JOURNALIST TEN ENGE AN TIH

  • Kan journalist te an nep lutuk em ni
  • Eiruk han chhui ngam an awm lo

Politicians verther tak tak eiruk hmanga inti hausate thil tih hmuh khumin zaithiam Local Channel vela Music Video pahnih khat siam ho Hero nihna chantirin, nula tlawngawl In nghak hmaifang țha deuh leh fengchhing ngam deuh, Chanchinbu kawma tihlan tur veh huai tak tak, a țhen Sofa set-ah kekawrte lang lek leka țhu laite, a țhen Siitting room bang nghengin mipa rilru chawhthawh tum ni awm fahrana sexy thei ang bera taksa inpholang lai thlalak tih ang reng vel hi em ni Journalist te hna chu??

Ram leh hnam tana mi hnawksak tak tak, Office chhung ațanga kan ram sum leh pai rawktu Officer, an thla bi hlawh leh an khawsak in thlau lutuk te hmuh kanin khawimaw lai mirethei zu zuar leh mi dawr rawk man thawm erawh an khukpui hluai lawi si a.

Zoram mipuite chan tur pawh kawng laka suamtu, Gas phurh lai ti hmelhema, hralh ruk tuma an sawngbawl lai leh an dahțhat lai thleng a CYMA Kumpuan Duty ten țum hnih ngawt an man hnu pawhin kan Journalist te erawh an hmel hmuh tur a la tel lo ta fo mai te hi chu aw!!

Khawvel ram dang Journalist ten a thim a var thlu lo va, hrehawm tam tak tuar chunga an ram tana mi hnawksak, Politician te leh Officer hlemhle tak tak te thil chhep relh lai man chhuah tuma, a veha an veh anga veh ve ngam, Politician leh Officer te rukrukna ramah hian Mizo Journalist dik tak, pakhat tak an awm ve hun tur zoram hian nghakhlel takin beiseina sang tak nen a tlumtea thlir takin a thlir țhin a sin..!!

Advertisements
Aside | This entry was posted in Fifth Column and tagged , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s