NIZAN INKHELAH POLAND HNEHIN PORTUGAL EURO SEMI FINAL AN LUT

POSTED by Vanneihthanga Vanchhawng On July 1, 2016

Portugal leh Poland te hi hun pangngaiah 1-1 in an inhnehtawk a, extra time khelh hnuah pawh an la inhnehtawk zel avangin penalty shootout hmanga chak zawk zawn a ni ta a. Hetah hian Portugal chuan 5-3 in Poland an hneh a, Euro 2016 semi final anlut ta a ni.

Penalty-ah hian Portugal lam atanga pe ten an pet goal vek a, hetihlai hian Poland tan Blaszczykowski pet chu Portugal goalkeeper Rui Patricio chuan a lo dan hlauh avangin, vanneihna chu Portugal hnenah a tlu lut ta a ni.

First half-ah goal hnih a lut a, goal hmasa zawk hi tan atanga minute 1 leh second 47-naah a lut a. Hei hi tun Euro-a goal lut rang ber record a la ni. He goal hi 33 mins-ah kum 18 mi Bayern Munich midfielder thar Renato Sanches chuan a sut a, Sanches hian Nani tan ball petin, box chhung atangin Nani chuan Renato Sanches tan hian ball a pass let leh a, Renato chuan a ke ding lama a lak hnuah a veilamin box pawn atangin kawh takin a pet a, dan rual lohin a lut ta a ni.

Second half-ah goal a lut lo, chance tha ber Ronaldo-a’n a hmu a, hnai set sawt atangin a pet thelh hlauh. Hun pangngai a zova, 1-1 in an inhnehtawk. Extra time khelh a ni ta a, extra time-ah pawh goal a lut lo leh ta fo va, penalty shootout hmangin chak zawk zawn a ngai ta a ni.

Ronaldo, Sanches, Moutinho, Nani leh Quaresma ten Portugal tan penalty an pet goal vek a. Poland tan Lewandowski, Milik lehGlik ten an pet goal laiin Blaszczykowski pet chu Portugal goalkeeper Rui Patricio chuan a lo dan sak hlauh ta si a, 5-3 in Portugal chuan hnehna an chang ta a ni.

Semi final-ah Portugal hian Wales leh Belgium chak zawk zawk July ni 7 hian an hmachhawn dawn a ni.

Advertisements
Aside | This entry was posted in Uncategorized and tagged , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s