MITTHI VUI DAN MAK DANGDAITE

1. Hired Mourners :
Professional mourners-te mitthi suntu atana hire hi hman lai atanga chin thin tawh kha a ni a. Bible-ah pawha lo inziak nghe nghe a ni. Mitthi chu sun em em anga lan an duh chuan, Professional mourners chu man chawiin an hire a, anniho chu, ruang bulah lungchhe hmel takin an tap ta thin a ni.
Tunah hian, hetiang tradition hi China ramah practice an la awm a, 45 minute chhung an tah chuan, $500 lai an hlawh thin a ni.

2. Stripper Funerals :
Taiwan-ah chuan, mitthi vuinaa kalho an hlim viau hian, mitthi thlarau chu thlarau khawvelah a hlim dawn niin an ngai a. Chuvang chuan, Mitthi vuinaah, Taiwanese-ho chuan, vuinaa kalte tiphur a tihlim theitu tur atanlam tur bik stripper (dance group) an ruai thin a. Khaw kilkhawr deuhvah phei chuan, mitthi vui hi hlimhlawp thil zinga pakhat ang hial a ni thin.

3. Dancing with the Dead :
Madagascar-ah chuan, an thlahtu/anpu thlanah kalin, a ruhkawl chu an lachhuak a. Party throw ang maiin, music play-tu leh zu in pawl te an awm a, an laichinte chuan, an pu ruhrel thuamhnaw an haktir chu an lampui bawk a ni. Ruhrel chu a lo mawih zual tawh deuh a nih chuan, an thuttuntir ut thin. Ruhrel chu a la tha deuh a, a la mawih vak lo a nih chuan, a mal malin, an va lampui chhawk ta thin a. Party zawh hnuin, party awm leh hun atan, a thlan ngaiah chuan an phum nawn leh mai thin a ni.

4. Fantasy Coffins :
Ghana ramah chuan, Mitthi tan a kuang chu mak dangdai takin an design sak a. cellphone pianzia te pawhin kuang an siam a, chu erawh, a order-tu duh danah a innghat. Chutianga Kuang design an chinchhuah chhan chu, Carpenter pakhat Pi a thi a, a pi chu Khawvel a fan hmaa thi a ni. Khawvel fanchhuah a tum pawh a ni maithei. Tichuan, a pi zalhna tur Kuang chu, Thlawhna (plane) pianziain a siam a. A thlarauvin khawvel a fan dawn hun a, a chuanna tur Thlawhna angin Kuang chu a ruahman a ni. Chu idea chu miin tha dangdai an lo ti ta phian mai a, Khawvel hmun hranghrang atangin Kuang design mak pui puiin an siamtir tak sup sup phah hial a ni.

5. A case of funeral Addiction :
Brazil ramah khuan, pa pakhat che dangdai leh danglam em em mai hi aawm pek a! Kum 42-a upa niin a hming chu Luis Squarisi-a a ni. An khua (town)-a Mitthi vui an awm reng rengin, hmaih nei miah lovin, a va tel ve nghal phat zel thin a ni. Mitthi vuinaa a tel kim zat zatna hi kum 20 liam ta atang tawh khan a ni a. Mitthi vui awm thut palh a, tel ve hman loh hlauvin a hnathawh atangin a bang ta hial mai a ni.
Kum 1983-a a pa a thih hnu atangin, zing takah a tho a, Radio-ah Mitthi awm leh awm loh thuthar a ngaithla a. Radio-ah mitthi awm thu puan a nih loh erawh chuan, hospitals leh chapels-ah Mitthi an awm leh awm loh hriat leh tumin, eng nge thuthar awm tiin a va call leh zel thin. Engemaw chenah that phianna pawh a awm dawn hi le!

6. Postmortem Marriages :
Ram thenkhatah chuan, mitthi ruang hi Nupui, Pasalah neih theihna dan a awm a. Mahse, Nupa Nun hmanpui erawh phal a ni lo. World war II hun lai khan, Mitthi nena inneihna dan chu France sawrkarin a passed a, a hmasa ber a ni. Hei hi, Hmeichhe tam takin, an pasal hual an chan (indonaah an thih) nasat vang pawh a ni mahna..

7. Self-Mummification :
Japan rama Buddhist monks thenkhat chuan, an thih hun atan, an thih hma daih atangin an taksa an lo sawngbawl char char reng a. Tunah hian, chutianga tih chu phalloh leh dan kalh ni tawh mah se, an la practice chhunzawm zel tho niin an sawi. Mahni taksa an in mummify dan chu, kum tam tak chhung nut leh thlaizung (root) chauh an ei a. Pottery tihtletna Poison tea an in bawk a ni. A kumtel a ral hnu chuan, an taksa thau a lo tlem zel a, room te tak teah, bawp khawkherhin an thu a. Kum tlem a vei meuh chuan, ruang tawihthei lo an lo ni ta mai thin a ni.

Advertisements
Aside | This entry was posted in Uncategorized and tagged , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s