TZP CHUAN, GOVT KHUANGLENG HIGH SCHOOL ZIRTIRTU PA 2 AN HNA ATANGA CHAWLH LAI LAWK TIR AN NI CHU LAWMAWM AN TIH THU AN SAWI

29/6/16 : Govt. Khuangleng High School Headmaster leh a staff pakhat (Science & Mathematics zirtirtu), sawrkarin zirlaite hmakhua ngai taka an phu ang ngeia hma la a, enthlak tura suspend an ni chu Tuipuiral Zirlai Pawl (TZP), General Headquarters; Aizawl chuan lawmawm an tih thu thuchhuah siamin an tarlang.

TZP chuan , Kum hnih thum liam ta atanga tualchhung zirlai pawl leh khawtlang nu leh pate ngenna zah zo lo a, zirlai hmakhua ngaihtuah miah lo leh an hna hlen zo lo zirtirtu suspend ngai hial khawp Tuipuiral huam chhunga an awm chu lungchhiatthlak a tiin pawi a tih takzet a, an bial chhunga zirtirtu awm tha duh lo leh ruihhloa buai an awm chuan zirlaite hmakhua ngai tak chungin hma a la zel dawn a ni an ti.

TZP chuan , Govt. Khuangleng High School-ah hian Hindi teacher pahnih, English leh Social Science zirtirtu chauh an awm tak avangin Science leh Mathematics-ah zirlaite’n harsatna an tawk mek a. Govt. Khuangleng High School-ah hian Science leh Mathematics zirtirtu an nei dawn ta lo a, mumal taka zirna chhunzawm theih a nih dawn tak loh avangin sawrkarin a rang lama he harsatna hi chinfelsak turin sawrkar an ngen bawk a ni.

zirlaite harsatna hun rei tak lo thlen tawhtu Govt. Khuangleng High School Headmaster chungah hian TZP chuan rinna nghah ngam har an ti a, Headmaster hi zirna field-a awm tlak tawh lovah ngaiin, Tuipuiral huam chhung khawi School-ah mah thawhtir tawh lo turin sawrkar a ngen a; Tuipuiral huam chhung school-a dah a nih tawh loh nan theih tawpa hmalak zel an tum a ni.

Tuipuiral Zirlai Pawl (TZP) General Headquarters chuan Govt. Lianchhiari Middle School, Dungtlanga zirtirtu Ni 26.05.2016-a Govt. M/S-I, W.Phailenga transfer tura tih chu sawrkarah an harsatna leh zirtirtu indaih lohna an thlen hnuin an ngenna leh zirtirtu indaih lohnate hriat thiampuia transfer order cancel a ni chu lawmawm an ti hle a, Zirtirtu indaih lohna a nasat avangin harsatna bik a nih loh chuan Tuipuiral huam chhunga zirtirtu lak chhuahsak tawh lo hram turin sawrkar an ngen tak meuh meuh bawk a ni.

TZP chuan zirlaite tan chuan engtik lai pawhin sawrkar nena thawh dun an inpeih reng thu sawiin, sawrkarin an ngenna ngaihpawimawhsaka hetianga hmalakna duhawm tak an nei hi lawmawm an tih thu an sawi a ni.

Advertisements

About Mizo Archive

I'm the one who collect the best writings of Mizos
Aside | This entry was posted in Uncategorized and tagged , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s