YOGA chhûngril bihchianna

POSTED by Lalremliana Pachuau On June 26, 2016

YOGA hi eng nge a awmzia tih google han zawt teh. ‘Hindu sakhua kaltlanga thlarau leh sakhaw lama inthunun nâna tisa hreawmna intuatir chunga tisa leh thlarau inthununna niin chung atân chuan thawk lak dan inzirtir te, ngaihtuah bing hmanna mawltê leh taksa kenkawh dan bik thlang chunga hriselna neih leh hahchawlna nun neih’ tih a lo ni ang.
Hindu sakhua nen a inkaihhnawih tlat tih hai luih tum chu mipa nge ka nih hmeichhia tih hai luih tum ang mai a ni ang.

A va nuam êm –
Yoga tluka mihring siam nuam thei leh ngaihtuahna tifim thei hi an tam lo! Hindu hmeichhia, USa cheng, piangthar ṭawngkam hi ngaithla ang aw. “Sakhuaa harhchhuaha thlarau ênna chan tluka chak ka nei lo. Tichuan Guru hnenah kalin Yoga ka han ti ta a. A nuam ka va han ti tehreng êm! Engthawlna nasa tak mai ka chang a, ka thlarau leh Universe (van thengreng) hi inzawma hriatna mak lutuk mai ka nei ta a! Yoga chu ka ngai (addict) ta ngawih ngawih mai a ni.”

Van thengrengahte chuan eng nge awm kha? Eph 6:12 – Kan buante hi tisa leh thisen an ni si lo, lalnate leh, thuneihnate leh he thim chunga khawvel roreltute leh van hmunahte thlarau sualho awmte an ni zawk e, tih a nih kha. He Hindu nula pawh hi rei lote hnuah a buai ta a, ramhuai ten an chenchilh ta tlat mai a ni. Yoga hi damdawi ruih theih chak ber chi ang maiin ngaih a awl êm êm mai a lo ni a, rilru hah changte leh nun a buai laite hian Yoga hmangin an hringnun chingchivet an chingfel ṭhin a lo ni! Kan thinlung chhûngrila ramhuai lo cheng tura sawmna hmanrua hi ngai ho mai mai suh!

Basic Hinduism :
Thlarau dam lai hi hlimna leh lungngaihna hnuaia saltang niin a saltanna aṭanga chhanchhuak tur chuan (Brahman) van thengrenga hriatna thûk bik awm hi a hmelhriat a ngai a ni. Nimahsela, chu hriatna bik chu awlsam taka neih ngawt theih a ni lova, Samsara (pian nawn pian nawnna) tuipui a dai kai theih nâna Lawng, hmanrua pakhat ve mai chauh a ni zawk a ni. A panna kawngpui ṭhuam sang tam zingah, chu hmun thlenna kawng dik awmchhun chu Hriatna Thûk a ni,
Himna Chungnung ber chu! – Yoga Panishad Freemasons ho kha kan hria em? National Treasure film kha kan en tawh chuan kan hre mai ang. Anni pawh khan Universe nena inzawmin Hriatna Thûk tawp kaltlangin mahni kan in pathian, an tih ang chiah khan “To thee, I grant the Eye Divine, Behold my Cosmic Splendor Line” – Bhagavad Gita chuan a lo ti daih tawh a ni. “I hnenah, pathian anga hmuh theihna ka pêk che hi. Ngai rawh, lei leh van inzawmna ropui chu!” tih hi Hinduism bulpui chu a lo ni ta a ni.

Lei leh van inzawmna :
He lei leh van inzawmna hmanrua chu Yoga hi a lo ni ta a ni. Yoga chu Yuj aṭanga lak niin To unite (inpumkhat) tihna a ni a, chu inpumkhatna zawngtu chu Yogi/Yogin (mipa leh hmeichhia) tih an lo ni ta a ni. Yoga hnuaia hian bulpui lian tak tak 4 an awm a, Karma, Bhakti, Jnana leh Raja Yoga an ni. Pantanjali chuan yoga chu, “Rilru hriatna danglam zawng zawng ngawih tir ṭhuapna” tiin a sawi a. Tichuan a tawi zawngin mihring pangngai ve mai kha Chungnung Ber (Supreme being) a lo nih theihna kalkawng chu yoga hi a lo ni ta a ni.

Yoga thil tum ber lo ni ta chu mihringa châkna te, thil dang nena inzawmna te, thinlungin a vei te, mahnia bet awm zawng zawng paih bo vek a, ZERO dinhmuna awm a, chu hmun aṭanga Chungnung bera hriat a, amah anga awm chu a lo ni ta a ni. “Mi tupawh, Sunya (ruah vekna)chik taka ngaihtuah bing mi chu boruak (space) chhûngah hip luha awmin engmah reng awm lohna hmun aṭang chuan thlarau hriatfiahna a chang ta ṭhin a ni” tiin The Siva Samhita-ah chuan kan hmu ta a ni.

Chumi dawt lehah chuan Hindu pathian pawimawh ber pathum Vishnu, Brahma leh Shiva te ruangam hmuh a, anmahni hmuhchhuah bakah Krishna pathian, supreme god nen an thinlunga chentir a ni ta a ni. Heng pathian lem kan tihte reng reng hi ramhuai nia kristiante chuan kan rin si chuan, Hindu sakhua chu pathian lem biakna dik tak a lo ni ta a ni. Chung pathian lem biakna hmanrua dik tak chu yoga hi a lo ni ta bawk a ni.

Setanic : Upanishads lehkhabuah chuan yoga chuan mihring thlarau leh van thengreng thlarau inpumkhatna awmze ril tak nei a entir a ni tih a lo ni ta a ni. Aleister Crowley kha kan hria em? Setana kohhran dintu leh betu hmingthang ber mai kha! Ani khan hmân hmanah Eight Lectures on Yoga a lo ziak daih tawh a. Yoga hmanga setana chibai buk dan chu hmânah a hote a lo zirtir daih tawh a lo ni. India ramah lo kalin Hindu sakhua a rawn zirchiang a, kum 1907 khan George Cecil Jones nen Thelemite Order an din ta rup anih kha.

YOGA tih hi ṭhetsawmin ngaihtuahnaah dah tur a ni a, Yoga kutke pariat zinga a hmasa ber Yama (Thununna) sawifiah ang che. Tichuan, Yoga kutke pahnihna Niyama (Tihtur Ṭha) chi hrang hrangte chu planet hrang hrang nen inlaichinna siamin yoga kutke pathumna leh palina Asana(Hmeichhia leh Mipa, Yoga tih laia an ṭhuthmun leh an taksa awmdan) leh Pranayama (Thawk lak dan) hman tawh tur a ni, tiin a lo sawi tawh a ni. He yoga hmang hian setana a biain ramhuai a hring a hranin a ko chhuakin a pawl ta ṭhin a ni!

Khaikhawmna : Yoga hi kan sawi zin viau rualin kohhran member ni ṭheuh si hian kohhran thuchhuak hi kan ngai pawimawh lo hle em ni? Kohhran berin yoga hi tih ve tur a ni love a tih chuan keini kohhran chhûnga awmte chuan kan zawm mai tur a ni dawn lawm ni? A sawite hi kan sawi peih ang huin anihna ang taka sawi erawh kan thei leh si lova, mipui pawh kan buai nual a ni lawm ni?

Yoga hi kristian i nih chuan ti ve hauh suh ang che.

Advertisements

About Mizo Archive

I'm the one who collect the best writings of Mizos
Aside | This entry was posted in Fifth Column and tagged , , , , . Bookmark the permalink.

2 Responses to YOGA chhûngril bihchianna

  1. Mizo Archive says:

    a ziaktu hian lehkhbu hrang hrang dawn a a ziah a ni e

    Like

  2. Anonymous says:

    Yoga ti tur hian nagman ilo ti ve twh em tih k zwt hmasa phawt duh che?,Chuan hemi article hi site dang atang a Copy/paste mai mai mizo tawng a leh emni?.

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s