SUAL NGAIHDAM THEIH LOH, THLARAU THIANGHLIM MEUH SAWI CHHIA TIH HI ENG NGE A AWMZIA?

  • Pathian sawichhia awmzia
  • Thlarau Thianghlim sawichhia awmzia
  • Sual ngaihdam theih loh

1. BIBLE IN ENGTIN NGE A SAWI?:
Thlarau Thianghlim sawi chhiatna chu sual ngaihdam theih loh a nih chungchang hi hengah te hian ziahlan a ni a:

Matthew 12:31-32 “Chuvangin, ka ti a che u, mi an sualna tinrengah leh an Pathian sawichhiatna tinrengah chuan, ngaihdam an ni ang: Thlarau meuh sawichhiatna erawh chu ngaihdamsak a ni lo vang. Tin, tupawh mihring Fapa sawisel apiangte chu, an sawiselna chu ngaihdamsak a ni ang; tupawh Thlarau Thianghlim meuh sawisel apiang erawh chu, an sawiselna chu tun dam chhungah pawh, hun lo la thleng turah pawh ngaihdamsak a ni lo vang.
Mark 3:28-29 Tih tak meuhvin ka hrilh a che u. Mihring fate hi an sualna zawng zawngah leh Pathian sawichhiatna kawngah engah pawh an sawichhiatnaahte chuan ngaihdam an ni ang; tupawh Thlarau Thianghlim meuh sawichhia erawh chuan engtikah mah ngaihdamna a hmu lo vang a, chatuan sualna kawngah chuan thiam lohvin a lo awm zawk ang,” a ti a.
Luke 12:10 Tin, Mihring Fapa sawisel apiangte chu an sawiselna chu ngaihdamsak a ni ang; Thlarau Thianghlim meuh sawichhia erawh chu a sawichhiatna chu ngaihdamsak a ni lo vang.

A hmasa berin, Bible ah hian, Pathian sawichhia tih leh, “Pathian hming sawichhia” tih thute hi a ziak lang fo tih hre phawt ila…
Chuta tang chuan, “Thlarau Thianghlim sawichhia” tih awmzia hi, “Thlarau Thianghlim hming sawi chhia” tihna ni kher lovin (sawi chhe turin a hming pawh kan hre hek lo a); “Thlarau Thianghlim hnathawh sawichhia” tihna a ni a.

2. PATHIAN SAWI CHHIA TIH CHU ENG NGE A AWMZIA?

Bible vekin min zirtirah chuan, Pathian sawi chhiatna chu, Pathian thupek awih duh lohna sual hi a ni a..
Davida pawhin Uria nupui a uire lai khan, Zawlnei Nathana’n a zilhnaah khan Pathian sawi chhiatna chungchang a lang a.
2 Samuel 12:14 Amaherawhchu he i thiltih hian Pathian sawichiatna remchang tak LALPA hmêlmate tan i siam avângin naupang i laka piang chu a thi ngei ngei ang, a ti a.
Israel fate’n Pathian thupek an awih loh a, zawlneite’n an zilh a piangin, Pathian hming tibawrhbang, Pathian hming tichhia case an awrhtir thin bawk a ni.
Rinna chu tawngkam mai ni lo, thiltihah a lang chhuak thin a, rin lohna pawh thiltih hmang bawkin a lang chhuak thin..

Hei vang hian thufing lar takah pawh, “Actions speak louder than words” (Kan thiltih hian kan thusawi aiin thu a sawi ring zawk e tihna tluk) an lo ti thin a ni.
Messia lo lan hmaa, Thuthlung Hlui huna mite reng rengin, Pathian an sawichhiatna chu, “Pathian dan leh thupek an bawhchhiatna” zel kha a ni e.

Tichuan, Yahshua Messia a lo lang ta a.. Pathian sawichhiatna leh Pathian fapa sawi chhiatna (Pathian leh a fapa thu awih duh lohna) sual chu, ngaihdam theih an la nih thu a rawn sawi chhuak a, Thlarau Thianghlim meuh sawichhia (Thlarau Thianghlim hnathawh awih duh lo, Thlarau Thianghlim zirtirna pawm duh lo) te chu ngaihdam theih an nih tak loh thu a rawn sawi ta a..
Hei tak hi kan enchik a ngai ta a nih chu.

3. PATHIAN SAWI CHHIATNA LEH FAPA SAWI CHHIATNA NGAIHDAM THEIH A NIH NACHHAN:

Hemi awmzia hrethiam tur chuan, thil thleng (events) indawt angin zu thlir ila, a fiah daih dawn a ni.

Pathian sawichhe tawhte (Pathian dan leh thupek bawhchhe tawhte) leh, Pathian fapa sawichhe tawhte (Pathian fapa zirtirna leh thupek, Messia lo len hun laia awih duh lote) ho zawng zawng kha engvanga ngaihdam theih nge an nih le?

A chhanna pakhat chauh a awm thei.. Chung mite ho, Pathian leh a fapa sawichhe tawhtute (an thu awih duh lotute) sualna chu, “Messia thisen chhuak khan an sual ngaihdamna a puansak vek tawh a vang leh, an sualna avanga Messia thihna khan an sual ngaihdamna a rawn puan tak vang” a ni.

A nih leh, Thlarau Thianghlim sawi chhia (Thlarau Thianghlim hnathawh leh zirtirna pawm duh lote) ngaihdam theih loh an nih tak nachhan chu eng nge a chhan ni ta bik ang le?
A chhanna chu, Misualte (Pathian leh fapa thuawih duh lote) tana Messia’n a thisen a hlansak hnuah, *an tan sual thawina thisen hlan tur a awm tawh loh vang* a ni a. Chumi awmzia chu, Messia khan an sual man a peksak nawn dawn tawh lo tihna a

Advertisements

About Mizo Archive

I'm the one who collect the best writings of Mizos
Aside | This entry was posted in Pathian Thu and tagged , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s