AW!! ZO CARBON ROPUI- BEI NGE SÊI RÛN DUNG.

REPOSTED
Author : Spa jongte

Hlawkna leh sa-hmim puarna tur pawh nilo, mite huat hlawhtur atan a thudik hai lan tum PL Liandinga ho a Mizo Carbon Product ropui en tur in, June 8-2016 (Wednesday) 11:00am ah, Company peng Hunthar ah in tawkkhawm luih luih an tum, Mahse he thlarau industrial growth centre hi Sairàng ah nilo Luangmual ah zawk a awm daih ania.

MAHSE I BEIDAWNG MAI THEI A NIA?
Kan MLA smart tak Pu Lalruatkima khan Assembly session ah zawhna a siam, nasa takin an inhnial a nih kha, industry minister khan chhuichiang tu tur an ruat thu an sawi.(hmalakna awm lo).

CYMA in kum 2014 khan he thil hi chhuifiah anih theih nan hma an la, hmalakna thui tak hmalakna an neih hnu ah,an doral beihte an lo hrawl deuh nge? Builungtawk iangin an rehsan leh ta mai bawk.

HE TI KHAWP A LIAN BORUAK INDUSTRY HI TU TA TA NGE NI RENG RENG LE?
He Boruak industry hi maw….Dr. Margaret MaKimi D/o J.Lalsangzuala,EX-Minister ( Zodintluanga nupuia laizawn) leh Ravi Gulgulia te ta a ni.

SAWRKAR IN A HRIATPUI EM?
1.Transport bill lem,
2.POL cash memo lem,
3.Vairengte check gate paltlangna Challan lem !!
4.Mizoram sawrkar industry dept hnuai ah CTS an lo lak char char.
5.Mizoram sawrkar hnuai a, State level Committee (SLC) chuan sawrkar laipui ah tanpuina cheng Vaibelchhia 3.4 a dilsak ani.

Heng thil lem turu tak tak, thil lem hmang a sum hai luhna tur kal kawng zawng zawng hi mimal leh Minister 1chauh tih theih ani lova, Ministry tangrualin an buaipui loh chuan, thil tihtheih ni pawn alang lo.

ENG NGE AN SIAM CHHUAH RENG RENG A?
Raw materials hi metric ton 9046 la lut tawh ang leh,Breeze coke, Hard coke leh LAM coke te hi matric ton – 5492.20 siam chhuak tawhin an in sawi ani.

A LO MAK THEI NGEI MAI- ZUNG A RO LOVA ,A HNAWNG FAR TLUAH TLUAH ZAWK A NI.
Zeldin thudik ni si tur….Mizoram state hian sawrkar laipui atangin lungalhthei state quota/allotment a nei a. Chung lungalhthei chu mi tu-in emaw Vai sumdawng hausa hian Mizoram sorkar aiawhin a lo lei ta a, lungalhthei laihchhuahna hmunah a let tam tak hlepin a hralh chhawng leh ta thin a ni. Chu Vai pa chuan a lungalhthei chu paper/a thu chauh hmangin rel leh truct-in Mizoramah a rawn phur lut ta tlut tlut mai hi a lo ni awm a….Kan la chhun zawm zel ang, zuk kal hlawm phawt teh u…

~~(~~~~~~~~~~~~~~~~~~~~((~~~~~~~~~~~~~~~

ZO CARBON KHA – SAWI ZO VEK LAW LAW ANG AW!

Kha industry turu tak, Mizoram a industry lian ber tur angaih, HP biscuits siamna ai a let tam tak a lian leh hnathawktu pawh phut suau suau na tur khawp a lian industry kha, ziakmi milar Pu PL Liandinga te meuh in a awmna hre lo a, lengpui pan an tum kha chu Mizoram hi alo va changkangin industry lian tak tak pawh hriat polh awl khawpin a lo tam tak anih hi kan ti ru deuh ngawt a.

He thil hi Kum 2013 MLA thlan hma atang tawh khan CYMA ten thawm anlo nei daih tawh a,kha tih lai a khalai bialtu kha Pu Lalduhawma, President ZNP niin, Industry minister chu Pu S Hiato Congress MLA ani.

Carbon industry hi a company lem Lengpuiah nilovin Industrial growth centre Tanhril ah a ni.A neitute hi Gulgulia leh Dr Makimi d/o J Lalsangzuala ex Minister niin Zodintluanga nupui laizawn a ni kan tih tawh kha.

He thilah hian diklo taka transport subsidy an lak teuh avangin CYMA hian press conference hial neiin an lo tlangau tawh a Opposition te pawn NGO in hma an lak chuan party lo inrawlh kha fuh chiah lova an hriat avanginan lo thlir ta mai zawk a.

Pu Ruatkima MLA pawhin a hunlai khan a lo au chhuahpui nasa hle a ni. CYMA hmalakna avangin bill tangRs 7 crore vel Mizoram Industry deptt chuan an process sak ngam tawh lova. Hei hi kum khat aia rei an hrensak tawh.

Mr Gulgulia hian bill lak tumin hma a la nasa a. Tun CYMA inthlan hma lawk pawh khan CYMA hruaitute hmin tumin hma a la nasa hle tih hriat a ni. A la hlawhtling lo.
“Meghalaya atangin lungalhthei a lak theih tawh chuang lova, chuvangin ka bill tang hi min process sak tawh rawh uu” tiin a ngen thin. CYMA in an hriat tak avang hian Industry dept lam hian Central YMA te rilru va hmin a, an phalna la phawt turin an lo ti a. CYMA Vice president Pu Ruata kut deuh niin sawi a ni a, ani hian a pe chhuak duh lo niawm tak a ni.

Tin Gulgulia a thawhpui Margareth Dr Makimi hi a pasal hi IFS niin Africaah an awm mek a ni. CYMA te pawh- chakma Minister bang tura an nawr , Chakma chhiarpui pawisa thawh vek hnu a an zuzi tir ta deuh ang te, tun a Carbon Industry chungchang a hmalakna awm ta lo ang chi te hi ava fuh chiah lo thin ve aw!!

FIR /PIL te tal hi CYMA khan lo thehlut se atha tur a nia, engpawhnise tu tan pawh a la tlai lo a nia.

COMMENT

Fam Opa Ompuia Late
He industry aan tih hi kum khaat pawh a service lo kan huan kawng a nia .. Industrial growth centre khu eiruk nan an hmang in ka hria .. A taam lutuk .. kawng lah a chhe reng .. Kum sawm chuang awmm tawh kan nia … industrial growth centre .. Khu mi gate bul bung ah an haw ni pawn ke in kan feh nghe nge .. Tunah chuan brick nen an han hung ve ahahhah
~~~~~~~~~~~~~~~~~~~~~~~~~~~~~~~~~~~~~~

VANGLAINI THU CHHUAH

CYMA-in Mizo Carbon Product an ringhlel

Central YMA hruaitute chuan, Industrial Growth Centre, Luangmuala industry pakhat, M/s Mizo Carbon Product chu rinhlelhawmah an ngai a, inbumna nia an hriat avangin an zir chian mekthu an sawi.Nimina MJA leh CYMA hruaitute inkawmnaah M/s Mizo Carbon Product chungchang hi sawi chhuah a ni a; CYMA general secretary Vanlalruata chuan, a neitu (partner) chu Ravi Gulgulia a nih thu sawiin,
“Mizoram sorkarin a din Mizo Public Investment Board hnenah phalna lain, February 14, 2012-ah hna an thawk ṭan a, an hna ber chu lungalhthei thlitfim (coal process – coke) a ni a, kum khatah metric ton 24,200 siam chhuak thei angin an insawi,” a ti.

Central YMA chuan Mizoram chhungngeia rinawm taka Industry din hi ram hmasawnnaah a ngai a, amaherawhchu, Industry din tum taktak ni lo, hamthatna (Incentive – Subsidy) chauh um a a hming maia Industry din erawhchu a ngaithiam lo hle a ni. Hetiang a nih avang hian M/s Mizo Carbon Product pawh hi an rawn inbun tirhte a tangin Central YMA chuan a phak ang tawkin a lo zirchiang ve thin a, chuta a thil hmuhchhuah a hnuaia mi ang hi a ni.

CYMA general secretary-in a sawifiah danin, Mizo Carbon Product hian Khliehriat, Meghalaya aṭangin Luangmualah lungalhthei 1.10.2012 aṭanga 31.12.2012 chhungin metric ton 3690 phur lut angin Central Transport Subsidy (CTS) an dilnaah an tarlang. Truck 363-in metric ton 9 zel phurin Cachar an phur thleng a, Cachar aṭang hian truck 222-in IGC, Luangmual an phur thleng leh a; an phurh man zawng zawng chu Rs. 1,16,84,250 a ni.

Lungalhthei phurh nana Transport company an hman an ziah lan chu Zoram Transport Company, Zemabawk a ni a, mahse Zemabawk Local Council leh YMA-te’n an vengah Zoram Transport Company chu an hmu zo lo. August 2013 aṭangin Zarkawtah an insawna sawi a ni. Mizo Carbon Product chuan lungalhthei an siam chhuah metric ton 321.26, Rs. 26,23,023 man chu Central Lime Industry, Lengpuiah an hralh niin an an tarlang.

CYMA-in thil fel lo nia a hriatte:
1.M/s Mizo Carbon Product HDFC Bank account no. 18148630000061 (A/c holder Ravi Gulgulia), Central Lime Industry HDFC Bank account no. 18148640000020 (A/c holder Lalremsanga) leh, Zoram Transport Company HDFC Bank account no. 18142000000626 (A/c holder Lalchhanhlua Pachuau) te chu VimalKishore, General Manager, Mizo Carbon Product-in a buaipui vek niinHDFC Bank hotute’n an sawi. Vimal Kishore chu Safe Express Cargo, Aizawl Branch-a manager hna thawkmek a ni.

2.Mizo Carbon Product-in 31.10.2012 – 31.12.2012 chhunga diesel Rs. 1,27,447 man, Hauva Filling Station-a lei angin an insawi a, mahse an manager Pandey-a’n an lei loh thu a sawi.

3.Vairengtea Taxation check gate-ah lungalhthei phur truck 222-te an kaltlang ngei tih check gate inspector-te’n an certified. Industries department official-te pawhin an certified niin alang.

4.North East Industrial Investment Promotion Policy 2007 hnuaiah Mizoram sorkarin a din State Level Committee (SLC)-in cheng nuai tam tak Central Transport Subsidy a recommend tawh a, 25.8.2014-ah an thu leh dawn a, chutah chuan Mizorama industry dangte’n CTS an dil theih tawh mang loh laiin, Mizo Carbon Product-in subsidy sum tam tak a dilna ngaihtuah an tum niin a lang.
~~~~~~~~~~~~~~~~~~~~~~~~~~~~~~~~~

Sorkarin M/s Mizo Carbon Product tan Tanpuina cheng vbc. 3.4 a dilsak tawh

Mizoram sorkar hnuaia state level committee (SLC) chuan M/s Mizo Carbon Product, Industrial Growth Centre, Luangmual tan sorkar laipuiah ṭanpuina cheng vbc. 3.4 a dilsak tawh.RTI Act hmanga Vanglaini zawhna Industries department-in an chhan danin, January 1, 2013 aṭanga September 30, 2014 inkar chhung khan Mizo Carbon Product, Industrial Growth Centre hian Central Capital Investment Subsidies (CCIS) atan cheng nuai 93.90 leh raw material phurh ṭanpuina Central Transport Subsidy (CTS) atan cheng vbc. 2.47 dilna District Industries Centre, Aizawlah an thehlut. Dilna hi SLC chuan ngaihtuahin, an dil zat ang hian sorkar laipuiah an dilpui a ni.

Tun dinhmunah khan Mizo Carbon Product hian Central Transport Subidies (CTS) atana cheng vbc. 10.34 dilna District Industries Centre,Aizawlah an thehlut leh tawh a, hei hi Directorate of Industries-ah enfel mek niin, SLC-ah pharh leh a ni ang.

RTI Act chhannaa a lan danin, Mizo Carbon Product hi Ravi Gulgulia leh Dr Margaret Makimi Varte te ta a ni a; breeze coke, hard coke leh LAM coke an siam ṭhin. Coke hi February14, 2012-ah an siam ṭan a, raw material metric ton 9,046 la lut tawhin, an thil siam chhuah tawh zat chu metric ton 5492.20 a ni. An thil siam chhuahte chu Mizoram chhung leh hmarchhak state dangahte hralh ani ṭhin.

Central YMA chuan Mizo Carbon Product chu rinhlelhawma an ngaih avangin August 14, 2014 khan Industries Minister, Parliamentary Secretary (Industries), Industries Secretary leh Industries Director hnenah chhui chiang tura ngenna an lo thehlut tawh a ni.

CYMA chuan an lehkhaah, Mizo Carbon Products-in CTS an dilnaah thil fel lo tam tak a awm ngeia an hriat thu tarlangin, “Kan ramah dikna a lal zel theih nan CYMA chuan Mizo Carbon Products chhui chiangtu tur high level committee dinṭha a ti a, thil awmzia chhui chhuah a nih hma chuan an dilna reng reng ngaihtuah zui tawh lo turin CYMA chuan a ngen che a ni,” an ti.

CYMA chhui chian dan chuan, Mizo Carbon Product hian Khliehriat, Meghalayaaṭangin Luangmualah October 1 – December 31, 2012 chhungin lungalhthei metric ton 3,690 phur lutangin CTS an dilnaah an tarlang. Truck 363-in metric ton 9 zel phurin Cachar an phur thleng a, Cachar aṭangin truck 222-in IGC, Luangmual an phur thleng leh a; an phurh man zawng zawng chu Rs. 1,16,84,250 a ni.

Lungalhthei phurh nana transport company an hman an ziah lan chu Zoram Transport Company, Zemabawk a ni a, mahse Zemabawk Local Council leh YMA-te’n an vengah Zoram Transport Company an hmu zo lo. August 2013 aṭangin Zarkawtah an insawna sawi a ni. Mizo Carbon Product chuan lungalhthei an siam chhuah metric ton 321.26, Rs. 26,23,023 man chu Central Lime Industry, Lengpuiah an hralh niin an an tarlang.

CYMA-in thil fel lo nia a hriatte

1.Mizo Carbon Product HDFC Bank account no. 18148630000061 (account holder Ravi Gulgulia), Central Lime Industry HDFC Bank account no. 18148640000020 (account holder Lalremsanga) leh, Zoram Transport Company HDFC Bank account no. 18142000000626 (account holder Lalchhanhlua Pachuau)-te chu Vimal Kishore, General Manager, Mizo Carbon Product-in a buaipui vek niin HDFC Bank hotute’n an sawi. Vimal Kishore chu Safe Express Cargo, Aizawl Branch-a manager hna thawk mek a ni.

2.Mizo Carbon Product-in September 31 – December 31, 2012 chhunga diesel Rs. 1,27,447 man, Hauva Filling Station-a lei angin an insawi a, mahse Hauva Filling Station manager Pandey-a’n an lei loh thu a sawi thung.

3.Vairengtea Taxation check gate-ah lungalhthei phur truck 222-te an kaltlang ngei tih check gate inspector-te’n an certify a; Industries department official-te pawhin an certify niin a lang.

Advertisements

About Mizo Archive

I'm the one who collect the best writings of Mizos
Aside | This entry was posted in Zoram Crimes and Accidents and tagged , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s