UK REFERENDUM (Current Affairs)

Engvangin nge United Kingdom hian EU member anihna ata inhnuhdawh a tum? Referendum chu eng nge a nih?
Kum 2015 inthlanpuiah khan tuna British PM David Cameron-a hian mipuite hnenah kum 2017 a lo thlen hma ngei hian mipui, vote nei pha chin tawh phawt chuan EU aṭanga chhuah an duh emaw member la nih chhunzawm an duh emaw chungchangah thutlukna an siam ang, tiin alo intiam tawh a. June 23, Thursday hian Britain chuan vote a thlak ta a ni. Thutiam tihlawhtling ṭhin mi ram hruaitu neih hi a va nuam dawn êm!

European Union :
Indopui II na zawh hnu lawk khan Political & Economic a kan inthlunzawm a, Single Markethnuaia kan kun chuan keimahni leh keimahni kan indo lovang tih thupuia neiin Europe ram 28 te chu EU tiin an lo inthlunzawm ta a. An inzawmna thuthlung pakhatah chuan EU ramte chuan an ram mi leh sate chu member ramah tawh phawt chuan VISA tel lovin an kal thei ang a, hnathawkin an duh chuan member ramah an cheng thei ang tih a ni. A dawt lehah chuan EU Trade Rules & Regulations thuhnuaiah EU member ramte chuan sum an dawng tur a ni.

Chhuahsan duh chhan :
1. Democracy : UK Supreme Court hian UK ram chhûngah thuneihna vawrtawp nei ta lo. A chungah European Court of Justice a awm tlat avangin UK-a Lawmakers tam tak hian Dân siam turin theihna an nei tlem tial tial. EU law is supreme over UK Law tih a ni bur mai a ni.

2. Migration : Nikum chhûng ringawt pawh khan UK a pemlut mi 330,000 zet an awm a, heng zinga a zahve aia tam hi EU ram hrang hrang aṭanga rawn lut an ni. Hei hian nasa takin a ram mipuite lakah harsatna a siam mek a, mahse EU agreement angin UK hian a dang ngawt thei lo. Expensive & Out-Of-Control hi EU an chhuahsan chuan a bo ang a, an rama lo lut tur mite chung thuah thuneihna a nei tawh dawn a ni.
Entir nan : PM David Cameron-a chuan Migrant ho ten In leh lo chungchangah leh Benefits chungchangah hma a han la a, British mipui tâna hamṭhatna a tam laiin EU chuan hei hi a pawmpui theih loh tur thu a sawi hmiah mai a ni.

3. EURO : Tunah hian Pound hi EURO aiin a hlu zawk a, a dinhmun pawh a ṭha zawk. Nimahsela, kum 2020 hian EU ram zawng zawngte chuan EURO pawisa hi an hmangvek tawh tur a ni tiin thutlukna a awm vang a ni. EURO hi hmang ta ni se, tuna Pound a Interest Rate a siam ang hi a siam thei tawh dawn lo. Harsatna lian lo tawk ta se, Interest Rate hi a tihniam thei dawn bawk lo. Chhan dang pawh a la awm e.

4. Contribution : EU ram zingah UK hian kumtina EU-a thawh tur pawisa Germany leh France ang bawkin a thawhtam hle a. Nikum pawh khan UK hian EU hnenah £11.3 billion zet a pe a ni. £4.5bn lai hnathawh nân dawng let lehmah se, £8.5bn zet chu a thawh tihna a ni. UK GDP a san poh leh a thawh tur hi a tam dawn a ni. Tunah hian £350 million zet mai kartinin Belgium hnenah a pe mek a, chu chu UK a Sikul Budget chanve zet a tam a ni.

5. Trade : Sumdawnna chungchangah EU kalphung angin Britain hian ram dang nen Trade Agreement pakhatmah amahin siam theihna a nei lo. Tunah hian S. Africa leh India leh China nen sumdawnna kawngah Inremsiamna pakhatmah a nei thei lova ni.

6. Employment : EU an chhuahsan anih chuan hna chungchangah te, hriselna chung thuah te leh mipui himnakawngah a duhdan ang takin thutlukna a siam thei dawn a ni.

7. Tun dinhmunah chuan Britain hian EU ah hian pawimawhna a nei tlem hle a, EU hi lo chhuahsan ta sela tun ai hian EU lakah pawimawhna a nei tam thei zawkin an ring a ni.

Lo chhuahsan ta se :
1. EU lo chhuahsanin Independence State ang lo ni ta se, tuna USA ang hi a lo ni dawn ta a ni. Nimahsela, EU ram nena insumdawn tawnna kawngah hian US a Car company tawh phawt chuan 10% tariff EU hnenah hian an pêk ngei ngei a ngai a. Clothing lamah 30% lai pêk a ngai a ni. Chutiang ang chu Britain hian lo pe ve ta se, a GDP zawng zawng aṭanga 14% lai a pêk a ngai dawn a ni. Chumi tam lam chu Financial Meltdown of 2008 aṭanga kum 4 chhûnga Greece ramin pawisa a hloh zat zet a ni!

2. EU hi chhuahsanin European Market zone-ah la chambang ta ang se, tuna Norway ang hi a ni dawn ta a ni. European Economic area/zone an tih maiah UK hi a awm dawn tihna a ni thei a. He zone a awmte hia EU hnenah contibution an pêk a ngai a, Norway pawh hian £ 306 million zet a pe a ni. Chumi piahlamah EU Regulations an zawm a ngai dawn a. EU member a nih tawh miau loh avangin heng Regulations ah hian UK hian sawi tur pkhatmah a nei dawn lova ni. EU an chhuahsan chhan pakhat kha a zawm ve a ngai dawn tihna a ni tho tho.

3. EU hi chhuahsanin Switzerland angin Bilateral Trade Deal EU nen hian siam ta se, EU member ni lo mah se, EUnena insumdawn tawnnaah hian hlawkna nasa tak a nei ani. Buaithlak a awm ta. EU chuan market hrang hrang, Labor, Services, Manufacturing, Agriculture etc hrang hrangte hi then hran hi an ni lova, Free Trade Market i duh anih chuan i Market kan tân i hawng ve tur a ni a ti mauh mai a.
Kum 2014 khan Swiss mipuite chuan EU ram aṭanga hnathawktu lo lut chungchangah Restriction siam phutin sawrkar an lo nawr chiam tawh a ni. Migration vanga EU a chhuahsan kha a sawt leh dawn vak lo tihna a ni. Swiss mipuite duhdan hi engtin nge EU chuan a chhan? Brussels (EU thuneihna hmun) chuan teuh lo mai a ti. Swiss hian EU nena inhnimhnaih a duh chuan EU Workers an ramaha luhtir tur a ni tih a ni tawp.

Khaikhawmna : Mi tam tak sawilawk dân chuan nakin lawkah EU hian US a state 50 inzawmkhawm ang hian ram pakhatah a la awm dawn a ni an ti mek a. EU member aṭanga chhuah a harzia pawh tunah chuan kan hrethiam ta mai awm e. EU a awm a chinah a ram chhûngah a ram khan thuneihna pumhlum reng reng a nei tawh lo tih a lang chiang hle tih kan hmu thei ang.

Ram dang nena an indawrnaah hian a tawlhsawn mai mailo tih leh EU ram chhûnga mite hamṭhatna tel lovin hma a la ngai lo tih pawh kan hmu thiam awm e. Tunah Financial Crisis of 2008 vang khan la buaiin Immigration vangin harsatna tawk mah se, nakin lawkah chuan ‘A Force To Be Reckon’a la ni dawn tho thova ni.

Mi maktaduai 50 chuangin vote an thlak a, 52% Leave 48% Remain hi result niin BBC chuan UK hi EU atangin a chhuak dawn niin a forecast ngam ta. 2/3 of Parliament member hian EU a la awm duh mah se, mipuiin an duh miau loh avangin British PM Cameron-a hian a post a luah chhunzawm a rem dawn lova.
EU nena negotiation-ah hlawhchhama ngaih anih vanga Referendum hi neih a nih pakhat avangin thlak a ngai ngei dawn a ni.

N.Ireland chu EU ah la awmin Wales erawhin EU a chhuahsan dawn a ni.

June ni 23 hi England Independence Day a ni e, tiin an sawi ta mek bawk.
Hetih rual hian Pound hlutna erawh a tlahniam thung.

Advertisements
Aside | This entry was posted in Uncategorized and tagged , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s