FBI-IN HILLARY CLINTON THU AN ZAWT FIAH TA : JAIL-AH CHAW AN CHHUM KEP RIH LO

POSTED by Ct Lalrinawma On July 4, 2016

July 2 Inrinni khan Hillary Clinton chu FBI Hrs, Washington ah darkar 3 chuang FBI mi 8 leh Justice Dept aiawhten a private email server chungchangah thu an zawt fiah ta. Hillary hi a Ukil David E. Kendall, Cheryl D.Mills leh Heather Samuelson ten an tawiawm.

Tun thlaah Democratic party chuan Philadelphia ah National Convention neiin, an US presidential candidate tur hi official takin an puang dawn a; chumi hma chuan a dinhmun hi chin fel a ngai a ni. Benghazi, Libya a US diplomats 4 thihnaah erawh a thiamloh engmah a awmlo, tih report tawh a ni.

Hetianga FBI meuh thu zawh ngai ta chuan mipui beng a verh hle a; mahse, he thil hi “civil” leh ” business” thil ang chauhva sawi a ni thung. Mahse, Republican Party erawh chuan Inrinni vek khan thuchhuah siamin, “Hetianga major party meuh US president nih tum criminal investigation vanga chhui leh interview a la awm ngai lo, a va pawi em” tiin thu an chhuah. Hillary hi jail lamah chuan chaw an la chhum kep rih lo.

Donald Trump chuan Twitter ah, “FBI te chuan thiamloh an chan tir a rinawm loh ve. Enge thil nge a tihsual tak le!” tiin, a ti el bawk.

Nilaini khan Quinnipac University poll ah Donald Trump nge Hillary Clinton rinawm zawk ang tih chu 45% chuan Trump chu mi rintlak (trustworthy) zawk ang an tih laiin, Hillary chuan 37% a hmu. Hillary hian sorkar lehkha pawimawh classifed informations te chu a private email server ah a chenna Chappaqua, New York ah (Secy of State a nih laiin) a lo thawn darhin a hmang mai thin a; hei hian US security a tiderthawng em tih chu US Congressional chuan chhui an phut a, Sept 11, 2012 a Benghazi thil thleng nen an chhui ta a ni.

A tirah a private server a emails 30,000 a lo thawn thin chu “Thupha leh ngaihdam dilna tur a awmlo” a tih vel hlaih hlaih llaiin, a hnuah “Ka lo tisual palh” tiin a sawi leh si a ni.

FBI Hqrs thu an zawh fiah hnuin vantlang hmaah a inlan lova, mahse, a pasal Bill Clinton nen New York hmun Wayne Cole a che tlatna “Dirty Broadway” lama Hamilton ah hmuh an ni. Mi ram chuan an hruaitu turte hi an ulukin, dawt sawi zil zel chi an ni em? Ram dan ding lai an zah em tih uluk takin an chhuiin an chhut thin. US Attorney General Loretta E.Lynch chu kar hmasa khan Bill Clinton nen Phoenic airport ah an inhmu a, hei hian ti ti a ti tam hle a; sawisel a hlawh bawk. Mahse, politics thil niin an sawi lo. Enge an sawi hriat a ni lova, tum loh deuhva inhmu pawh an ni thei. Mahse Lynch hian Hillary chu criminal charge pe mah se, a pawm dawn lo nge tih zawhna awm chu, “FBI emaw Prosecutor ten charge an pek chuan ka pawm ang. Tun hnuah chuan hetiang hian ka hmu leh tawh ngai lovang” a ti chhuak.

Federal law angin, hrereng chunga classifed information te sorkar tih dan phung piah lama lo hmang emaw thawn a nih chuan, dan palzutna leh ngaihzamna (gross negligence) ah puhin, criminal charge awm thei a ni.

Mizoramah politician leh sorkar hnathawkten Dan kal lai piah lama palzutna leh ngaihthah leh ngaihzamna an nei ve thinin kan hria em?

Advertisements
Aside | This entry was posted in World News and tagged , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s