BATTLE OF LUNGDAI KAWN

An tel ve a ni tih pawh an sawi ngam loh khawp a hun hlauhawm an tawn kha, kan tan chuan ngaihnawm mai a ni ta.

Thal favang thli fim tleh heuh heuh bak hriat tur a awm lo a, thinlung chhung erawh a ri muai muai a ni ber mai a,nakin lawkah silai mu ri tluar tluar chuan boruak rek tak chu a rawn chhung khat dawn tih hre ran chung chuan, tlang bawk pathum inhnaih tak tak ah chuan Mizo sipai te chuan Vai sipai ration la haw lam chu lo lam bun tumin an lo chang thap mai a. An tanhmun a rem bawk a, an thla a muang kher mai.

He inkahna hi October,1966 a Dungtlang khua a thleng a ni. An inkah tum hian Mizo silai neih chu Rifle sawmnga vel leh LMG pahnih a ni a, mi 70 vel zet an ni bawk. Vai sipai lam pawh 70 vel bawk an ni a,Vaphai a inkulh an ni. An commander Sikh palian sual zet mai hi a awm a, an lambun chhan pawh he Sikh pa hi ni ber in an sawi. Vai sipai ah hian Mizo pahnih an tang ve a, Mizo rilru chu an pu lo hle a ni.

Tichuan, tlang bawk hmasa ber(tun a High school tlang kan tih) ah chuan Mizo sipai,ralthuam keng lo ho chuan an lo chang a, a piah leh feet 80 vel a hla tlang(tun a Bethelna tlang) ah chuan LMG pakhat keng leh Rifle keng mi 20 rual chuan an lo chang ve leh a, piah ber tlang (tun a Police mual kan tih) ah chuan LMG pakhat leh Rifle keng mi 20 chuang te chuan an lo chang ve bawk a, Hmelma sipai te tan a tlanchhiat na awm chhun chu kham vek a ni. Tichuan awmhmun te an han rem fel a,Vai sipai te chu an lo chang ta.

Rei a rial hman lo,Vai sipaite chu an lo thleng thuai a,metre 50-60 bawr vel a an lambun na tur hmun an la rawn theng lo tih ah chuan a kal hmasa ber chu a rawn faifuk phei rat rat mai a, a chezia a trang chuan a thla amuang tih a hmuh thei a, chu chuan LMG keng tu Pa Buanga thin ati so ta a le,a tre a trening lo ta na fam chuan rlru fim pu zo lovin a tlir phei ta hmiah mai ah, a thal chiang kher mai.

Rei ngial an in kah hnu chuan,Mizo sipai te chuan an tlawm leh tlawm loh an han zawt a,Vai sipai a trang Mizo pahnih te chuan an tlawm loh thu in an lo chhang a, tichuan, a ralthuam nei chhe zawk Mizo pasalthra te chu an in saseng ta a ni.

He inkahna ah hian vai sipai pasarih kah hlum an ni a, Sabengtung pahnih leh sakawr sawm vel kah hlum an ni bawk. Pa Buanga hian kap hma lutuk lo sela chuan, heng vai sipai te hi an kap hlum vek tur a ngaih a ni. An inkahna hmun ah hian kal mai an phal loh avangin ni thum hnu vel ah Dungtlang khaw mipuite chuan Vai sipai ruangte chuan phum thra a ni. Vai sipai pakhat erawh a hnu ni sawm vel ah Paite mual kawng ah thi a chhar a ni.

A bik takin Pa Buanga hi a ropui ang reng hle a,Vai sipai tawnglettu ni chung a, MNF sipai ni thei a ni a, amaherawh chu hektu a neih avangin, he inkahna a a khai pa ber a ni tih an hre ru ta a, a muttui lai kaitho in a in kawt ah ngei kahhlum a ni. A ruang hi tah ngam an awm lo a,a nupui ngei pawhin a trah ngam trawk a ni.


Pic: 30.6.16 a he inkahna hmuna silaimu ka chhar te an ni.

Advertisements

About Mizo Archive

I'm the one who collect the best writings of Mizos
Aside | This entry was posted in Zoram History and tagged , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s