THUPHACHAWINA LEH HRIATTIRNA

June ni 3, Zirtawp zan dar 11 vel khan Lengpui tlangval mi 9 te chuan Sihhmui bul, Lengte kai Tlawng Lei dawh hnathawk mek te chu kut an thlak a, hliam na zual mi 3 te chu Aizawl Civil Hospital-ah hruai an ni.

Thudawn danin Zirtawp zan dar 9 vel khan Lengpui tlangval pathum chu Auto Rickshaw-in PWD hnathawktu ten Sihhmui kai a Lei an dawh meknaah an kal a. Heng tlangval pathum te hian zu fun kengin Lei dawh mek hi ke in an zawh a, a hmuna riahchilhtu PWD hnathawk te chuan Lei chu siam lai a nih thu leh, zawh phal a la ni loh thu an hrilh a, hei hi Lengpui tlangval te hian huain, Lengpuiah an let a, midang punin zan dar 11 velah chempui leh thingfak kengin PWD Lei dawhnaah hian an kal leh a, a lo chhang apiang chu an khawih ta zel mai niin thudawnna chuan a sawi.

PWD Lei dawh riah chilhtu te hi Mechanical SDO Saihmingliana hoin mi 22 an ni a, an riahna hi Tlawng kam Lengpui lamah a ni. Lengpui tlangval tena an khawihnat zual pathumte chu beng leh hnara thisen chhuak te, an mit hliam te an ni a, PWD hnathawktute hian buaina thleng hi an hotu liante an hrilh nghal a, Zirtawp zan la la khan PWD hotu thenkhatte chuan Lei dawhna hmun hi anthleng thla nghal a ni. Lei dawh hnathawkte hian Zirtawp zan khan fimkhur thil-ah an mutbu te la chhuakin an riahna hmun hi an chhuahsan hlawm. Hetihlai hian PWD lam chuan he thil thleng avang hian an hnathawh mek chu chawlhsan an tum lo tih an sawi a ni.

Lengpui tlangval te kuttuar na zual mi 3 te hi nimin, June 3, Inrinni zing dar 6 vel khan Aizawl Civil Hospital thlenpui an ni a, ngaihtuahawm erawh an nilo. Hliam tuar te Cilvil Hospital thlenpui har an nih chhan hi Lengpui damdawiin leh Sairang PHC panpui hmasak an nih vang leh Rangvamuala Truck let in reitak chhung kawng a dan vangniin an sawi.PWD hnathawkte kutthlaktu Lengpui tlangval 9 te hi nimin Inrinni zing khan Lengpui Branch YMA, Lengpui Model Branch YMA leh VC tangrual te chuan Lengpui YMA office-ah an ko va, PWD hnathawk kutthlaktute chu an khaw tihmingchhetu an nih mai bakah sorkar hmalak mekna ti khaihlaktu an nih vangin an zilhhlau a, Police kutah an pe ta a ni. Police te chuan heng mi 9 te hi Aizawl lamah thawn nghalin vawiin lamah court-ah hruai an ni.

He thil thleng chungchangah hian Chaltlang North Branch YMA leh Local Council chuan thuchhuah an siam a, kuttuar leh damdawiin panpui ngai zingah an Branch YMA Vice President Vanlalthanga a tel tih sawiin, he pawikhawihna thlenga mawhphurtute chu an phu tawk hremna na tak pe ngei turin sorkar an phut tih an sawi.

Mizoram Diploma Engineers’ Service Association (MDESA) pawhin thuchhuah siamin an Executive memberni mek Er. Saihmingliana SDO, PWD (Mechanical) chu leidawhnaah hian ama hova riak an ni a, remna thusawi tuma ban phar ngai thla duh lova kut an thlak a, thisen hial an chhuah chu hriatthiam har an tih thu an sawi a, kut thlaktute hi an phu tawk hremna pe turin sorkar an phut thu an thuchhuah chuan a tarlang a ni.

Advertisements

About Mizo Archive

I'm the one who collect the best writings of Mizos
Aside | This entry was posted in Zoram Crimes and Accidents and tagged , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s