2012

“The man who has no imagination has no wings” tih a sawite chuan hriat leh hman lar a hlawh hle a. Kum 1996 Atlanta Summer Olympics a khawvel mipui hmuha alo lang leh parkinson disease avanga kut khur dur dur tawh chunga a hawnna meichher a rawn hal te khan mipui lawm a hlawh hle. Kum 2012 London Olympics-ah pawh khan opening ceremonies ah a bika sawm niin a tel bawk kha.

Kum 2005 khan U.S. Civilian Chawimawina sang ber “The Presidential Medal of Freedom” hial hlan a ni.

Nakkum maia US President thlan tura Republican Party candidate ni tura inchuhnaa dingchang ta ber Donald Trump-a’n Muslim-te USA-a an luh khap a duh thu a sawi pawh khan Pu Ali-a hian a duh lo hle a. “Muslim ka ni a, Paris, San Bernardino leh khawiah pawh, pawisawi lote thah an nihna hian Islam sakhua nen inlaichinna a nei lo. Muslim dik tak chuan heng pawi rapthlak tak tak khawihtu “Islamic Jihadists” an tihte hi kan sakhua nen aninkalh tlat tih hi an hria a ni” tiin a sawi nghe nghe.

May your soul Rest In Peace the Greatest

Source: HACHHEK TITI

~~~~~~~~~~~~~~~~~~~~~~~~

Advertisements

About Mizo Archive

I'm the one who collect the best writings of Mizos
Aside | This entry was posted in Uncategorized and tagged , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s