BAGHDAD BOMB PUAKAH MI 82 THI

POSTED by Kiddy Vanchhawng On July 3, 2016

Jul 2, 2016, zan (Inrinni zan) zanlaia Iraq khawpui, Baghdad-a bomb hmunhnih puakah mi 82 vel an thi a, heng bomb te hi avai deuhthawin mihring tamna, Muslim te chawnghei thla, Ramzan lawmna atana an bazar-na hmun te a puak a ni.

Motor lian (truck-refrigerator) puak thei thil phur pakhat chu Karrada hmunah tihpuah a ni a, hetah hian mi 80 vel thiin midang 200 bawr velin hliam an tuar a, he thilah hian Islamic State te chuan Sunni group supportr hmangin online lamah thuchhuah siamin an tih ngei niin an sawi a, suicide bombing niin an sawi bawk.

Muslim chawnghei thla, Ramzan lai hian mipui nawlpui te hian zan tlaiah chaw an ei thin avangin bomb puah hunlai hi Karrada-a mi tam vanglai tak a ni.

Social media lam video an dahchhuahah chuan Karrada kawtthler hi meipui nasa takin a tuam a, Reuters TV footage, tukin lama tihchhuahah pawh helai hmuna building 4 chu an chhe hneh hle a, a tlusawp deuh nulh a ni.

Hetihlai hian nizan zanlai vek khan al-Shaab market, Shi’ite district lar tak kawngsirah pawh bomb hi tihpuah a ni a, he bomb puakah hian mi 2 in nunna an chan bawk niin police leh medical lam chuan an sawi.

Advertisements
Aside | This entry was posted in Uncategorized and tagged , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s