Mizo Tawng ziah Dan mawlh hi

POSTED by On

Tunlaia Mizo tawng an ziah dan, mi thenkhatin ziah dan dik emaw an tih tak, a dika thlak leh vat ngai zualte:

1. *Mole/male:* hei hi Mizo tawngah a awm lo bur. ‘Maw le’ hi chu a awm.

2. *Deih:* hei pawh hi Mizo tawngah a awm lo bur. ‘Daih’ hi chu a awm.

3. *Peih:* paih tih nan ‘peih’ an ti fo. Paih leh Peih hi a inang lo bur.

*Peih:* thil ti peih ang chi sawina.
*Paih:* bawhhlawh paih ang chi sawina.

4. *Aw aiah O:* aw hmanna turah ‘o’ an hmang fo.

‘Lawm e’ tih turah ‘lom e’ te an ti. Mizo alphabet-a Aw leh O hi a rik dan a inang lo bur.

*O* hmanna tur chi chu: lo, ko, so, ro, mo, ho, to, no, vohbik…ang chi-ah hian a ni.

4. *Ch:* ch hmanna tur ngei ngeiah ‘c’ kan hmang ta fo. ‘Chuan’ tih turah ‘cuan’ te kan ti.

‘C’ hi kan alphabet-ah a awm lo bur. Ch hmanna ngei ngei turah C lawng ringawt i hman khan, ‘C’ rik dan angin i thuziah kha han chhiar teh, a buai ber i ni ang.

5. *Tr leh Thr:* t (a hnuaia chhun-han) nei ve lo ten chhiar sual palh hlauh vangin ‘t’ a hnuaia chhun-han hmanna turah ‘tr leh thr’ hman an intihhmuh. Hei hi zirlai naupang lam ten ziah dan tur dik emaw an rawn ti ta. Hei hi chin zui loh tur a ni bur.

T a hnuaia chhun-han i neih loh vanga ‘tr leh thr’ i hman ai khan, ‘t’ i hman mai hian kan hnam tawng hi i la humhalh fe zawk.

Saptawnga thumal pakhat lek pawh a sipel dik lova ziah palh a, mite min hmuhsit hlau hle si, mahni pianpui tawng ngei mai zahpah hlek lova sawp khawlo thintute lakah hian indo puan mai hi ka nâp tawh a nia.

-PC.Thangzikpuia.

Advertisements
Aside | This entry was posted in Thu leh Hla and tagged , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s