Eirawngbawlna gas tih chingpen hluar lutuk ti ziaawm turin veng tin a Gas semna hmun-ah gas cylinder buk vek turin sorkar in a hriattir.

  • gas lak dawn ah buk vek tawh tur

June 29 khan eirawngbawlna gas leh tuialhthei, khawnvartui thlenga pawlhdal chungchang leh a kaihhnawih hrang hrangte sawihoin Food, Civil Supplies & Consumer Affairs Department Secretary Dr. Franklin Laltinkhuma kaihhruaiin meeting neih a ni a. He hunah hian Sorkar hnathawk Department hrang hrang ami te leh Local Council Association, CYMA, MCU leh Gas Distribution Association hruaitute an tel a ni.

Meeting-ah hian kalkhawmte chuan resolution siamin, thil felhlel hrang hrang sutkian dan tur an pass a, chung zingah chuan, Veng tin a Gas Distribution Point-ah gas cylinder buknaah a tling lo chu a distributor ten an la let leh ang a, Company-ah an thawn let leh tur a ni. An thawn letna lehkha copy chu Supply Department hnenah an pe ang a, Buk tlinglo chu customer-te hnenah sem theih a ni lo vang, an ti a, Gas Distributor ten a transporter-te hnen atanga gas an dawnin uluk takin an buk ang a. Distribution point-a buk tlinglo hi distributor-te mawh a ni an ti bawk a, Dan in a phut anga India ram hmun danga an tihdan angin Advance Booking ti turin, Pilot Project angin veng pakhatah enchhin nise an ti bawk.

Meeting chuan, hmun hrang hranga LPG siam danglam leh khawih chingpen awm thin chu a lo ziaawm theih nana hmalak dan tur te, LPG Consumer-te cash subsidy dawng thalo engemawzat la awm ten mumal zawk an dawn theih dan tur ngaihtuah leh, khua leh veng zawng zawngah rualkhai taka LPGsem a nih theih nana hmalak dan tur te sawiho a ni a. POL chungchangah black market-a hralh leh pawlh dal a khawih chingpen thin chu khuahkhirhtute lamah thawktu indaihlohna awm mah se, awmze nei zawk tura hma lak theih dan tur sawiho a ni bawk.

Advertisements
Aside | This entry was posted in Zoram Crimes and Accidents and tagged , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s