PU LALRUATKIMA, MLA HI A PANGNGAILO : CHALROSANGA MLA

  • ‘sebawngno inbia ang tih kan hlau’ : MNF
  • NLUP hi khawvela Policy tha ber a ni : Lalthanhawla

July Ni 1, 2016 (Zirtawpni) khan Congress Party chuan Congress Bhavan Golden Hall ah Political Session neiin Pu Lal Thanhawla, Chief Minister leh Pu Chalrosanga, MLA te’n thusawina hun an nei.

MPCC Party President leh Chief Minister ni bawk Pu Lal Thanhawla chuan “NLUP hi a hlawhtling hle a, khawvela Policy tha ber a ni. America rama University atangte pawhin zirchiang turin an rawn kal tawh a, UNO peng pali te pawhin thawhpui ah min rawn sawmin kan thawhpui mek a. Tin, Godrej Company leh Tata Trust te nen pawh kan thawk ho mek a ni. NLUP chhunzawm nan NEDP hi kan hmang dawn a. NEDP in a tum ber chu Sustainable a nih theih nan a hmalak hi a ni” a ti.

Manipur Tribal Bill chungchangah Manipur Zohnahthlak te thlavang hauhin President hnenah pawh Tribal Bill hi pawmsak lo turin ka ngenpui a, President hian he Tribal Bill hi a pawmsak ta lo nghe nghe a ni, a ti.

Pu Hawla chuan, Remna Ni chung chungchang sawiin Remna Ni kan hman zawh takah khan Remna leh Muanna a awm theih nana Lal thutthleng kan ken chungchang tuman sawi chhuak duh loh mah se Khawvelin a hre tho a ni. MNF hruaitute ramhnuai atanga an rawn haw khan “Kan awm loh hlanin Sebawngno in lo bia ang tih kan hlau” tiin ramhnuai atanga an rawn chhuah khan an sawi a. Khang thu sawitu MNF hotu te khan Kohhran hi an hmusit hle a ni, a ti bawk.

Pu Chalrosanga, MLA pawhin thusawiin tunhnaia Congress MLA 11 ten CM hnena lehkha an pek chungchang sawiin NEDP a hmasawnna tur nia kan hriat rawtna kan thlen a, lungawilohna kan nei lo. Chief Minister chauh kan hmu lova, kan Home Minister Pu R. Lalzirliana leh Finance Minister Pu Lalsawta te pawh kan hmu a, an ni chuan NEDP hmalak dan tura an ruahmanna te pawh min lo hrilh a, kan hlim hle zawk a ni, a ti.

Hemi chungchangah Pu Lalruatkima, MNF MLA nena Phone-a kan inbiakna ah fiamthu in “Porfolio siksawi chungchangte pawh kan sawi mai thei” tia thiantha inbiakna mai mai a ka ngaih laiin an party office Hnam Run atanga Press Release siama thu belh chiandawl lo an rawn ti chhuak ta kha mi pangngai tura ka lo ngaih Pu Lalruatkima, MLA meuh hi a lo pangngai lo a ni tih ka hrechhuak a ni. Kan inbiaknaa a sawi “MNF ten Sorkarna Term 2-na an hman mek lai khan Portfolio siksawi an ngaihzia leh Pu Tawnluia pawh PHE Department a chang rei lutuk” tia a sawi te kha fiamthu nge fiamthu lo tih pawh a hriat loh thu Pu Chalrosanga chuan a sawi.

Vawiin Political Session hi Pu RL Vala, Ex- Minister, MPCC General Secretary chuan a kaihhruai a, Pu Lianhleia, MPCC Media Department chuan Media Report pekna hun a nei bawk a ni

Advertisements
Aside | This entry was posted in Uncategorized and tagged , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s