DONALD TRUMP A TAWNGVAI LEH TA : SADDAM HUSSEIN A FAK CHIAM !

POSTED by Ct Lalrinawma On July 7, 2016

Penglengpunga (Donald Trump) chuan July 5 zan khan Raleigh, North Carolina hmunah, ” Saddam Hussein chu mi tha lo tak a ni a. A tha lo tak zet. Mahse, engnge inhriat? A titha hle a ni lom ni? Terrorist hote a that a. A ti tha tak zet a ni. Thildik chu an chhiar lo a ni. Engmah an sawi lo. Terrorist an ni. Over. Vawiinah, Iraq ram chu firfiaka chetna Havard a ni ta e” a ti. Hetia Saddam Hussein a fakna (praise) tawngkam hi ama party mi leh sa, amah lo thlawptute ngei pawhin an helh hle.

Republican hruaitu lar leh House Speaker Paul D. Ryan chuan Fox News in a kawmnaah Trump chungchangah comment a pe duh lova. “Saddam Hussein kha kum zabi 20 hun laia misual taka ni. Ama mipuite ngei chu chemical weapons hmangin a tihlum chiam duh a, Saddam Hussein chu mi tha lo (bad guy) tak a ni” a ti.

Hillary Clinton pawhin hemi chungchangah engmah a sawi duh lo. Mahse, Hillary Top Policy advisers zinga mi Jake Sullivan chuan, “Trump pui roh hi China’s Tianamen Square tualthahna te, Kim Jung-un leh Vladimir Putin te chu fakin, “Engmah phuartu awmlo te leh butut michak (brutal strongmen) te a fak thin hi, a mak hle a ni” a ti.

Amah thlawptu leh US President atana nemnghettu Republican Congressman Chris Collins-New York representativeschuan Washington Post zawhna chhangin, “Saddam Hussein khan terrorist hote atangin harsatna a nei ngai lo” a ti. Barack Obama chuan Iraq War kha a duh lova, Trump pawhin a duhlo nia ngaih a ni. Chutih rualin Trump hian hun kal tawhah Saddam leh Muanmar Gaddafi f Libya te chu la dam se, khawvel chu 100% ina tha zawk ang, a ti a. Saddam leh Gaddafi a fak rualin, Iraq leh Libya hmuna military chakna hman chu a thlawp lawi si ! Hetianga a tawng mai mai vangin, thenkhat chuan Trump thu leh hla hi an hrethiam lo thin. Russia President Vladimir Putin pawhin, mi tha tak a ni ang, mahse, “colorfiul man” a ni, a lo ti tawh a nih kha.

Kum 2003 khan Fox News hnenah Iraq War vangin President George W.Bush Jr chuan “hna tha tak a thawk a ni” a ti. Kum 2011 ah videoblog ah, US chuan Gaddafi chu a paihchhuak (depose) tur a ni, kan luh chilh anga, he pa hi kan titawp tur a ni.Chu chu thil awmsam tak leh rang taka tihtheih a ni, a ti bawk. Trump hian indona duhlo leh dodal angin a in sawi a, mahse, mahni thuneihna hmang sual (authoritarian leaders) te erawh a fak hle a ni. Hillary chu bei nghalin advt a siamah Clinton-i thlalak chungah “History Made-Most Corrupt Candidate Ever!” tih an ziak. Donald Trump thusawi chu mi thil chikmite chu “Uibenga hlin tur awmlo” ang deuh leh “Vawrsela pa*** thil bawng, bawng leh lo!” tih ang vel niin an hria.

Hetih lai hian FBI Director James B.Comey chuan Air Force One ah Obama campaign tur bulah kalin, Hillary Clinton chu a emails 30,000 zet, classified informations -private server vela a lo thawn mai thin chungchangah, FBI chuan “criminal charge” pek an tumlo tih puangin, chutih rualin Hillary chu mi fimkhurlo tak (extremely careless) tiin a puh. 2013 atanga State Dept mi rawih, Hillary Clinton mi hman chu thununna- disciplinary action lak a ni mai thei, a ti. FBI rawtna hi Justice Dept lamin an pawm dawn a ni. Chutih a nih chuan Hillary thubuai nei mai tura ngaih chu a fihlim chiangkuang dawn a ang ta.

FBI chuan Hillary emails 30,000 zingah original thenkhat chu delete a ni a; heng emails sing thum zinga 110 te chu classified information a ni a; a then chu drone strike chungchangte an ni. Paihbo (delete) thu thenkhat chu investigators te hmuh hlauh vangah puh theih ni lovin an sawi bawk.

James B.Comey, FBI Director hi US Senate chuan thil awmzia sawifiah (testify) turin Comtt hmaah inlan turin an hriattir tawh a; Hillary Clinton emails 30,000 chungchang leh criminal charge an pek loh chhan sawifiah turin an phut a ni.

Advertisements

About Mizo Archive

I'm the one who collect the best writings of Mizos
Aside | This entry was posted in World News and tagged , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s