COLLEGE VENG INKANG KHA.

5th July, 2016 chhun dar 12 vel khan Aizawl, College veng a Pu Lalbiakchunga (Machunga) In chu bungrua engmah chuh hman lohin a kang.Pu Lalbiakchunga (Machunga) S/o. Pu Dunchhunga(L) te In hi Assam Type, a beam leh slab thenkhat cement a ni a, nimin chhun dar 12 vel khan in an chhuahsan zawk hlanin kangmei hi a chhuak a ni.

Kangmei chhuah chhan hi hriat a ni lo a, kangmei a chhuah hiana chak hle a, veng chhung mi tlawmngai ten nasa takin an thelh a, mahse bungrua engmah chuh hman a ni lo a, Fire Service te an thleng vat a, In hnuai Machunga unaute pahnih Lalhmangaiha leh Remruata te In a kan kai hmain thelh hman a ni.

In kang bulah hian Rev. Saiaithanga School a awm a, school naupang ten inhnuai chhungkaw hnih te bungrua hi chu an thiar chhuah sak hman deuh vek a ni. Kangmei chhuah atanga darkar chanve vel hnuah thelh mih fel a ni.

He In kang avang hian mihring thi leh hliam an awm lo a, mi tlawmngaiten kangmeiin a tihchhiat senghawi hna an thawk a, nizan khan Local Council hovin khawtlang hotuten hmalak dan tur an ngaihtuah a ni.

Bialtu MLA Pu R.Vanlalvena, Councillor Pu C.Lalsawivunga, AMC Dy. Mayor te leh DC Office lam atangin official ten an tlawh a, tanpuina awm thei ang ang an ngaihtuah sak nghal a ni.

Advertisements
Aside | This entry was posted in Zoram Crimes and Accidents and tagged , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s