LUNGLEI CIVIL HOSPITAL HI NAU NEIH NAN A HIM LO EM NI?

Nikum 2015 January thla khan kan khua (Mualthuam south) atangin ka u nupui Laldinliani te chuan nau nei turin Lunglei Civil Hospital an pan a..A pasal Hc. Vanlalvawna (ka u)leh a nu Pi Hmunmawii ten an kalpui a ni.
Health Worker training chhuak ka ni a,an fa pakhatna tur anih avangin a nu pawh kan enkawl uluk ve hle a,naute leh anu dinhmun pawh ka en uluk hle ani. Mak tak maiin dt.2/1/2015 chhun dar 11:30 vel a kan naute thar lo piang kan nghahhlelh em em chu a thih thu nurse ten an rawn sawi a, pum chhunga thi sa in a piang tih an rawn hrilh ani.mahse nau neihna room pawn a lo nghaktu ka u te chuan naute tap ri an lo hre hman si a. mak ti takin a tap ri an hriat thu leh an kal dawn a naute lungphu (foetal heart sound) ka check pawha a that vek avang in pum chhunga thi chu a nih an rin loh thu an lo sawi a.mahse “a tap lo hrim hrim, a thi sa in apiang” an ti ta tlat a. rilru na takin naute ruang chu an hawn a,phone a min rawn hrilh chuan ka lungawi lo hle a. nau chhar dan chungchang ka lo hriat ve nual avang in leh naute tap ri an thup tlat avang chuan thil tih sual deuh an nei tih ka hrethiam mai. mahse thil siam that theih ni tawh si lo chu in tih hmingchhiat ai chuan tiin lungawi lo tak chungin kan ngawi ral ta a.

Tichuan ka u te chuan nau an pai leh ta a.. Damdawiin a nei leh tura ka tih pawhin an duh ta tlat lo.a hmaa thil thleng an hriat chian em avang leh an rilru a nat em avangin hospital chu an ring ngam tawh lo a ni. in lama neih an duh zawk ta tlat a.ti chuan DT.17/6/2016 khan kan inah fanu duhawm tak an hring ta a.kan lawm hle ani.

Mahse Dt.21/6/2016 zan khan ka u nupui chuan a serh chhung chu na a ti tlat a.a thu hleithei lo a, Ka u chuan a han en chiang chu Hriau bung 3cm. vel nikum a hospitala a nau neihna hliam an thuina ni ngei tur.kual deuh ruih chu a serh chhung ah chuan alo awm reng mai a.chu chu kum khat leh a chanve vel lai alo pai reng ani.

Kan rilru a na thar hle a, naute dam tha reng a piang,a tap ri pawh an hriat ngei chu thi sa in apiang an ti a,naute tap ri pawh an thup tlat chu thu hran ni se mihring taksa chhung ah hriau an ti bung palh a, thup chi a ni lo.a bung lehlam chu an kawl ngei dawn avang in hriat loh theih pawh ani lo,an hmu zo lo anih pawhin a tul anih phawt chuan an zai hial tur ani.mahse hmingchhiat an hlauh vang nge an thup tlang hmak a,tunah a rawn lang chhuak leh si.a tuartu tan a na em em a, midang chunga thleng leh atan pawh kan duhlo ani.

Mipuiin kan pan ber sawrkar damdawiin lian a thawktu te fimkhur loh vang a hetiang thil thleng hi a pawi hle a,ka u te nupa in Hospital an ring ngam loa.kan in a nau neih an thlang zawk pawh hi awm ka ti hliah hliah ani. Tun hnu ah hetiang thil hi thleng tawh lo se. Nurse fimkhur lo lutuk leh mahni hmingchhiat thup nana patient nunna pawh ngai pawimawh lo hi chu ban ngam mai se mipui tan pawh a him zawk ngei ang.

Hemi ni a nurse duty te hi chhui let theih anih chuan keipawhin hriat ka duh a,action pawh an lak ngei ka beisei.

He thil hi in hre chiang duh anih chuan he number ah hian min rawn zawt fiah thei ang.

-HC.Lalruatzuala
8575855343/9612612963

Advertisements

About Mizo Archive

I'm the one who collect the best writings of Mizos
Aside | This entry was posted in Zoram Crimes and Accidents and tagged , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s