Chhiah Awl ruk thubuai ah Messi in thiamloh chang

POSTED by Vanlalruatliana Renthlei On July 6, 2016

Argentina leh Barcelona footballer Lionel Messi chu Vawiin Nilaini khan chhiah awl ruk thubuai ah thiamloh a chang a, thla 21 jail tang turin a Chung Thu rel sak a ni.
.
Messi leh a pa Jorge Messi te hian tum 3 zet chhiah an pek tur an pe lo tih hriat chhuah a ni a, Hei Vang hian Spain Sorkar chuan thubuai a siamsak ta a ni.

Messi hian a sum khawih turin a pa Jorge Messi hi a ring tawp a, amah hian engmah a hriatpui lo niin court a hrilh a. “Pawisa chungchang engmah ka hre lo, chhiah ka pek leh pek loh pawh ka ngaihven ngai lo, Ball ka pet tawp a, a bak chu ka khawih ve ngai lo” tiin court a hrilh a ni.

A pa Jorge Messi pawh kum 2007-2009 khan chhiah pek tur Euro maktaduai 4.1 zet a pe lo tih hriat a ni a, Belize leh Uruguay ah chhiah awl rukna ah an inhnamhnawih tih pawh hriat a ni bawk a. Heng chungchang hi court ah Jorge Messi chuan “hetiang thil ti tur hian ka fing tawk lova, ka tih a ni lo, ka tax consultant te thiamloh zawk a ni” tiin a tang a. Mahse court hian a pawmsak ta chuang lova ni.

Messi te pafa hian jail an tang dawn lo thung a. Spain ram danah Criminal case emaw thil pawimawh bik a nih loh chuan ‘kum 2 (thla 24) aia rei lo ‘ chu jail an tan kher a ngai lova. Jail an tang lovang a, Messi pawh football a pet chhunzawm zel ang.

Vawiin a Barcelona court Thu tlukna ah chuan Messi hian Euro maktaduai 2 aia tam a chawi ang a, a pa hian maktaduai 1.5 aia tam a chawi bawk ang a, ‘an chhiah pek loh te an rul dawn leh dawn loh’ an tarlang lo thung.

Messi hi World Player of the year vawi 5 a ni tawh a, khawvel Infiammi Hausa ah a hming a lang pha reng zel bawk. Copa America ah final ah Chile nen intumin Penalty ah an hneh lova, Messi hian penalty a hlah nghe nghe a, a rilru hrehawm lutuk in ram tana football a chawlhsan nghe nghe a ni.

Advertisements
Aside | This entry was posted in Sport News, Top News and tagged , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s