KOLASIB POST MASTER HAL A BEIH A NI

POSTED by Slchhunga Gooner On June 23, 2016

23rd June zing dar 7:30 vel khan, Kolasib Post Master Pu Zaua chu a chenna-ah (quarter) petrol a hal tum a beih a ni.
Hal tum tupa hi police ten rang takin an man nghal a ni.

Kolasib Ţumpui venga a quarter-a Post Master Pu Hmingthanzauava’n eirawng a bawl laiin Kolasib Chief Medical Officer (CMO) office-a thawk Laldinpuia Kolasib Project venga khawsa chuan petrol-a leihin Pu Hmingthanzauva chu a hal a, Pu Zauva hi Koasib damdawiinah enkawl mek a ni.

Kolasib Tumpui veng VC Secretary Pu Laldawngliana Kawlni sawi danin Post Master Pu Zauva hi quarter-ah amaha khawsa a ni a, tukin khan eirawng a bawl laiin Laldinpuia hi a inah chuan a rawn lut a, lehkha them pek pahin petrol a theha a hal ta nghal mai a, Pu Zauva hian a kawr hak lai al hluah hluah chu rang takin a phelh nghal a, Laldinpuia tlanchhuak tur chu man tumin a umzui nghal a ni.

Pu Zauva quarter hi Post Office compund chhung office building hnung lama awm a ni a, post office compund-ah hian gate pakhat chiah a awm a, gate-a Laldinpuia tlanchhuak tur chu Tumpui veng tlangval pahnihin an lo man bet ta a ni.Pu Zauva hi a kawr a phelhna lamah a kut leh ban vel a kang nasa a, a dul leh nghawng velah a kang nasa viau bawk. Ngaihtuahawm lutuk erawh a ni lo niin thudawnna chuan a sawi.Laldinpuia hi Lungdai khawchhuak niin a insawi a, CMO office ah supervisor hna thawk niin a insawi bawk.

Amah hi damdawi ti thin a ni a, tunhnaiah leiba a ngah hle mai a, cheng nuai 4 vel leiba a nei a, chu a leba chu vawiina a pek ngei ngei a ngaih avangin a inngaihtuah buai hle a, Post Master chu vau bet chunga a pawisa chhuh sak a tuma, a hal ta mai niin a sawi. Pu Zauva a hal dawna lehkha them a pekah ‘Au suh’ tih a ziak niin Laldinpuia hian a sawi a, Pu Zauva hi chuan lehkha themah chuanenge inziak a hriat loh thu leh hawrawp chhe takin engemaw chu a in thai tih chiah a hriat thu a sawi.Kolasib Post Master Pu Hmingthanzauva hi Kawnpui khaw chhuak a ni.

Advertisements
Aside | This entry was posted in Zoram Crimes and Accidents and tagged , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s