Currency Exchange chungchang leh a kaihhnawih

POSTED by Vanneihthanga Vanchhawng On June 24, 2016

  • Pawisa hlutna hniam chhan
  • India pawisa hlut loh chhan
  • Pawisa print belh aggam

Currency Exchange Rate lo danglam chhan chu Demand leh Supply kal vel dan a zir a ni.

Demand: India-ah i khawsa a, USA atangin car i lei dawn a, Indian rupee in car kha i lei ngawt thei lo, USA-a car zuartute khan rupee kha an pawm dawn lo. US dollar-a i lei a ngai. Tichuan Rupee in US dollar chu i exchange phawt ang a, car chu i lei thei chauh ang.Ram dang Italy, Germany atang pawhin car chu an lo lei ve duh bawk a, an ni pawh chuan an ram currency Euro in an lei ngawt thei lo, Euro in dollar an exchange phawt ang a, dollar-in car chu an lei thei chauh ang. Car chu ram dang atanga lei duh an tam avangin dollar mamawhna (demand) chu a lo sang ta a, dollar chu a lo hlu ta, a exchange rate pawh a lo sang ta sawt a ni.

Supply: Central bank/RBI hian thil a ti thei hle a, RBI-in interest rate (RBI atanga commercial bank-in sum an puka a punna zat) a tih hniam hian, supply of money (ramchhunga pawisa leng vel / the total amount of money in circulation in a country) chu a lo pung ta sawt a. Money supply tih tam dan hi tam tak a awm, pawisa print belh, bank-in a cash reserve an neih ngei ngei tur zat tih hniam, etc.Hetia money supply a lo tam sawt hian Indian rupee chuanramdang currency lakah per unit-in a hlutna a hloh thin. Interest rate a lo hniam tak si ah chuan Foreign Investor a pung uma pawisa invest thin te chu a hip ta lo a, ramdang interest sanna hmuna invest hial an duh mai thin. Interest rate a hniam chuan money supply a lo tam sawt a, money supply a lo tam sawt chuan currency a ti hlu lo ta sawt a ni.

Hei hi Indian Rupee in US dollar leh ram dang currency laka value a hloh dan leh a hlawh dan a ni a. Ram thil siam chhuah leh service lama sang leh ram dang atanga bungraw lei tlem (intodelh) te hi an currency value a sang mai thin. Currency hi thil pakhat avang chauhin a danglam lo.

Ram pakhat chu thil siam chhuah lamah hma an sawn viau mai a, ram dangah tam tak hralh chhuakin thil lakluh an nei tlem sawt viau a, tichuan an ram GDP chu a lo sang sawt a; per capita income (chawh ruala mimal tin income) a lo pung a, purchasing power a lo sang sawt bawk a, chu ram chu an economy a thang an ti thin.

Ram pakhat ve thung erawh chu thil siam chhuah & thawnchhuah lamah tun hma aiin a pachhe sawt viau mai a, ramdang atangin mamawh an la lut hnem sawt viau bawk. GDP a lo hniam a; per capita income a lo hniam sawt a; purchasing power a lo hniam sawt bawk a, chu ram chu aneconomy a tla chhia an ti thin.

# Enge FIAT MONEY?
Sawrkarin a a ramchhunga hman tura lehkha, pawisaa a siam ho zawng zawng hi Fiat Money chu a ni mai. Example, sawrkarin pawisa Rs. 10 note hi hman theih turaa a siam avangin hlutna a nei a, Sawrkarin India Rupee Rs.10 hi ram pumah hman theih tawh loh turin thu chhuahta se, a hlutna a hloh der. Chu chu FIAT MONEY function dan a ni. Khawvela pawisa note zawng zawng hi FIAT MONEY a ni. An mahniin hlutna an nei lo.

# US dollar leh Indian rupee hlutna danglam dan leh Euro leh Indian Rupee hlutna danglam dan hi a in ang reng a. Ram dang zawng zawng nen pawh.
# Indian central Bank chu Reserve Bank of India an tia, US Central Bank chu Federal Reserve System a ni ve leh mai. Monetary policy duangtu te an ni.

# Currency san leh tlakhniam chhan bulpui chu demand leh supply vang a ni.
# Money Supply/print (print=supply dan chi khat) hi ram hausakna mil zela supply a ni.

# Engatinge sawrkar hian pawisa a print teuh mai loh?
Gold kg 100 tlang khat i nei a, hmun sawmah i then darh ta a, kg 10 hlir sawm i lo nei ta a, gold quantity chu kg 100 a la ni reng, kan then sawm avang ngawt khan a rih belh phah lo.
Gold 100 kg khi kg 200 a i tihpun hunah erawh chuan piece 10 a i then hran leh pawhin hmun piece khat kha kg 20 a ni daih tawh ang.

Chutiang chiah chuan pawisa hi ram hausakna mil zela print a ni a, tunah hian India hian pawisa note print teuh ta se, cheng 100 etc. note hlutna hi a tlahniam nghal dawrh ang. Pawisa note hlutna ngai reng si a, print belh theih dan chu India hausakna a pun belh chauhin a ni.

# Engatinge Oil producing countries ho pawisa hlutna hi oil price a tlakhniamin a tlakhniam a, oil price a san-a a sang ve leh?
Russia ram khu oil produce tam ber ram an ni a, an pawisa hlutna pawh tah chuan a innghat thui hle. Russia oil barrel khat chu Russian pawisa (Ruble) 500 in kan lo lei thei a (entirna), oil man a tlakhniam avangin Rub 250 chauhin kan lei thei ta.
Oil barrel khat lei nana Rub kan exchange a ngaih zat chu Rub 500 ni tawh lovin Rub 250 chauh a ni ta, (Oil barrel 100,000 ah phei chuan a danglam nasat dan tur zia chu). Chuti chuan oil lei nan a Rub kan mamawh zat chu a lo tlahniam ta em em a, Rub chu demand a tlem sawt a, a hlut loh phah ta thin a ni.

Advertisements
Aside | This entry was posted in Uncategorized and tagged , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s