SIPAI CHAKNA HMANGA SYRIA BEI TAWH TURIN U.S AN PHUT

POSTED by
Saihmingliana Sailo on 18th June 2016

US sawrkar hnuaia palai hna lo thawk tawhten, sipai chakna hmanga Syria bei tawh turin US sawrkar an phut. Wall Street Journal chanchinbu sawi danin, state hrang hranga Department hotu lian leh State Department pawhin palai atana a lo hman tawh mi 51 hming ziah hnan lehkha chu sawrkar-ah thehluh a ni a, hetah hian Syria President Assad chu remna leh muanna a awm theihna tura inkah haina pawh palzuta eptute bei zui zelah an puh a, hetiang a nih avang hian America sawrkarin sipai chakna hmanga a beih a hun tawh niin an sawi.

Syria ramah hian America sawrkarin sipai 300 vel dah mah se, heng sipaite hian sawrkar sipaite bei lo-in, Islamic State mi firfiakte chu an bitum ber a ni a, President BarackObama chuan Syria ram tualchhung buainaah thuk zawkainrawlh a tum loh a lo sawi tawh avangin, tuna sawrkar hotute thil phut pawh hi a tihhlawhtlin a rinawm loh a ni.

CIA Director, John Brennan chuan Syria President Assad chu amah paihthlak tumtute beihnaah Russia sawrkarin a puih avangin, kum kal ta ai khan a chak tawh zawk niin a sawi a, tun ang zel a nih chuan Syria ram buaina chu a reh mai dawn lo niin a sawi. John Brennan hian tun hnaia ram hrang hranga pawi khawihnaa inhnamhnawih, Islamic State mi firfiak pawl chu an inzar pharh chak hle tih a sawi a, an sum lak luhna turte dansakin, ralthuam nena beih reng ni mah se, ram dang atanga ISIS pawl zawm turte chu dan vek theih an nih loh avangin, Al-qaeda mi firfiak pawl len lai ber ai pawhin Islamic State ho hi an lian tawh zawk niin a sawi a, Iraq leh Syria ramah an chan chhe deuh tawh mah se, khawvel hmun hrang hrangah pawi khawih tur an nei tawh niin a sawi.

Source : ZONET

Advertisements
Aside | This entry was posted in Uncategorized and tagged , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s