EU ATANGA BRITAIN LAK HRAN DUHTU BER NIGEL FARAGE A BANG

POSTED by Ct Lalrinawma On July 5, 2016

July 4 ah EU atanga UK lak chhuah tumtu, hmuipuipu ber leh chumi thil tum vanga UK Independent Party (Ukip) dintu leh hruaitu Nigel Farage chuan hruaitu anihna atanga a ban thu a puang. Nigel Farage hi a ngaihsawm hle.Nigel Farage (52) chuan hruaitu-party hruaitu nihna a ban chhan sawiin, “Politic thila ka thil tum ber (political ambition) chu ka tihlawhtling ta. Ka theih tawpa tha berin EU atanga Britain chhuah tir hi ka tum ngar ngar a ni a, EU referendum ah Brexit ka hlawhtlin pui ta a ni. MP chu ka la ni zel ang a; he Ukip hi midangin hruai ve tawh se” a ti.

Hetianga politician thil tum nei ran, hruaitu nih zel tumlo, “ram leh hnam tan” amahni thil tum chiang politician/MLA hi Mizoramin a mamawh. Nigel Farage hian tum 3 lai chu UK Independent Party (Ukip) hruaitua an thlan hnuin a lo bang (resign) tawh thin a; mahse, party mipuiten an nawr luiin hruaitu nihna a chelh leh thin a ni. Farage chuan, “Mipui ngaihdan lakna-referenduma ka lo sawi thin angin, kan ram chu European Union atanga lak let hi ka duh ber a, ka hlawhtlin pui ta. Tunah chuan ka nun hi lak let ka duh a ni” tiin, Brexit hnuah hruaitu tharten ngaihtuahna thar nen hma an lak a ngai a ni” a ti.

Britain-a Eptu Labor party MP’s 200 chuang te pawh an party hruaitu MP JeremyCorbyn chu bang turin an nawr mek a, Corbyn hian party mipui thlan ka ni a, no-confidence vote vanga MP rualte paih theih ka ni lo, hruaitu atan min thlangtu party mipui 60% te kha zahawm ka ti a ni” tiin asawi a, mahse, nimin zingah Dy Leaders Tom Watson chuan Corbyn hi hmu in, mipui thlawp i lawh tawh lo, tiin bang mai turin a hrilh.

Nakum France ram inthlan huna chak tura ngaih Alain Juppe chuan London tlawhin, “Britan chuan EU hi a theih anga rang, hman hmawha a chhuahsan a tul. Britain dinhmun chianglova awmna chuan market leh economy thannaah a tisukukin a tithuanawp thei ani” a ti. Alain Juppe hian France rama center-right-wing party French president Nicolas Sarkozy hruaitu nihna a hneh vangin, nakuma an ram inthlan puiah an chak an ring.

Conservative Party an la buai phah zel :
British PM David Cameron chuan a mipuite leh party mipui pawh a hmin zawh tak loh vangin hruaitu a nihna leh prime minister a nihna chu Brexit hnu June 23 ah a bang tur thupuangin, Conservative (Tory) party atangin tuin nge thlak ang tiin, an zawng mek.

PM leh Tory party hruaitu turin mi 5 chuan hming an pe lut ta- Theresa May, Andrea Leadsom, Michael Gove, Liam Fox; an zingah Home Secy Theresa May leh Energy Minister Andrea Leadsom te hian inbei/ buk ber tura ngaih an ni.

London Mayor hlui, theihtawpa Brexit campaigner Boris Johnson chu Tory party leh PM nichho tura ngaihber a nih laiin, a campaign laia a thawhpui ber Micheal Gove, Energy Secy chuan thlawp duh lovin, amah Gove chu “hruaitu leh prime minister”tha ber tura inhria in, candidate a chuh ta thut si khan Boris Johnson chu last-minute ah hming a pe lut ve duh ta lova; hruaitu chuh a tumlo tih a puang ta thut mai a, mi tam tak a barakhaih.

Boris Johnson hian Micheal Gove chu thlawp duh bik lovin, Andrea Leadsom chu “Brexit hruaituah a tha ber ang” tiin a puang veleh ta. Leadsom chuan Tory MP ho-Westminster ah, PM anih chuan Sept thla atangin EU chhuahsan tura hmalak nghal tiamin, nakum 2017 nipui hunah chuan EU kan chhuahsan fel ang tih a tiam. July 4 a thusawiah, “Refendum thutlukna chu history atana hun reilote chhunga thutlukna lo thleng a ni a, kan zah tur a ni, kei pawhin ka zah em em. Berlin Wall bang chim hnua Europe rama thil thleng danglam a ni.

Result kha thutawp (final) a ni. UK chuan a duh angin EU a chhuahsan anga; EU chu a thian tha zelang. Zalen taka zinvei vahna leh pem velna (freedom of movement and immigration) chu a tawp anga, EU ni lovin British Parliament-in engzat nge he rama lo lut tur leh zin tur zat chu thutlukna a siam ang. He laia EU ram mi leh sa awm leh hnathawkte chuan dikna kan vawn him sak ang” a ti.Andrea Leadsom chuan Brexit hnua UK sorkar leh ram chu Brexiter ngeiin an hruai tur a ni ati. Theresa May hi MP’s 100 rualin an thlawp a, mahse, PM David Cameron pawl Brexit duhlotu kha a ni. Tory party ah hian Brexit hnuah chiaina (Brexit hysteria) nasa takin a thleng mek a niber !Germany chuan British thalaite chu Germany ah khualehtui nih theihna pek an duh tih an puang. Brexit vangin EU ram 27 ah an duhduhin Britons ho chu an zinin, pem kual thei dawn tawh biklo a ni.

Eternal City-Rome khawpuia hmeichhe Mayor hmasaber tura June thlaa thlan Five Star Movement party Virgina Raggi chuan, EU hian reform an mamawha, EU chu a insiamthat a ngai, a ti. italy hian remchangah Consitution referendum an nei dawn a; hei hian EU chhuahsan duhna a siam phah thei.

EU hian reform an mamawh :

Far-right politician tam tak Britain, France leh Europe ram thenkhat amite chuan EU kal phung hi siamthat (reform) tul an ti a; an insiam that loh chuan EU’s block 27 te pawhin Brexit angin EU chhuahsan an la rawn duh zel thei tlat. Bram 28 te chuan EU ram ropui an din a, mahse, kal phung diklo hlek hlek vangin buai rukna ( frustrations) a siam sak a tih theih awm e.British mipuite chuan EU ram dang atanga a huhova ramsa pem ang maia pem thin khuahkhirh ( restrict immigration) an duh a. Chutiangin Italy hmuna FiveStar Movement party thar chuan an economy that loh vangin, an ram pawisa ngai Lira chu Euro aiah hman an duh bawk. France ah lah far-right party Front National hotunu Marie Le Pen chuan, “Kan economy thihna, kan khawtlang ( social welfare system) leh kan nihna (identy) thihna” tiin, EU hi an duhlo tih sawiin, President thlanah an chak chuan Frexit buatsaih an tum.

EU Council :
EU ah hian a inrelbawlna ruhrel (main’s insitutions) chu EU Council an ti a, ram 28 atanga siam a ni. Mahse, mipuiten direct-in an thlang lo. Politic thila siam (political compromise) satliah a ni mai.

EU Commission :
Hei hian trade agreement, anti-trustrules leh legislation rawttu leh enforce tu ber a ni.

EU Commission President hi mipuiten direct-a an thlan a ni lo bawk. EU Parliament member 751 ten an thlan a ni. Heta thlan chhuahte hian an Union budget chu control theihna tawp (limit) chin an neih vangin, Parliament chaklo a siam phah a; EU kal phung chu a thunun zo meuhlo a ni ber. Parliament hian thutlukna siam (decision making) ah emaw, European mipuiten an Commission President te hi direct-in thlang ta sela,chu chuan awmzia an neih zawk mai thei. Tunah EU hruaituten Greeceleh Italy in harsatna an tawh-bailout an ngaiha chin fel an tum dan kha a fuh chiah lo
( Greece bailoutchungchang hi MSR ah ziaktawh a ni-CT).

Tunah EU-in” border leh coast-guard operation” nei sela, chu chuan migration leh security tha tak a siam thei ang.

EU hian chona lian tak hmachhawn mek an nei a, chu chu economy chaklo a ni. Britain a chhuah phei chuan Greece leh Spain dinhmun a thalo zual ang. Heng ramte khawsak phung- living standards tlahniam mek ngaiawh leh turin thangkhat liam teh meuh an mamawh dawn a ni. An ram unemployment chu tun hma pre-financial level ah an la awm tih a ni. Britain pawhin Euro an hmang lova, mahse, an economy tuai thara siam that nan hun an mamawh a, nikumah ngaiawh ( pre-crisis level)in an awm phah chauh a ni.

Tun hma chuan Europe inpumkhat a (integration) chuan remna leh sum pakhat (single market) a siam anga; chu chuan rah duhawm tak leh hmasawnna ( prosperity) a siam ang, tih ngaihdan nghet tak an nei a, a dikna tam tak awm mahse, Britain-in EU chhuahsan a duh takah chuan EU thiah (dissolve) duhtute rilru a rawn nem nghehsak ta a nih hi ! Soviet Union ram ropui tak, kum 75 hnuah economy tlakchhiat vanga ram 14 zetah an tlusawp a, 1990’s chhova an kehdarh leh ta ang mai khan EU ram 28 kum 50 chuang kalho leh intelkhawm hi a keh darh leh lovang tih a sawi theih ta lo.

Mithenkhatin “Sakawlh” anga EU an sawi thin erawh niin ka ring ve lo!

Advertisements

About Mizo Archive

I'm the one who collect the best writings of Mizos
Aside | This entry was posted in World News and tagged . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s