HISTORY BUNG THAR KAI: INDIA HMEICHHE FIGHTER PILOT HMASABER 3 COMMISSION AN NI TA

POSTED by
Kiddy Vanchhawng on 18th June 2016

Vawiin hi India ram chanchina pawimawh tak, bung thar kaina ni turin Defence Minister Manohar Parrikar chuan Air Force Academy, Dundigal-a India fighter pilot cadet te graduation parade neihna-ah India hmeichhiate zinga indo thlawhna khalhtu (fighter pilot) puitling hmasaber 3 te chu dan ang thlapin a lalut (commission) ta.

Heng pilot (flight cadets) te hi- Avani Chaturvedi, Madhya Pradesh, Mohana Singh, Rajasthan leh Bhawana Kanth, Bihar a mi te an ni a, an vai hian kum 20s bawr vek niin Indian Defence Forces-ah bung thar an siam a ni.

MOHANA SINGH: Mohana hi Jhunjunu, Rajasthan nula a ni a. A pa hi IAF-ah warrant officer a niin, a nu hi zirtirtu a ni a, a pu hi Aviation Research Centre-ah flight gunner thin a ni bawk.Zirna lamah chuan Air Force School, New Delhi ah zirin GIMET, Amritsar atangin BTech (Electronics & Amp Comm) a zo a ni. A pu leh a pa atanga defen e force lama tui anih avangin hetilama luh a an chhungkaw legacy chhawmnun zel hi a thiltum a ni.”Van boruaka ram venghim tura duty tura koh ka nih hunaindona (combat mission) a tel ve hi ka dream thin a ni,” a ti.”Kan chhungkaw ro (legacy), ram leh hnam venghim tura ram tana thawh hi chhawmnun zel ka duh a, chuti ang tur chuan indo thlawhna khalh aia tha enge awm chuang,” a ti bawk.

BHAWANA KANTH: Ani hi Bihar thingtlang khaw kilkhawr ve tak, Darbhanga nula a ni a, tunah hiam kum 24 mi a ni a, nu leh pa emaw chhungkua lamah chhuan tur a neilo pawh a ni mai thei, mahse Indian history-a women fighter pilot hmasaber 3 te zinga telin Bihar chuan an chhuang em em a ni.Vidya Mandir, Kota atanga pawl 12 a zawh hnu in BMS engineering college, Bangalore-ah BTech in medical electronics a zo leh a, hemi hnu hian air force service commission lamah a lut ta a ni.

AVANI CHATURVEDI: Avani hi Satna district, Madhya Pradesh ah a piang a, A pa hi state sorkar hnuaiah executive engineer hna thawk lai a ni a, Rewa bula khawpui te takte, Deolond ah sikul kalin,Banasthali University, Jaipur atanga BTech in Computer Science a zawh hnu-ah IAF hi a zawm ve a ni.
“Ka dream chu fighter pilot tha tak, live operation-ah pawh senior te innghahna tlak nih hi a ni. Thlawhna (fighter aircraft) thaber ber khalh ka duh a, nasa lehzualin nitin ka inzir sauh sauh a ni,” a ti.

Tuna President’s Commission a flying officer atana lakluh an nih hnu hian, pilot tuai (rookie pilot) te hian fighter hlui leh hlauhawm zet, MIG-21 emaw tunlai thlawhna (new multi-role) Sukhoi-30MKIs leh Mirage-2000s te pawhan khalh/chelh thei ngei a ni tih chian nan Bidar emaw Kalaikunda airbase-ah emaw “transitional” fighter training an nei ang a, hetah hian kum khat zen zawn, inbeih dan tak tak, (intensive combat manoeuvres and armament firing)an zir ang.

Tun dinhmunah hian IAF hian hmeichhe pilot 94 a nei a, mahse heng hmeichhe pilot te hi helicopters leh transport aircraft lama chhawr vek an ni.

Advertisements

About Mizo Archive

I'm the one who collect the best writings of Mizos
Aside | This entry was posted in Uncategorized and tagged , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s