Congress hnawt bo vek tur leh hmetmit tu tur congress tel ve lohna pawl din a ni

POSTED by Vanneihthanga Vanchhawng On June, 25, 2016

“Chief Minister, Pu Lal Thanhawla hian a Ministry hi a reshuffle dawn nge, State danga Congress MLA lungawilo te hnungzuiin Mizoramah Sorkar thar a piang dawn?: Pu Ruatkima

June 24 Hnamrun inkhawmah MNF President, Pu Zoramthanga chuan, “Delhi-a Congress Headquarters bu pui chu kihthluk a ni tawh a, North East-a an Congress Kungpui ber, Assam state-ah pawh kihthluk an ni tawh. Chuvangin North East atang hian Congress hnawt bo vek tur leh hmet mit tu tur, ‘congress party tel ve lohna pawl’ din a ni.” a ti.

Pu Zoramthanga chuan, chu pawlah chuan North East-a political party lian zual 10 chuang an tel thu a sawi a. Chuta an ‘conveener’ chu congress thluak bur ni thin, Himanta Biswa Sarma BJP zawm ta a nih thu a sawi. Tuna an meeting tum pawh hian Sikkim chief minister-in rokhawlhna avangin tel thei lo mah se, NE chief Minister 3an tel a. Mizoram atangin MNF party chauh tel ve tura sawm a nih angin June 20-23 chhung a zuk tel ve a. Chu pawl thar ‘North East Democatic Alliance’ (NEDA) chu a taka function tur leh, a inkaihhruaina dan leh hrai ‘Constitution’ te duang felin; ropui takin July 13, 2016 khian Gauhati-ah a hawnna hun hman tum a nih thu a sawi.

NEDA hawnna hunah hian Union Minister rual leh BJP President, Amit Shah pawh tel tura ngaih a nih thu Pu Zoramthanga chuan a sawi a. MNF party pawh a tam thei ang ber kal tura inpuahchah a nih tur thu a sawi bawk.

MNF President chuan Burma Sipai sorkar ang chiahin Congress party-in India ram chu kum 50 chhung an enkawla, ram hnufual leh mi rethei siam chhuaktu party ang lekah India ram chu an chhuah a, ding chhuak leh tawh lo tura congress party chu hnawh bo a ngai takzet a. NE Manipur leh Megalaya state-a an sorkar phei chu tlu mai theiin an buai mek a ni a ti.

Thusawitu dang, Aizawl West II bialtu MLA, Pu Lalruatkima chuan, “June 22, 2016 (Nglaini) khan Congress MLA 11 vel chuan Chief Minister Pu Lal Thanhawla chu lenchilhin, an lungawi lohna leh manganna te, an policy thar tur chungchangah thu tam takan thlen,” a ti a. State dang Congress chhungkua chauh nilo vin, Mizoram Congress party chhungkua pawh a chiri ru hle niin a sawi.Pu Lalruatkima chuan NLUP anga NEDP hlawhchham turprogramme zawrh leh chu Congress MLA rual te’n an huphurh zia an thlen niin a sawi a, Ministry siksawi (reshuffle) leh NEDP chungchangah hmingziak hnan meuhin lehkha an thehlut tih thu an dawng niin a sawi.

Congress party chhungkua, a ruka buaina chu a puakkeh ni ta berah a ngaih thu Pu Ruatkima chuan a sawi bawk.

“Congress MLA rilru nâ te thawidam nan; Chief Minister, Pu Lal Thanhawla hian a Ministry hi a reshuffle dawn nge? State danga Congress MLA lungawilo te hnungzuiin Mizoramah Sorkar thar a piang dawn? tih hi kan thlir a ni” a ti.

Ration Card siam dik thei lo, Vehicle lifetime Tax lak chungchangah mipui thudik lo hrilh tu, Transport department leh Supply (FCS&CA) Minister chu a zin hlan zelin Cabinet Meeting, CM ho va thukhawm chuan a department an khawih danglam sak thin a. Chief Minister ber pawhin Supply Minister chu ama thua banna chang pawh hre lo vah a puh tawh niin a sawi bawk.

Mizo Hnam Run inkhawm hi MNF Adviser, Pu Rochhunga Ralte, Ex-MLA in a kaihruai a ni.

Advertisements

About Mizo Archive

I'm the one who collect the best writings of Mizos
Aside | This entry was posted in Uncategorized and tagged , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s