A INTIAM ANG NGEIIN PHILIPPINES PRESIDENT A CHE, MI 45 KAP THLUM TAWH

POSTED by Saihmingliana Sailo On July 6, 2016

Phillipines President, Rodrigo Duterte-a’n a hna a thawh tan hnuah dan lova thil tih chinga puh mi 45 kah hlum an ni tawh. Rodrigo Duterte hi thla hlui ni 30 khan Phillipines President atan lak luh a ni a, ruihhlo buaipuitute leh dan lova thil tih chingte lakah zahngaihna lantir a tum loh thu a lo sawi tawh angin, President a nih atang hian Police leh sipaiten ngawrh takin hna an thawk nghal a, ni 4 chhungin dan bawhchhia nia ngaih, mi 45 an kap hlum tawh a ni.

Phillipines rama TV channel lian ber, ABS-CBN sawi danin, President thar an neih hnuah, Manila bula Bulacan province-ah ruihhlo-a sumdawng leh rukru 29 kah hlum an ni tawh a, Manila-ah pawh mi 9 kah hlum an ni tawh bawk a, Province dang 6-ah pawh mi 7 kah hlum an ni tawh a ni. Police hotute chuan, an mi kahhlumte kut atang hian silai 4 leh ruihhlo tam tham tak an man tawh niin an sawi a, Police zingah, dan bawhchhiaa ruihhlo-a sumdawng pawl-te lo thawhpui thin an awm tih pawh hriat a nih avangin, heng mite pawh hi an phu tawka hrem zel an nih tur thu an sawi a, tun hnaia kah hlum zingah pawh police 1 a tel a ni.

He rama hel pawl pakhat, New People’s Army chuan ruihhlo a sumdawngte laka beihpui thlakah hian President Duterte chu an thlawp thu an puang a, dan bawhchhiatna thila inhnamhnawih, sipai leh police bakah sawrkar hotute beih ve thung an tum thu an sawi a ni.Duterte hi, ‘The Punisher’ tih te, ‘Donald Trump of the East’ tih tea koh fiam a ni hial reng a ni.‪#‎Zonet

Advertisements
Aside | This entry was posted in World News and tagged , , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s