NORTH CAROLINA AH THLARAU THIANGHLIM HARHNA A THLENG

Burlington, North Carolina: America rama North Carolina-ah tunlai hian harhna a thleng mek a, chhum lo chat lovin kar riat (8) an inkhawm ta a, zan tina inkhawm zat hi mi 2500 an chuang ziah a, he harhna hi Burlington Revival tiin sawi a ni.

He harhna hi New Hope Baptist Church atanga intan niin a tirah kar khat atan harhna crusade an buatsaih chu an tawp hleithei ta lo a, Evangelist CT Townsend leh Pastor Randy Hobbs ten rawngbawlna an nei a, North Carolina leh a chhehvel atangin he harhna chhim tur hian an fuan khawm a, he chanchin buatsaih lai thleng hian mi 4,000 chuang an piangthar tawh a ni. Biak in mai piah lamah puan in kaihin rawngbawlna chhunzawm zel a ni a, sumdawng hlawhtling tak Don Cox chuan a ram chu harhna crusade neih nana puan in kaih nan a hlan bawk a ni.

He harhnaa thuchah puang thintu CT Townsend chuan kum 15 chuang harhna dila an tawngtai tawh thu a sawi a. A ram hman tirtu sumdawng Don Cox pawhin, “Tun ang harhna North Carolina-a a thlen hnuhnung ber chu kum 1951 August thla khan niin Greenboro-ah evangelist naupangte Billy Graham-a’n rawng a bawl thin a. Tun ang harhna ropui hi kan chan leh ka beisei ngai lo, zantin ka mut hmunah Pathian hnathawh mak tak hi ka ngaihtuah thin,” tiin a sawi bawk.
He harhna atanga piangthar sumdawng hausa tak mai DR Harrision chuan, “Kum 11 chuang Biak in ka thleng tawh lo. Mahse ka fanu hian Pathianni leh Nilaini apiangin Biak in maichamah a nu leh pa te chhandam kan nih theih nan a tawngtai ziah thin a, he hmeichhe naupangte tawngtaina hi Pathianin vawiinah hian a chhang ta a ni,” tiin mittui tla pur chungin a sawi.

Evangelist CT Townsend chuan he harhna hian Pathian thu ngaihsak lo mi dangte pawh a hip zel tih a sawi a, mipui an pung khawm tam tial tial a, thalai hun an buatsaihah phei chuan mi 5000 chuang an inkhawm tih a sawi. July 1 thlenga he harhna crusade hi kalpui tur nimahse Pathian programme ang zela kal an tum thu a sawi.

Source – Makedonia Weekly

Advertisements
Aside | This entry was posted in kohhran and tagged , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s