US Dollar bil hlutna hi engtia chhut nge a nih?

POSTED by Lalremliana Pachuau On July 4, 2016

  • Eng ram pawisa nge hlu ber
  • Us dollar hlut chhan
  • Pawisa siam teuh that lohna
Khawvel ram tina an pawisa hi engtia hlutna neia lo awm ta mai nge? Engvangin nge India pawisa Rupee aia US Dollar chu a hlut zawkna chhan? Engti tiha lehkha them ve mai mai chuan hlutna hlu tak a lo neih tak mai? Tu thuin nge pawisa hlutna chhut a nih a, engvangin nge chu thutlukna chu khawvelin a pawmpui tak mai?

Pawisa hlu ber :

Tunhma chuan khawvel ram hrang hranga an pawisa hlutna hi an bungrua – Rangkachak, Silver leh Oil Reserve (dahṭhat) etc hmanga zawm a ni ṭhin. Tunlai khawvela pawisa hlu ber chu Kuwaiti Dinar niin Dinar 1 hian US $ 3.28 a tluk. Engvang nge kan tih chuan an Oil ngah vang leh oil mamawhna (demand) a san reng vang a ni. A dawt lehah chuan Bahraini Dinar niin an Dinar 1 hian US $ 2.65 a tluk a ni. A dawt lehah chuan Omani Rial niin Rial 1 hian US $ 2.60 a tluk bawk.

US pawisa hlutna tehdan :

US chuan kum 1971 khan heng bungrua hmanga an ram pawisa hlutna teh hi bansanin Dollar chu Fiat Money tih a lo ni ta a ni. Fiat Money chuan rangkachak, silver leh oil nena inzawmna a nei ta lova, heng bungrua hmang hian pawisa hlutna chhut a ni ta lova ni. Fiat Money chu US Gov’t Policy-ah innghatin an policy a zirin pawisa note engzat nge print tur tihah thutlukna an siam ta ṭhin a ni.

Khawvela pawisa zawng zawng hi fiat money a ni mai tih hi a dik zet mai. US hian a hma kha chuan rangkachak a neih hmangin a pawisa hlutna kha a bituk mai ţhin kan ti a. Tun hnuah erawh Sawrkar Policy, ramchhung leh pawn nena an inlaichinna milin pawisa note a siam a, chu pawisa note hlutna chu a policy a zira supply leh demand inlaichinna milin kha pawisa note hlutna kha bituk a ni ta ţhin a ni. Khawih theih bungrua hmang tawh lova pawisa note an siam, hlutna nei hi fiat money kan tih chu a ni ta a ni.

US Monetary Policy chu Independent Federal Reserve System an tih mai, US ramchhûnga Regional Bank 12 ten an siam niin Board of Governor te chu US President in a ruat a, Senate in an pawmpuite an ni ta a ni. Heng Governor te hian US dân siam khawl Congress hnenah report an pe ta ṭhin a ni. FED in hlawkna a neih zawng zwngte chu US Treasury-ah chhun luh an ni ṭhin. Federal Reserve hi politics thila miin an thunun mai theih loh nan Sawrkar hnuaia eng Branch thuhnuaiah mah a awm lo bawk.

Chuti anih si chuan FED chuan engvangin nge pawisa tam tham tak a print phalna a pêk mai loh? A chhan chu dollar khan hlutna reng reng a neih dawn loh vang a ni. Pawisa lo awm chhan han ngaihtuah teh le. Thil dang nena inthlengna atâna hman tur a siam kha a ni a. Goods & Services aia tam daih pawisa supply lo awm ta se, i chhut thiam em? Total amount of currency circulation kha total value of goods & services aia a punchak chuan miin tunhma aiin goods & services (mipui mamawh)kha a lei tam thei lovin a lei tlem thei tulh tulh dawn a ni.

Hmanah an sawi ṭhin, France khuan pawisa a print vak mai a. Chhangthawp pakhat lei turin êm khat tlat pawisa a ngai an tih ṭhin kha. Hei taka hi Economic Term-ah chuan Inflation (pawisa thehdarh tam chiam vanga thil man to) kan tih chu a lo ni ta a ni. Kawng lehlamah thung chuan pawisa supply kha pangngai reng se, goods & services siamchhuah kha tam ta thur thur thung se, dollar hlutna kha Deflation an tih hmangin a pung ta thung ṭhin a ni.

Anih leh khawi chu nge ṭha lo zawk? Inflation nge Deflation?

Economist te chuan Inflation leh Deflation uchuak tak chu tu tân mah a ṭha lo ve ve an ti ṭhin. Economy a lo ṭhanlen theihnân Inflation lian tham lo neih hi a pawimawh a, chuvang chuan FED hian Economic Data tam tham tak mai la khawmin an zirchiang reng ta ṭhin a ni. Chung Data zingah chuan a hmalawka Inflation Rate te, International Trends (khawvel pum huapa a awn lam) leh Unemployment Rate (hnathawh tur nei lo)aṭangin pawisa thehdarh (circulate) zat tur awm ang an chhutchhuak ta ṭhin a ni.

Ram leh ram inkâra pawisa hlutna chhut dan :

Ram pahnih inkâra pawisa hlutna an chhut dan chu Demand leh supply kaltlangin a ni a, chu an inlaichinna mil chuan pawisa note hlutna pawh an chhut bawk ṭhin kan tih tawh kha. US a Ford motor i lei duh anih chuan India pawisa rupee hmangin i lei thei lo. US Dollar-ah i thleng phawt a ngai a, Europe ram pawn Eurokha dollar-ah an thleng a ngai hmasa phawt a ni. US chu Car siamchhuahna hmunpui lian anih siah chuan US Dollar hmanga car lei duh an lo tam a, dollar demand a lo sangin a hlu ta sawt tihna a lo ni.

India ramah chuan RBI hi Interest Rate (RBI aṭanga sum pukna %) siamtu ber a ni a, a duh chuan a tisangin a tihniam thei. A tihsan chuan ramchhûnga chengte tân pawisa pukna rate a sang sawt a, pawisa lengvak a tlem phah ṭhin. A tihniam erawh chuan pawisa lengvak a tam phah a, mahse chu chu Foreign Investor tân a hlawk lo sawt ta ṭhin a ni. Chu chuan India pawisa hlutna ramdang pawisa lakah a tihniam ta ṭhin a ni. Chuvang chuan India pawisa kha an ram pawisaa an rawn thleng duh miau loh avangin supply a tlem ta a lo ni.

Advertisements
Aside | This entry was posted in General Knowledge and tagged , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s